Jesos Odanodaganan Odijitcige8ini8an 12:8 - Kije Manido Odikido8in: Ocki Mazinaigan

⁸ Midac 8aa ajeni ki ikido: “Pizikao kikitcipizon acitc pitakizinen.” Apitc ka ick8atadj, ajenin ogi igon mina8adj: “Pisikan kipizika8agan, nosoneocin dac.”

Jesos Odanodaganan Odijitcige8ini8an 12:8 Iomraidhean Croise

Matio 3:11

“Nin nibikag kidiji sigaadaonom kidji nag8ag aja egi an8endizo8eg. Anic dac aa8e nage ke pi tag8icig, na8adj kitci macka8izi apitc8in nin. Ka8in tibise nidapitendagozisi kidji maninam8agin omakizinan. 8in dac Mino Manidokag acitc ickodekag kiga iji sigaadago8a.

Min8adjimo8ini kagi ojibiag kitcit8a Mak 6:9

Pisikamokon nibinakizinan. Ka8in nijin pabagi8anan madji8idokegonin.”

Min8adjimo8ini kagi ojibiag kitcit8a Lok 12:37

Kada mino iji8ebizi8ag igi8e anokitage8innig e mikago8adjin okackami8an e taji pio8adj, ega e taji niba8adj. Teb8e ki8idamonom, kada meckodjikonae aa kacka, tabickotc anokitage8inni kidji ijiodj, acitc oga nd8e8eman odanokitage8inniman kidji 8isinindjin acitc 8in tibina8e oga acaman.

Jesos Odanodaganan Odijitcige8ini8an 12:7

Kitata ka Tibendjigedj pejig odajeniman ki nagozi8an, acitc ki kitci 8asakone iima kibaodimigi8amikag. 8aa ajeni ogi kockobinan kidji 8anickandjin Pienan acitc ogi inan: “8ibadj, pazig8in!” Teci8ag dac ki abiskoseni8an onidjin.

Jesos Odanodaganan Odijitcige8ini8an 12:9

Pien dac ogi nosone8an ajenin pinici ag8adjik kibaodimigi8amikag. Ka8in dac ododji kikendasin kicpin maia eji8ebanigobanen, “nidijinanadok eta” ki inendamogoban.

Jesos Odanodaganan Odijitcige8ini8an 27:23

Kije Manidokag nidiji tibendagozinan, acitc nidicpenima. Onago 8enag8icig odajeniman nigi pi nda 8abamig.

Jesos Odanodaganan Odijitcige8ini8an 8:26

Pilip ogi igon ka Tibendjigendjin odajenimini: “8aiej abitakijigag, ijan Jerusalem mikana, Gaza odena ka ijinikadeg ka odji pinazi8ejimog,” ogi igon. Ii mikana ka8in aja kitci abadasinon.