Jesos Odanodaganan Odijitcige8ini8an 2:20 - Kije Manido Odikido8in: Ocki Mazinaigan

²⁰ Kizis kada poni tcakasige. Tibikikizis kada miskozi, mi maia misk8i ke ijinagozidj. Mi ke iji8ebag ab8amaci odjitcisenig ka Tibendjigedj okijigom ka kitci apitendag8anig acitc ka kitci icpendag8anig.

Jesos Odanodaganan Odijitcige8ini8an 2:20 Iomraidhean Croise

Matio 24:29

“Teci8agigotc dac ick8asenigin ini kodagito8inan, kada ani makade8asige kizis acitc ka8in kada tcakasigesi tibikikizis. 8ak8ikag kada odagodjinog 8anagocag acitc kakina kegonan icpimig kada ninigise8an.

Matio 27:45

E abitakijigag, ki odji kacki tibikise mizi8e akikag, pinici kidji nisotibaiganeag e ick8a abitakijigag.

Min8adjimo8ini kagi ojibiag kitcit8a Mak 13:24

“Ii dac apitc, ki ick8a tag8anigin ini kodagito8inan, kada ani makade8asige kizis acitc ka8in kada tcakasigesi tibikikizis.

Min8adjimo8ini kagi ojibiag kitcit8a Lok 21:25

“Kizisokag acitc tibikikizisokag acitc 8anagocikag kada mamakadjisedon kegonan. Ooma akikag kakina a8iagog kada kitci animendamog acitc oga kitci segiigona8a kitcigamini e kitci kiji8emaganig acitc e kitci mamagaanig.

Jesos Odanodaganan Odijitcige8ini8an 2:19

Niga ojitonan e kitci mamada8izimagagin kegonan icpimig 8ak8ikag acitc ooma akikag. Misk8i acitc ickode kada 8abadjigade8an acitc kada kitci packine.

Jesos Odanodaganan Odijitcige8ini8an 2:21

Midac a8iagigotc ke nd8e8emadjin ka Tibendjigendjin kidji pi nda 8idjiigodjin, aa a8iag kada ag8acimagani8i.’ Joël 3.1-5 (2.28-32) Mi ka ikidodj niganadjimo8inni Joel.”

1 Konit 5:5

Ii dac apitc, kiga pagidina8a aa nabe madji manidokag. Kada kodagito, midac kidji gi nici8anadjitcigadenigin omadji mosa8endamo8inan. Apitc dac Jesos koki tag8icig, kadagi ag8acimagani8i8an aa nabe odjitcagocan.

1 Tesalonika 5:2

Kina8a tibina8e 8e8enda kikikendana8a kidji tag8icig ka Tibendjigedj apitc ega piagani8idj, tabickotc ako kimodi8inni ka kimodji tag8icig meg8a tibik.

2 Pien 3:10

Teb8e sa dac kada odjitciseni ka Tibendjigedj kidji koki tag8icig. Kada tag8icin apitc ega piagani8idj, tabickotc ako ka kimodji tag8icig kimodi8inni. Ii dac ke kijiganig, 8ak8i kada pajigonag8an acitc kada kitci kotazitag8an. Kakina kegonan 8ak8ig ka iji tibendag8agin kada ick8ade8an. Aki dac acitc kakina kegonan ooma ka tag8agin kada onakonigade8an.

2 Pien 3:7

Kije Manido acitc ki inakonige 8ak8i acitc aki nogom ka tag8agin kidji pimadjiomagagin pinici kidji odjitcisenig apitc ke pi tibakonigedj acitc apitc ke pi nici8anadjiadjin ini8e ega ka ndotagodjin. Ii dac apitc, ickodeni oga abadjiton kidji nici8anadjitodjin.

Kagi iji 8abadaagani8idj John 16:8

Mina8adj kodag ajeni ogi a8i siginan odonagan, mi aja ni8in ajenig egi siginamo8adjin. Kizisokag ogi iji siginan. Na8adj ki ani kijizo kizis kidji gi ick8az8adjin a8iagon.

Kagi iji 8abadaagani8idj John 6:12

Mina8adj aa Mantcenices ogi manibidon kodag pazag8aigani. Aja nigod8atcin odani manibidonan. Ki kitci k8ig8an. Ki poni tcakasige kizis acitc ki ani makade8izi, tabickotc makade8egin. Tibikikizis dac 8in, ki ani misk8asige tabickotc misk8i.