Jesos Odanodaganan Odijitcige8ini8an 1:7 - Kije Manido Odikido8in: Ocki Mazinaigan

⁷ Jesos ogi nak8e8ajian: “Ka8in kiminigosim kidji kikendameg anapitc kegon ke ijiseg acitc adi ke iji8ebag. Nidadam mega aja 8in ogi onendan, 8in sa kakina kegoni ka tibendag.

Jesos Odanodaganan Odijitcige8ini8an 1:7 Iomraidhean Croise

Matio 20:23

Jesos dac ogi inan: “Teb8e kiga kodagitom adi ke iji kodagito8an. Anic dac ka8in nin ke onaco8anag a8enen ke pi abidj nikitcinikikag kek8an ninamadinikikag. Nidadam aja ogi onendan a8eneni8an ke abindjin iima.”

Matio 24:36

“Ka8in dac a8iag okikendasin anapitc maia ke ponaki8anig. Ka8in 8a8adj ajenig 8ak8ig ka te8adj okikendasina8a, ka8in 8a8adj Kije Manido Og8izisan okikendasini. Mi eta Kije Manido Kidadaminan okikendan.

Min8adjimo8ini kagi ojibiag kitcit8a Mak 10:40

Anic dac, ka8in nin ke onaco8anag a8enen ke pi abidj nikitcinikikag kek8an ninamadinikikag. Kije Manido aja ogi onendan a8eneni8an ke abindjin iima,” ki ikido Jesos.

Min8adjimo8ini kagi ojibiag kitcit8a Mak 13:32

“Ka8in dac a8iag okikendasin anapitc maia ke ponaki8anig. Ka8in 8a8adj ajenig 8ak8ig ka te8adj okikendasina8a, ka8in 8a8adj Kije Manido Og8izisan okikendasini. Mi eta Kije Manido Kidadaminan okikendan.

Min8adjimo8ini kagi ojibiag kitcit8a Lok 21:24

Nandam kitci mokomani kada odjine8ag, kodagiag kada madji8inagani8i8ag 8edi pakan akin kidji nda kiba8agani8i8adj. A8iagog ega ka teb8eta8a8adjin Kije Manidon oga nici8anadjitona8a Jerusalemini. Midac ii ke iji8ebag pinici kidji ick8asenig inigik ke onaco8e8adj igi8e ega ka teb8eta8a8adjin Kije Manidon.”

Jesos Odanodaganan Odijitcige8ini8an 17:26

Kije Manido ogi kijeniman kakina a8iagon. Nitam ogi kijeniman pejig naben, Adam ka ijinikazonigobanen, midac 8inikag ka iji odjindjin kakinagotc enakanezindjin a8iagon. Ogi minan 8akidakamig kidji tajikendjin. Ogi nigani onendan maia anapitc ke pimadizindjin kakinagotc enakanezindjin a8iagon acitc adi ke iji tajikendjin.

Epes 1:10

Apitc dac odjitcisenig, oga todan kakina kagi iji onendamogobanen, kakina kegonan ka kijendagin 8ak8ig acitc akikag e mama8atodjin, Jesos Christan kidji iji ogimakadamindjin.

1 Timote 6:15

Kije Manido oga pidjinija8an Jesosan apitc nda8endag. 8in Kije Manido kitci icpendagozi acitc 8in eta kitci ogima8i, mizi8e a8ian e tibenimadjin. 8in sa okackakanan kakina ogiman acitc 8in otibeniman kakina ka tibenimi8endjin.

2 Timote 3:1

8e8enda k8ag8e nisidotan oo8e. Kada tag8anon kodagito8inan apitc ani ponaki8ag.