Jesos Odanodaganan Odijitcige8ini8an 12:17 - Kije Manido Odikido8in: Ocki Mazinaigan

¹⁷ Pien dac pekadjig ogi inan onidji e abadjitodj. Ogi tibadjimota8an adi Kije Manidon ka iji 8idjiigodjin kidji kackiodj kibaodimigi8amikag. Ogi inan: “8idamaokog Jak (Jacques) acitc kodagiag ka teb8etamo8adj adi ka iji8ebag.” Midac ka iji madjadj pakan.

Jesos Odanodaganan Odijitcige8ini8an 12:17 Iomraidhean Croise

Matio 10:23

Apitc nanekadjiigo8eg pejig odenakag, kodag odenag ipai8eg. Teb8e ki8idamonom, ka8in 8a8adj maci kiga ick8a paba tibadjimosim min8adjimo8in kakina odenan Israel akikag, ab8amaci tag8icig Aa8e Ka pi Anicinabe8iidizodj.”

Min8adjimo8ini kagi ojibiag kitcit8a Mak 6:3

Kana mi 8aa mitigonabe? Kana 8in aa Mani og8izisan? 8in Jak (Jacques), Coses (Joses), Jod (Jude), acitc Simo o8idjiki8e8an, kana? Ocimejan ka ik8e8indjin kakina tajike8an ooma kina8itinakag, kana?” Onagabinigona8aban dac ii kidji teb8eta8a8adjin Jesosan.

Min8adjimo8ini kagi ojibiag kitcit8a Lok 1:22

Apitc ka sagaag, ka8in ododji kackitosinagoban kidji anim8edj. Ogi nisidotana8a dac egi ijinamindjin Zakanin pidigamig kitci aiamiemigi8amikag. Motci mamadjinikebaniobanin acitc ka8in nta8esibanin.

John 10:40

Kegapitc Jesos ki koki ijagoban k8ekagam Jourdain sibini, Cabadis kagi iji sigaadagegobanen. Midac iima ka tajikedj.

John 11:54

Jesos dac ka8in mina8adj ki paba ijasiban ka iji manenani8anig iima Coda (Judée) akikag. Ki ija dac pejig odenajicikag Ipaniam (Éfraïm) ka ijinikadenig, pecodj pig8adakamigokag. Mi iima ka iji tajike8adj Jesos acitc okikinoamaganan.

John 13:24

Simo Pien dac 8e8ebik8ebanio, e anonadjin ini kikinoamaganan kidji k8ag8edjimandjin Jesosan a8eneni8an ka mikomandjin.

John 7:1

Mina8adj dac, Jesos ki paba ija Galilee akini. Ka8in 8i paba ijasiban Coda (Judée) akini, Coda8innig mega iima ka niganizi8adj o8i nanada8i nisa8abanin.

John 8:59

Midac ogi ma8adjia8an asinin kidji pim8asinaa8adjin e 8i nisa8adjin. Jesos dac ki kazo, midac ka iji sagaag Coda8inni kitci aiamiemigi8amikag.

Jesos Odanodaganan Odijitcige8ini8an 1:15

Ii dac apitc, nigodin igi8e ka teb8etamo8adj ki ma8adjiidi8ag. 8aiej dac midasomidana acitc nijidana (120) tacibanig. Pien ki pazig8i nena8idj acitc ogi 8idama8an:

Jesos Odanodaganan Odijitcige8ini8an 12:16

Pien kiabadj ogi papa8aan ick8ademini. Apitc ka cenamo8adj ick8ademini, ogi nisida8ina8a8an Pienan acitc ki kitci mamakadendamog.

Jesos Odanodaganan Odijitcige8ini8an 12:18

8iabanig, ki kitci animendamo8agoban ka nagadjito8adj kibaodimigi8amini acitc k8ag8edjimidi8agoban adi Pienan ka ijanigobanen.

Jesos Odanodaganan Odijitcige8ini8an 13:16

Pon dac ki pazig8i kidji anim8edj. Ki icpinikeni kidji ndotagodjin a8iagon acitc ki ikido: “Israel a8iagog, acitc kina8a ega ka Coda8inni8ieg ka icpenimeg Kije Manido, ndotaocik!

