Jesos Odanodaganan Odijitcige8ini8an 19:18 - Kije Manido Odikido8in: Ocki Mazinaigan

¹⁸ Mane ka teb8etamo8adj ki pi nda 8idamage8ag adi ka iji patadi8adj.

Jesos Odanodaganan Odijitcige8ini8an 19:18 Iomraidhean Croise

Matio 3:6

8idamage8agoban egi patadi8adj, Cabadis dac Jourdain sibikag ogi iji sigaada8agoban.

Jesos Odanodaganan Odijitcige8ini8an 19:17

Kakina a8iagog Epes (Ephèse) odenag, Coda8innig acitc ega ka Coda8inni8i8adj, ki nodage8ag adi kagi iji8ebanig. Ki kitci segizi8ag acitc ogi kitci apitendana8a ka Tibendjigendjin Jesosan o8izoni.

Jesos Odanodaganan Odijitcige8ini8an 19:19

Kitci mane a8iagog ka mamada8izi8agobanen ogi pidji8idona8an omazinaigani8an acitc ogi ick8azana8an meg8adj a8iagon e taji kijigabamigo8adjin. 8aiej nanomidana kitci midasomidana (50 000) 8abiconia8abikog apitendag8ano8agoban egi onagidjigadegin ini mazinaiganan.

Ojibiama8agani8i8ag ka teb8etamo8adj Rom odenakag 10:10

A8iag mega odeikag iji teb8etag, mi ke odji k8aiak8abamigodjin Kije Manidon. A8iag dac 8idamagedj “Mi aa Jesos ka Tibendjigedj,” mi ke odji ag8acimigodjin Kije Manidon.

Jak odojibiigan 5:16

8idamaodiok dac adi ka iji patadieg, acitc aiamietamadiok kakina pepejig e tacieg. Apitc iidi todameg, Kije Manido kiga kigeigo8a. A8iag ka k8aiak8adizidj, kitci macka8izi eji aiamiedj, acitc kitci abadani odaiamie8in.

1 John 1:9

Anic dac kicpin 8idama8aiak Kije Manido egi patadiak, kiga kasiamagonan ka iji patadiak acitc kiga paiekideeigonan. 8in mega teb8eiendagozi acitc kabe k8aiak inakamigizi.