Jesos Odanodaganan Odijitcige8ini8an 1:14 - Kije Manido Odikido8in: Ocki Mazinaigan

¹⁴ Ma8asag kakinagotc e taci8apan ma8adjiidibanig ako kidji aiamie8adj. Ik8e8ag ka teb8etamo8adj ogi 8idji8a8an, acitc Mani, Jesos odjodjoman acitc Jesos o8idjiki8en.

Jesos Odanodaganan Odijitcige8ini8an 1:14 Iomraidhean Croise

Matio 12:46

Meg8adj Jesos kiabadj e aiamiadjin a8iagon, odjodjoman acitc o8idjiki8en ki tag8icinobanin. Ag8adjik paba tajigaba8ibanig acitc o8i aiamia8abanin.

Matio 21:22

Kicpin teb8etameg, kakina kegon ke iji pagosendameg e aiamieieg kiga odisigona8a.”

Matio 27:55

Mane ik8e8ag te8agoban iima, pagi 8asag e odji kana8abi8adj adi eji8ebanig. Galilee akikag ogi pi odji nosone8a8agoban Jesosan kidji 8idoka8a8adjin.

Min8adjimo8ini kagi ojibiag kitcit8a Mak 15:40

Nandam ik8e8ag ke8ina8a te8agoban iima, pagi 8asag e odji kana8abi8adj adi eji8ebanig. Mani Magdala iima tegoban, acitc ke8in kodag Mani, mi ini Jak (Jacques), 8in “Ka ocki pimadizidj” ka ijinikanagani8ipan ako, acitc Coses (Joses) odjodjomi8an, acitc dac Salome.

Min8adjimo8ini kagi ojibiag kitcit8a Mak 16:1

Ka ick8a Coda8inni aiamie kijiganig, Mani Magdala, Mani, mi ini Jak (Jacques) odjodjoman, acitc Salome, ogi nda kicpinadona8a pimideni ka minomag8anig kidji ato8adj Jesosan o8ia8inikag. Mi ako e toda8agani8ipan a8iag e nibodj.

Min8adjimo8ini kagi ojibiag kitcit8a Lok 11:13

Misa8adj madjideeieg, kikikendana8a mino kegonan kidji mineg8a kidabinodjijimi8ag. Midac na8adj a8acamej Kidadaminan 8ak8ig ka tedj ke iji minadjin Mino Manidon ini8e ka k8ag8edjimigodjin.” Mi ka ikidodj Jesos.

Min8adjimo8ini kagi ojibiag kitcit8a Lok 18:1

Jesos ki adisoke oo8e kidji kikinoama8adjin okikinoamaganan kabena kidji aiamiendjin, ega dac kidji ana8endjigendjin.

Min8adjimo8ini kagi ojibiag kitcit8a Lok 23:49

Kakina Jesos o8idji8aganan acitc igi8e ik8e8ag Galilee akikag kagi pi odji nosone8a8apanin Jesosan, 8asag tajigaba8ibanig, e kana8abi8adj adi eji8ebanig.

Min8adjimo8ini kagi ojibiag kitcit8a Lok 23:55

Igi8e ik8e8ag Galilee akikag kagi pi nosone8a8apanin Jesosan, ogi 8idji8a8an Josepan. Ki inabi8ag 8ibabikiniganikag, acitc ogi 8abadana8a adi kagi iji naatcigadenigobanen Jesosan o8ia8ini.

Min8adjimo8ini kagi ojibiag kitcit8a Lok 24:10

Mani Magdala, Jo8ana (Jeanne), acitc Mani, 8in Jak (Jacques) odjodjoman, acitc kodagiag ik8e8ag kagi 8idjiogo8agobanen, mi igi8e ik8e8ag kagi nda 8a8idama8a8agobanen Jesosan Odanodaganan.

Min8adjimo8ini kagi ojibiag kitcit8a Lok 24:33

Teci8ag ki pazig8i8ag acitc ki koki ki8e8ag Jerusalem odenag. Iima dac ogi mika8a8an e ma8adjiidindjin ka midatcin acitc pejigondjin Jesosan okikinoamaganan acitc kodagian a8iagon kagi nosone8anipanin Jesosan.

Min8adjimo8ini kagi ojibiag kitcit8a Lok 24:53

Apan acitc ki tajike8agoban Coda8inni kitci aiamiemigi8amikag kidji icpenima8adjin Kije Manidon.

Min8adjimo8ini kagi ojibiag kitcit8a Lok 8:20

Jesos dac ki 8idama8agani8i: “Kidjodjom acitc kidjiki8eg ag8adjik paba tajigaba8i8ag, e 8i 8abamik8a.”

Jesos Odanodaganan Odijitcige8ini8an 2:1

Apitc ka odjitcisenig Pentikost (Pentecôte) Kijigan ka ijinikadenig, kakina ka teb8eta8a8agobanen Jesosan ki ma8adjiidi8ag.

Jesos Odanodaganan Odijitcige8ini8an 2:42

Midac pijicig ki ma8adjiidi8agoban, kidji ndota8a8adjin Anodaganan e kikinoamago8adjin, kidji 8idjiidi8adj, ma8asag kidji 8isini8adj, acitc ma8asag kidji aiamie8adj.

Jesos Odanodaganan Odijitcige8ini8an 2:46

Taso kajik ako ma8adjiidibanig Coda8inni kitci aiamiemigi8amikag. Kitci min8endamobanig kakina pepejig e taci8adj kidji mama8i 8isini8adj omigi8ami8akag, e tabasenimidizo8adj eji 8idji8idi8adj.

Jesos Odanodaganan Odijitcige8ini8an 6:4

Nina8it dac niga tebapitcimin kidji aiamieiag acitc kidji kagik8eiag Kije Manido odikido8in.”

Ojibiama8agani8i8ag ka teb8etamo8adj Rom odenakag 12:12

Kije Manidokag kidiji apacenimom, apanigotc dac modjigendamok. Apitc ako kodagito8eg, cibendamok. Apanigotc mojag aiamieok.

1 Konit 14:13

Aa8e dac ka pakanigij8edj, inendagozi kidji pagosenimadjin Kije Manidon kidji gi ca8enimigodjin kidji gi kackitodj kidji inotamagedj odikido8in.

Epes 6:18

Kabe kida aiamiem, e pagosenimeg Kije Manido kidji 8idokago8eg. Adigotc ejitaieg, kabe aiamieok, e 8idokago8eg Mino Manido kidji aiamieieg. Iag8amig ega 8ikad kidji poni aiamieieg. Apanigotc aiamietamaokog kakina Kije Manido odanicinabeman.

Kolosi 4:2

Apanigotc aiamieok, kabe e pagaki mika8ieg, acitc mig8etc e inenimeg Kije Manido.