Jesos Odanodaganan Odijitcige8ini8an 15:13

Apitc ka ick8a tatibadjimo8adj, Jak (Jacques) ki pazig8i kidji anim8edj. Ki ikido: “Nidjiki8eg, ndotamok!

Jesos Odanodaganan Odijitcige8ini8an 16:40

Apitc dac Pon acitc Silas ka sagaamo8adj kibaodimigi8amikag, ki ija8ag Lidia omigi8amikag. Iima ogi aiamia8an ka teb8etamindjin acitc ogi 8idama8a8an kidji sogideendjin. Midac ka iji madja8adj.

Jesos Odanodaganan Odijitcige8ini8an 19:33

Coda8innig dac ogi anona8an pejig naben Aleksanden (Alexandre) e ijinikazondjin kidji anim8endjin. Aja ki 8idama8agani8iban adi ke ikidodj. Aleksanden dac ki icpinikeni e 8i anim8egobanen.

Jesos Odanodaganan Odijitcige8ini8an 21:18

8iabanig, Pon nigi 8idjiogonan kidji nda 8abamagidj Jak (Jacques). Kakina ka niganizi8adj iima ka iji teb8etamindjin ke8ina8a tebanig.

Jesos Odanodaganan Odijitcige8ini8an 21:40

Ka niganizidj cimaganic ogi pagidinan kidji anim8endjin, midac Pon ki taji naniba8i ka odji ik8ada8ejimonig. Ki icpinikeni kidji ega kidondjin a8iagon. Apitc ega e kidonani8anig, Pon ogi aiamian, Coda8inni odijigij8e8in e ijigij8edj.

Jesos Odanodaganan Odijitcige8ini8an 28:15

Ab8amaci oditamag, ka teb8etamo8adj 8edi Rom ki nodage8ag e ani peconagoziag. Nigi pi nda nagickagonanag dac. Nandam ii odenag adi eji tag8anig Apios (Appius) ka iji ada8ani8anig nigi pi iji nagickagonanag, acitc kodagiag iima odenag “Ka nisigin nibe8igi8aman” ka ijinikadeg. Apitc Pon ka 8abamadjin, ki odji min8endam acitc mig8etc ogi inan Kije Manidon.

1 Konit 15:7

Mina8adj ogi todan Jakan (Jacques) kidji 8abamigodjin, mina8adj dac kakina Odanodaganan.

Kalecia 1:19

Ka8in dac kodagian Jesos Odanodaganan nidodji 8abamasi8an, mi eta Jak (Jacques), ka Tibendjigedj o8idjiki8en.

Kalecia 2:12

Mi oo ka todagiban. Apitc ka tag8icig Antiok odenakag, mino inakamigiziban ako, e 8idji 8isinimadjin ega ka Coda8inni8indjin ka teb8etamindjin. Nage dac nandam Jak (Jacques) o8idji8aganan ki tag8icino8an. Ikidobanin dac ako igi8e a8iagog panima kidji pak8ej8agani8indjin ega ka Coda8inni8indjin ka teb8etamindjin. Pien dac okosabanin ini a8iagon. Ki odji pakanendam dac, acitc ka8in mina8adj ododji 8idji 8isinimasi8an ka teb8etamindjin ega ka Coda8inni8indjin.

Kalecia 2:9

Jak, Pien acitc John, ma8adji ka kitci niganendagozi8apan, ogi nisidotana8a Kije Manidon egi ca8enimijindjin iidi kidji anokitaomagin. Igi dac midjinisin nigi pojokagonanag nin acitc Banabas, midac iidi ka iji 8abadai8e8adj e nakomo8apan. Midac oo8e ka iji nakomo8ag kakina ka taciag, nin acitc Banabas kidji nda tibadjimo8ag min8adjimo8in taji ka iji te8adj ega ka Coda8inni8i8adj, ke8ina8a dac kidji nda tibadjimo8adj min8adjimo8ini taji eji tendjin Coda8innin.

Jak odojibiigan 1:1

Nin Jak. Nidanokita8ag Kije Manido acitc Jesos Christ ka Tibeniminak. Kidanamikonom kina8a kakina, Kije Manido kagi onabamigo8eg 8inikag kidji iji tibendagozieg. Nogom dac mizi8ekamig kipaba tem, pepakan akin egi ijinijaogo8eg.