Jesos Odanodaganan Odijitcige8ini8an 12:6 - Kije Manido Odikido8in: Ocki Mazinaigan

⁶ Ii dac e tibikanig, 8iabanig Herodan kidji tibakonigodjin nigan a8iagokag, Pien nibagoban nasa8idj nijin cimaganican. Mag8apizogoban nijin pi8abiko sagapizoneabin e abadanigin, acitc nandam cimaganicag okana8endana8agoban kibaodimigi8ami ick8ademini.

Jesos Odanodaganan Odijitcige8ini8an 12:6 Iomraidhean Croise

Matio 28:4

Cimaganicag dac ka kana8endamo8adj 8ibabikinigani ki kitci ninigise8ag ka apitciniji8adj, acitc ki pagicinog motcikag mi maia ka nibo8adj.

Jesos Odanodaganan Odijitcige8ini8an 12:5

Pien dac ki kana8enimagani8i kibaodimigi8amikag. Ka teb8etamo8adj dac ogi kitci aiamita8a8an Kije Manidon Pienan odji.

Jesos Odanodaganan Odijitcige8ini8an 21:33

Ka niganizidj cimaganic ogi nda 8abaman Ponan, midac ka iji takonadjin. Ki anoki nijin pi8abiko sagapizoneabini kidji abadanigin e mag8apinagani8indjin, midac ka iji k8ag8ed8edj a8eneni8an ini acitc adi ka inakamigizindjin.

Jesos Odanodaganan Odijitcige8ini8an 28:20

Midac 8edji 8i 8abaminagogiban acitc 8edji 8i aiamiinagogiban. Nimag8apinigo pi8abiko sagapizoneabin osa egi mikomag aa8e kakina Israel a8iagon ka piigodjin.”

Jesos Odanodaganan Odijitcige8ini8an 5:23

Ki ikido8ag: “Kibaodimigi8am kidabikaigade, acitc ka nagadjito8adj kibaodimigi8amini taji naniba8ibanig ick8ademikag. Apitc dac ka cenamag ick8adem, pijicig8ate kibaodimigi8am!” ki ikido8ag.

Epes 6:20

Nigi ijinijaog mega atajigotc kidji paba mikodaman ii min8adjimo8in, egi tibadjimo8ag dac 8edji ki kibaogo8an nogom kibaodimigi8amikag. Aiamietamaocik kidji sogideeian, ega kidji cag8enimo8an e tibadjimo8ag, adi Kije Manido ka iji nda8enimijidj.

2 Timote 1:16

Onesiponas (Onésiphore) dac 8in, mojag nigi sogideeckag. Ka8in nigi agadenimigosi egi kibaogo8ag. Nipagosenima dac ka Tibendjigedj kidji kidimagenimadjin kakina ka tajikendjin Onesiponasan omigi8aminikag.

Ebaro 13:6

Kina8it dac, kigagi ikidomin oo8e, e ketcinamendamak: “Mi aa ka Tibendjigedj ka 8idjiijidj, ka8in niga kotadjisi. Ka8in a8iag nigagi madji todagosi.” Psaume 118.6