Jesos Odanodaganan Odijitcige8ini8an 18:25 - Kije Manido Odikido8in: Ocki Mazinaigan

²⁵ Kitci mane ki iji kikinoamagozi ka Tibendjigendjin okikinoamage8ini, acitc enigokodeedj ki kagik8e. K8aiak ki kikinoamage e mikomadjin Jesosan. Pekic dac eta okikendanagoban adi ka iji kikinoamagenipanin Cabadisan meg8adj ka sigaadagenigobanen.

Jesos Odanodaganan Odijitcige8ini8an 18:25 Iomraidhean Croise

Min8adjimo8ini kagi ojibiag kitcit8a Mak 1:3

“A8iag kada tag8icin kidji pabibagidj pig8adakamigokag. Mi oo8eni ke ikidodj: Eco8iok kidji tag8icig ka Tibendjigedj. Ojitamaok e k8aiakojimonig mikanani.” Ésaïe 40.3

Min8adjimo8ini kagi ojibiag kitcit8a Mak 12:14

Ogi pi ina8an: “Kikinoamage8inni! Nikikendananan kin e teb8ean. Ka8in kikosasi8ag adi enendamo8adj a8iagog, ka8in mega kipabiziskendasin adi eji apitenimagani8idj a8iag. K8aiak kikikinoamage adi ke todjigadenig 8e8enda kidji gi nosoneigadenig Kije Manido omikana. 8idamaocinam dac, ikidomaganon na kidinakonige8inanan kidji kijika8aiak ma8adji kitci ogima Sesar (César), Rom ka tajikedj, kek8an ka8in? Kida kijika8anan na?”

Min8adjimo8ini kagi ojibiag kitcit8a Lok 1:4

kidji gi ketcinamendaman kekin e teb8emagag ii kagi pi kikinoamago8an.

Min8adjimo8ini kagi ojibiag kitcit8a Lok 7:29

Kakina a8iagog kagi noda8a8agobanen, 8a8adj igi8e ka ma8adjia8adjin conian kitci ogiman odji, kakina odinendana8aban: “Kitci k8aiakozi Kije Manido.” Aja mega kaiet ogi sigaadago8agoban Cabadisan igi8e a8iagog.

Jesos Odanodaganan Odijitcige8ini8an 13:10

“Kin ka iji tibendagozian kitci madji manidokag kidadam, ka madjendaman kakina k8aiak8adizi8in! Kabe kikagina8ickimag a8iagog acitc ki8aiejimag. Teb8e8ini ka ikidodj ka Tibendjigedj, kin dac pijicig kidikidonan ega k8aiak ii.

Jesos Odanodaganan Odijitcige8ini8an 16:17

Aa ik8eses nigi paba nosoneogonan Pon acitc nina8it e pabibagidj: “Mi igi8e nabeg ka anokita8a8adjin ma8adji ka kitci icpendagozindjin Kije Manidon. Ki8idamago8ag adi ke iji ag8acimigo8eg.”

Jesos Odanodaganan Odijitcige8ini8an 18:26

Apollos ki madjita kidji kitci mikomadjin Jesosan aiamiemigi8amikag, ega e cag8enimodj. Parisila (Priscille) dac acitc Akilas (Aquilas) ogi noda8a8an. Midac ogi nd8e8ema8an Apollosan omigi8ami8akag, acitc ogi 8idama8a8an kitci 8e8enda adi ejinag8anig Kije Manidon omikanani.

Jesos Odanodaganan Odijitcige8ini8an 19:23

Ii apitc, kitci madjiseban Epes odenakag. Igi8e ka tajike8agobanen iima ki kitci nickadizi8agoban, Jesosan okikinoamage8ini odji.

Jesos Odanodaganan Odijitcige8ini8an 19:3

Midac ki k8ag8ed8e: “8egoneni sigaadage8in kagi iji sigaadazo8eg?” Ki ikido8ag: “Cabadis ka iji kikinoamagedj nigi iji sigaadazomin.”

Jesos Odanodaganan Odijitcige8ini8an 19:9

Nandam dac e taci8adj cibictig8ane8agoban, ka8in mega o8i teb8etasina8a. Meg8adj e ma8adjiidinani8anig, igi8e ogi manendana8a Jesosan okikinoamage8ini. Midac Pon ka iji madji8inadjin ini8e ka teb8etamindjin, e nagana8adjin ini Coda8innin ega ka 8i teb8etamindjin. Taso kajik dac Pon ki kagik8e iima Tiranos (Tyrannus) okikinoamadimigi8amikag.

Jesos Odanodaganan Odijitcige8ini8an 9:2

Ki a8i k8ag8ed8e kidji ojitama8agani8idj ojibiiganan kidji gi iji8idodjin 8edi Coda8inni aiamiemigi8aman Damas odenag ka tag8anigin. Ki k8ag8ed8e kidji pagidinagani8idj 8edi Damas kidji paba nanada 8abamadjin a8iagon Jesosan ka nosone8andjin. Kicpin dac mika8adjin iima, oga takonan acitc oga pidji8inan Jerusalemikag, naben kek8an ik8e8an.

Ojibiama8agani8i8ag ka teb8etamo8adj Rom odenakag 12:11

Kitci nak8iok e mikimo8eg, acitc ka8in kitimikegon. Enigokodeeieg odji anokitaok ka Tibendjigedj.

2 Timote 2:4

Aa8e a8iag ka nda cimaganici8idj, ka8in opabiziskendasin adi eji pimadizindjin ega ka cimaganici8indjin, e k8ag8e min8endamiadjin ocimaganici ogiman.

Jak odojibiigan 5:16

8idamaodiok dac adi ka iji patadieg, acitc aiamietamadiok kakina pepejig e tacieg. Apitc iidi todameg, Kije Manido kiga kigeigo8a. A8iag ka k8aiak8adizidj, kitci macka8izi eji aiamiedj, acitc kitci abadani odaiamie8in.