Jesos Odanodaganan Odijitcige8ini8an 19:9 - Kije Manido Odikido8in: Ocki Mazinaigan

⁹ Nandam dac e taci8adj cibictig8ane8agoban, ka8in mega o8i teb8etasina8a. Meg8adj e ma8adjiidinani8anig, igi8e ogi manendana8a Jesosan okikinoamage8ini. Midac Pon ka iji madji8inadjin ini8e ka teb8etamindjin, e nagana8adjin ini Coda8innin ega ka 8i teb8etamindjin. Taso kajik dac Pon ki kagik8e iima Tiranos (Tyrannus) okikinoamadimigi8amikag.

Jesos Odanodaganan Odijitcige8ini8an 19:9 Iomraidhean Croise

Matio 15:14

Ka8in pabiziskenimakegonig Coda8innig ka nagadjito8adjin inakonige8inan! Mi tabickotc ega ka 8abi8adj ka k8ag8e kikino8ina8adjin e 8idji pimosema8adjin kodagian ega ka 8abindjin ejinagozi8adj. Kicpin dac a8iag ega ka 8abidj k8ag8e kikino8inadjin e 8idji pimosemadjin kodagian ega ka 8abindjin, midjinijin kada podazig8egodjinog ka iji 8anakamiganig.”

Matio 16:4

A8iagog nogom ka te8adj kitci madji a8iago8i8ag, acitc ka8in o8i teb8eta8asi8a8an Kije Manidon! Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a adi kagi iji8ebizindjin niganadjimo8innin Jonasan 8eckadj. Midac iima ke iji 8abadamo8adj mamada8izi8ini ka k8ag8ed8e8adj.” Midac Jesos ka iji naganadjin e madjadj.

Matio 26:55

Jesos dac ogi inan kakina ini8e a8iagon ka pi takonigodjin: “Mi na e ijio8eg, e omokomanieg acitc e omitigomieg e pi nadji8inijieg, tabickotc kimodi8inni8iaban? Taso kajik nigi nda abinan Coda8inni kitci aiamiemigi8amikag e kikinoamageian, ka8in dac kidodji takonijisim.

John 12:40

“Kije Manido ega kidji 8abindjin ogi todan, ogi cibictig8anean, ega kidji gi 8abindjin, ega kidji gi nisidotamindjin, acitc ega kidji pi k8ekigaba8indjin ninikag, kidji gi kigeag8aban.” Ésaïe 6.9-10

Jesos Odanodaganan Odijitcige8ini8an 11:26

Apitc dac ka mika8adjin, Antiok ogi iji8inan. Saul acitc Banabas pejigopibon inigik ki tajike8ag iima, e paba ma8adjia8adjin ka teb8etamindjin acitc e kikinoama8a8adjin kitci mane a8iagon. Iima dac Antiok, mi iima nitam “Jesos Christan ka nosone8a8adjin” ka odji madji ijinikanagani8i8adj ka teb8etamo8adj.

Jesos Odanodaganan Odijitcige8ini8an 14:4

Ki nenicike8inidi8ag dac a8iagog iima odenag ka tajike8adj. Nandam ogi 8idji8a8an Ponan acitc Banabasan, kodagiag dac ogi 8idji8a8an Coda8innin.

Jesos Odanodaganan Odijitcige8ini8an 17:4

Nandam Coda8innig ki cagozomagani8i8ag. Ogi teb8eta8a8an, acitc ogi 8idji8a8an Ponan acitc Silasan. Mane ega ka Coda8inni8i8adj ka manadjia8adjin Kije Manidon, ke8ina8a ki teb8etamog, acitc mane ik8e8ag ka kitci apitendagozi8adj.

Jesos Odanodaganan Odijitcige8ini8an 19:23

Ii apitc, kitci madjiseban Epes odenakag. Igi8e ka tajike8agobanen iima ki kitci nickadizi8agoban, Jesosan okikinoamage8ini odji.

Jesos Odanodaganan Odijitcige8ini8an 19:30

Pon 8i pidigegoban ke8in ka iji ma8adjiidinani8anig, e 8i nda anim8egobanen. Ka8in dac ododji pagidinigosin ka teb8etamindjin.

Jesos Odanodaganan Odijitcige8ini8an 20:31

Iag8aminidizok dac! Ka8in 8anikekegon oo, nisopibon inigik, e tibikag acitc e kijigag, ka8in kigi odji poni kagikimisinonom kakina e tacieg, mojag e odademo8an kina8a odji.”

Jesos Odanodaganan Odijitcige8ini8an 22:4

Nigi nanekadjiag dac igi8e ka nosone8a8adjin Jesosan ka iji kikinoamagendjin. Nandam nigi nisag, acitc mane nabeg acitc ik8e8ag nigi takonag.

Jesos Odanodaganan Odijitcige8ini8an 24:21

Ne8ad niga inactaonigog e teb8etaman a8iagog kidji abidjiba8adj. Apitc mega ka teiaban ka iji ma8adjiidinani8ag, nigi pabibaginan: ‘Pejig kegon eta 8edji tibakonigo8an ogajigag. Niteb8etan kidji abidjiba8adj a8iagog,’ ka ikido8an.” Mi ka inadjin Pon kitci ogiman Pilikisan.

