3 John 1:7 - Kije Manido Odikido8in: Ocki Mazinaigan

⁷ Ogi nagadana8a taji ka tajike8adj e nda tibadjimo8adj Jesosan omin8adjimo8ini. Ka8in 8ikad ododji k8ag8edjimasi8a8an a8iagon ega ka teb8etamindjin kidji 8idjiigo8adjin.

3 John 1:7 Iomraidhean Croise

John 15:21

E nosoneojieg, mi ke odji nanekadjiigo8eg. Ka8in mega okikenimasi8a8an ini a8ian kagi pidjinijaojindjin.”

Jesos Odanodaganan Odijitcige8ini8an 20:33

Meg8adj ka 8idji tajikeminagok, ka8in 8ikad nidodji nda8enimasi kiconiami8a, ka8in kek8an kipitcikonaani8an ka kitci min8acigin.

Jesos Odanodaganan Odijitcige8ini8an 20:35

Kabena kigi 8abadainom adi ke iji mikimo8eg kidji gi 8idjieg8a ka kidimagizi8adj. Kigi kikinoamaonom kidji mamidonendameg oo kagi ikidodj ka Tibendjigedj Jesos: ‘Na8adj kiga ca8endagozim kidji 8idjieg8a kodagiag a8iagog, apitc8in kidji 8idjiigo8eg.’ ” Mi ka inadjin Pon.

Jesos Odanodaganan Odijitcige8ini8an 5:41

Igi Anodaganag ki sagaamog ka iji ma8adjiidinani8anig. Ki kitci min8endamog dac, tibise Kije Manidon egi apitenimigo8adjin kidji kodagito8adj Jesosan o8izoni odji.

Jesos Odanodaganan Odijitcige8ini8an 8:4

Adigotc ka paba ija8adj ka teb8etamo8adj, ki tibadjimo8ag min8adjimo8ini.

Jesos Odanodaganan Odijitcige8ini8an 9:16

Nin dac niga 8abadaa adi inigik panima ke kodagitodj nin odji,” ki ikido.

1 Konit 9:18

Adi dac eji kijikago8an? Mi oo8e nikijikagozi8in, e kackito8an kidji tibadjimo8an min8adjimo8in ega mamakadj a8iagog kidji miniji8adj ke odji pimadjio8an. Nidinendagozinan kidji minigo8an ke odji pimadjio8an e paba tibadjimo8an min8adjimo8in, ka8in dac kegon nik8ag8ed8esi kidji minigo8an.

2 Konit 12:13

Mi maia pejig8an ka todaonagok kagi toda8ag8a ka teb8etamo8adj kodag odenan ka tajike8adj, ka8in dac eta kidodji k8ag8edjimisinonom kidji minijieg ka nodeseian kidji pimadjio8an. Kipagoseniminom dac kidji ponenimijieg egi iji madji todaonagok iidi.

2 Konit 4:5

Apitc ako kagik8eiag, ka8in nina8it tibina8e nimikomidizosimin. Jesos Christ nimikomanan, 8in ka Tibeniminak. 8in Jesos kagi pidjinijaogo8ag kidji anokitago8eg.

Pilip 2:9

Misa dac ogi odji kitci apitendagoziigon Kije Manidon, e minigodjin na8adj kidji manadjiagani8idj apitc8in kakina kodag kegoni. Ogi minigon 8izoni na8adj e apitendag8anig apitc8in kakinagotc kodag 8izoni.

Kolosi 1:24

Nogom dac nimin8endan e kodagito8an kina8a odji. Tabickotc pejig8an Jesos Christ kagi iji kodagitopan, mi eji kodagito8an nogom nia8ikag, kidji gi kijito8an ii mikimo8in kagi majikagiban Jesos Christ apitc ka kodagitodj, kidji gi 8idoka8ag8a igi a8iagog ka teb8etamo8adj ka ma8adjiidi8adj kidji aiamie8adj, tabickotc Jesos o8ia8 ka ijinagozi8adj.

3 John 1:8

Midac kina8it e teb8etamak, kida 8idjiananag igi a8iagog, kidji 8idji mikimomaiakonig e paba tibadjimo8adj teb8e8ini.

Kagi iji 8abadaagani8idj John 2:3

Kigi kitci cacibendana8a apitc e animizieg, acitc kigi kitci kodagitom nin odji. Ka8in dac kidodji ana8endjigesim.