Jesos Odanodaganan Odijitcige8ini8an 19:33 - Kije Manido Odikido8in: Ocki Mazinaigan

³³ Coda8innig dac ogi anona8an pejig naben Aleksanden (Alexandre) e ijinikazondjin kidji anim8endjin. Aja ki 8idama8agani8iban adi ke ikidodj. Aleksanden dac ki icpinikeni e 8i anim8egobanen.

Jesos Odanodaganan Odijitcige8ini8an 19:33 Iomraidhean Croise

Min8adjimo8ini kagi ojibiag kitcit8a Lok 1:22

Apitc ka sagaag, ka8in ododji kackitosinagoban kidji anim8edj. Ogi nisidotana8a dac egi ijinamindjin Zakanin pidigamig kitci aiamiemigi8amikag. Motci mamadjinikebaniobanin acitc ka8in nta8esibanin.

Jesos Odanodaganan Odijitcige8ini8an 12:17

Pien dac pekadjig ogi inan onidji e abadjitodj. Ogi tibadjimota8an adi Kije Manidon ka iji 8idjiigodjin kidji kackiodj kibaodimigi8amikag. Ogi inan: “8idamaokog Jak (Jacques) acitc kodagiag ka teb8etamo8adj adi ka iji8ebag.” Midac ka iji madjadj pakan.

Jesos Odanodaganan Odijitcige8ini8an 13:16

Pon dac ki pazig8i kidji anim8edj. Ki icpinikeni kidji ndotagodjin a8iagon acitc ki ikido: “Israel a8iagog, acitc kina8a ega ka Coda8inni8ieg ka icpenimeg Kije Manido, ndotaocik!

Jesos Odanodaganan Odijitcige8ini8an 19:34

Apitc dac a8iagog ka kikenima8adjin e Coda8inni8indjin, 8aiej nijotibaigan inigik ma8asag ki kitci pabibagi8ag, kakina pejig8an e ikido8adj: “Teb8e kitci icpendagozi Artemis, 8in Epes odenag ka taji aiamita8agani8idj!”

Jesos Odanodaganan Odijitcige8ini8an 21:40

Ka niganizidj cimaganic ogi pagidinan kidji anim8endjin, midac Pon ki taji naniba8i ka odji ik8ada8ejimonig. Ki icpinikeni kidji ega kidondjin a8iagon. Apitc ega e kidonani8anig, Pon ogi aiamian, Coda8inni odijigij8e8in e ijigij8edj.

Jesos Odanodaganan Odijitcige8ini8an 24:10

Midac kitci ogima Pilikis ogi pagidinan Ponan kidji anim8endjin. Pon dac ki ikido: “Kitci ogima Pilikis! Nikikendan aja kitci maneopibon e onakonad8a a8iagog ogo ka inakanezi8adj. Nimin8endan dac kidji nak8itamadizo8an nigan kinikag.

Pilip 1:7

Min8acin e iji mik8eniminagok, kikitci sagiinom mega. Ma8asag kigi odisigonan Kije Manido okitci ca8endjige8in, kidji gi odji 8idjiijieg nogom meg8adj kibaodimigi8amikag e teian, acitc dac odakanag ab8amaci kibaogo8an, meg8adj ka nak8ita8ag8aban ako igi8e ka madji mikodamo8apan min8adjimo8ini, e kitci sogi 8abadai8eiaban e teb8emaganig ii min8adjimo8ini.

1 Timote 1:20

Mi ka ijise8adj igi8e nijin nabeg, Iminias (Hyménée) acitc Aleksanden (Alexandre) ka ijinikazo8adj. Nigi pagidinama8ag dac igi8e nijin a8iagog madji manidon kidji kodagiigo8adjin, kidji gi kikendamo8adj ega mina8adj kidji manazoma8adjin Kije Manidon.

2 Timote 4:14

Aleksanden (Alexandre) ka ijinikazodj pi8abikoke8inni nigi kitci madji todag. Ka Tibendjigendjin oga tibakonigon adi kagi iji madji ijitcigedj.