Jesos Odanodaganan Odijitcige8ini8an 28:22

Misa8adj dac ni8i ndotananan adi enendaman. Nikikendananan mega mizi8ena e paba madji mikodjigadeg ii ka iji teb8etaman.”

Jesos Odanodaganan Odijitcige8ini8an 7:51

Stepan ki ikido kiabadj: “Kina8a Coda8innig ka niganizieg! Kikitci cibictig8anem! Kidana8enima8a Kije Manido kidei8akag. Ka8in kinadota8asi8a8a apitc anim8edj. Ka8in 8ikad ki8i ndota8asi8a8a Mino Manido e aiamiigo8eg. Mi gotc maia 8eckadj kikitci anicinabemi8abanig enendagozieg.

Jesos Odanodaganan Odijitcige8ini8an 9:2

Ki a8i k8ag8ed8e kidji ojitama8agani8idj ojibiiganan kidji gi iji8idodjin 8edi Coda8inni aiamiemigi8aman Damas odenag ka tag8anigin. Ki k8ag8ed8e kidji pagidinagani8idj 8edi Damas kidji paba nanada 8abamadjin a8iagon Jesosan ka nosone8andjin. Kicpin dac mika8adjin iima, oga takonan acitc oga pidji8inan Jerusalemikag, naben kek8an ik8e8an.

Ojibiama8agani8i8ag ka teb8etamo8adj Rom odenakag 11:7

Ka8in sa dac Israel a8iagog ododji mikasina8a ka kitci nanada 8abadamo8adj. Mi eta igi8e kagi onabamigo8adjin Kije Manidon ogi mikana8a. Kodagiag dac igi8e, ki ani cibictig8ane8ag acitc ogi p8ana8itona8a kidji nisidotamo8adj.

Ojibiama8agani8i8ag ka teb8etamo8adj Rom odenakag 9:18

Midac Kije Manido okidimageniman a8eneni8an 8a kidimagenimadjin, acitc kidji cibictig8anendjin oga toda8an a8ian adi eji min8endag.

1 Konit 16:9

Kitci minose mega kidji ijitaian Kije Manido omikimo8in ooma, misa8adj mane a8iagog ega e nda8enimiji8adj.

1 Timote 6:5

Apanigotc aiajidemidi8ag. Madji kegonan mega omamidonendana8an, acitc ka8in aja okikendasina8a Kije Manidon oteb8e8ini. Odinendana8a mega: “Niga kitci coniakemin kicpin anokita8agidj Kije Manido.”

2 Timote 1:15

Kikikendanadok kakina Kije Manido odanicinabeman Eja (Asie) aki ka iji tajikendjin egi naganijindjin, 8a8adj Pijen (Phygèle) acitc Enimojen (Hermogène) ke8ina8a nigi naganigog.

2 Timote 3:5

“Nidicpenimanan Kije Manido” kada in8ekazo8ag, ka8in dac kada iji tibaagesi8ag Kije Manidon omacka8izi8ini kidji mino inadizi8adj. 8imackaok igi a8iagog.

2 Timote 4:2

Pijicig kagik8en Kije Manido odikido8in, kicpin 8i ndotaok8a a8iagog kek8an misa8adj ega 8i ndotaok8a. Apitc a8iagog madji inakamigizi8adj, mi iji 8idamaok, kagikimik kidji ponito8adj, acitc 8idjiik kidji mino inakamigizi8adj. 8e8enda maia cacibendan e kikinoamagean.

Ebaro 3:13

Kiabadj nogom Kije Manido kinad8e8emigo8a. 8idjiidiok dac taso kajik kidji sogideeieg, meg8adj kiabadj e nodameg e nd8e8emigo8eg, ega iaga pejig ii e tacieg kidji 8agackibinigodj patado8ini acitc kidji ani cibictig8anedj.

2 Pien 2:12

Igi8e dac kikinoamage8innig inakamigizi8ag adigotc eji nda8endamo8adj, ega e abadjito8adj omidonendjigani8a. Midac tabickotc a8esizag ka nta8igi8adj kidji na8adinagani8i8adj acitc kidji nisagani8i8adj ejinagozi8adj. Omanazodana8a kegonan ega ka nisidotamo8adjin. Mi maia tabickotc ke iji nisagani8i8adj ka iji nisagani8indjin a8esizan.

2 Pien 2:2

Kitci mane acitc ka teb8etamo8adj kada madji ijitcige8ag ke8ina8a, madji aido8ini e nodjito8adj, tabickotc igi8e kikinoamage8innig ka todamo8adj. Midac igi8e ega ka teb8etamo8adj oga 8abama8an adi enakamigizindjin ka teb8etamindjin, kada odji madji mikodjigadeni dac Kije Manido omikana ka teb8emaganig.

Jod odojibiigan 1:10

Igi8e dac a8iagog kagi pija8adj kina8akag, omanazodana8an kakinagotc kegonan ega ka nisidotamo8adjin. Ini dac kegonan ka kackito8adj kidji nisidotamo8adjin, ka8in egi mamidonendamo8adj 8edji nisidotamo8adjin. Tiegodj mi maia tabickotc a8esizag ejinagozi8adj, ega odji pejig e kackito8adj kidji mamidonendamo8adj, e motci kikendamo8adj kidji inakamigizi8adj adi eji min8endamo8adj. Onici8anadjiigona8an dac ini kegonan ka inakamigizi8adj.