2 Timote 4:3 - Kije Manido Odikido8in: Ocki Mazinaigan

³ Kegapitc mega kada odjitcise a8iagog ega kidji 8i ndotamo8adj ka k8aiak8anig kikinoamage8ini. Oga nosoneana8a dac adi 8ina8a eji min8endamo8adj. Oga ma8adjia8an mane kikinoamage8innin, kidji kikinoamagendjin adi 8a iji ndotamo8adj.

2 Timote 4:3 Iomraidhean Croise

Min8adjimo8ini kagi ojibiag kitcit8a Lok 20:19

Coda8inni kikinoamage8innig acitc kitci aiamie ogimag ogi nanada8i kikendana8a adi ke todamo8apan teci8ag kidji gi takona8adjin Jesosan. Ogi kikendana8aban mega egi mikomigo8adjin apitc ii ka inadisokendjin. Pekic dac okosa8abanin a8iagon iima ka tendjin.

Min8adjimo8ini kagi ojibiag kitcit8a Lok 6:26

“Kiga madji iji8ebizim apitc kakina a8iagog mino mikomigo8eg, pejig8an ako ka todamo8agobanen 8eckadj okitci anicinabemi8abanin igi a8iagog, e mino mikoma8apanin ako niganadjimo8innin ka kagina8ickindjin.”

John 8:45

Nin dac 8in e teb8eian, mi ii 8edji ega teb8etaojieg!

Jesos Odanodaganan Odijitcige8ini8an 17:21

Kakina a8iagog ka tajike8adj Atins odenag, 8a8adj pi8ideg iima ka tajike8adj, omin8endana8aban ako kidji mikodamo8adjin ocki inendamo8inan.

1 Konit 2:1

Nidjiki8eg! Mamik8endamok oo8e. Apitc ka pijaian kina8akag kidji pi nda tibadjimo8an Kije Manido omin8adjimo8in, ega ka kikendamakoban 8eckadj, nogom Kije Manido kagi kikendamonigo8ak, ka8in nigi k8ag8e mamakazitagozisi kidji minotago8an, acitc ka8in kagita8endamo8in ooma akikag ka odjimagag nidodji abadjitosin.

1 Konit 2:4

Apitc dac meg8adj ka taji kikinoamageian acitc meg8adj ka taji kagik8eian, ka8in nidodji k8ag8edjitosin kidji kitci mamada8igij8eian kidji kackiminagok, anic dac Mino Manido ogi abadjiton omacka8izi8in kidji 8abadaigo8eg e teb8emaganigobanen nitibadjimo8ini.

Kalecia 4:16

Kimadjenimijim na nogom, osa e 8idamonagok teb8e8in?

1 Timote 1:10

igi8e madji aido8ini ka pamendamo8adj, igi8e nabeg ka nodjinabe8e8adj, igi8e a8iagog ka takona8adjin a8iagon kidji ada8ecima8adjin, igi8e ka kagina8icki8adj, igi8e ekido8adj “niteb8e” ega dac e teb8e8adj, acitc kakina kodagiag a8iagog ega ka tibaage8adj k8aiak kikinoamage8ini. Mi igi8e kakina ka odji ojitcigadenigin ini inakonige8inan.

2 Timote 1:13

Kikinoamagen ii pejig8an tibadjimo8in ka teb8emagag kagi iji kikinoamaonan, acitc teb8etan kiabadj, acitc sagii8en, tabickotc Jesos Christ ka iji minadjin kidji todamindjin ini8e 8inikag ka iji tibendagozindjin.

Jod odojibiigan 1:18

Kidigo8abanig: “Apitc ani peconag8ag kidji ponaki8ag, kada te8ag a8iagog kidji papiigo8eg acitc kidji papia8adjin Kije Manidon. Kada panaage8ag adi eji madji mosa8endamo8adj, ega e 8i ndota8a8adjin Kije Manidon,” ki ikido8ag.