2 Timote 4:21 - Kije Manido Odikido8in: Ocki Mazinaigan

²¹ Kitci k8ag8edjiton kidji pijaian ooma ab8amaci pibog. Igi8e a8iagog Iobolos (Eubulus), Podens (Pudens), Lenos (Linus), acitc Kalodia (Claudia) kidanamikagog, acitc kakina Kije Manido odanicinabeman ooma.

2 Timote 4:21 Iomraidhean Croise

Min8adjimo8ini kagi ojibiag kitcit8a Lok 12:58

Mamidonendamok oo8e. Kicpin a8iag inactaonik egi madji toda8adj, acitc ani 8idjiok tibakonige8igi8amikag e ijaieg, kitci nanada8i todan kidji gi 8a8ejibido8an ii, ab8amaci kidji oditameg. Kicpin mega ega mikidaman ii, kiga iji8inig nigan tibakonige8innikag, tibakonige8inni dac kiga pagidenimig takoni8e8innikag, acitc takoni8e8inni kiga kibaog kibaodimigi8amikag.

1 Konit 16:20

Kakina kodagiag ooma ka teb8etamo8adj ke8ina8a kidanamikago8ag. Anamikodadiok kakina pepejig e tacieg, kidji 8abadaidieg e sagiidieg pepejig e tacieg, kina8a Kije Manidokag ka iji tibendagozieg.

2 Konit 13:13

8egona ca8enimigo8eg ka Tibeniminak Jesos Christ! 8egona kikendamonigo8eg Kije Manido osagii8e8in! 8egona sa Mino Manidokag iji mama8iseieg kakina ka tacieg! Nin Pon

Pilip 4:22

Kakina Kije Manido odanicinabeman ooma kidanamikago8ag, a8acamej igi8e kitci ogima Sesaran (César) omigi8aminikag ka iji mikimo8adj.

2 Timote 1:4

Kimika8enimin e ma8iaban ka naganidiakoban, acitc nikitci nda8endan mina8adj kidji 8abaminan, kidji gi odji kitci modjigendaman nin.

2 Timote 4:13

Apitc pijaian, pidon nipizika8agan kagi nagadamaban 8edi Troas odenag, Kanipos (Carpus) omigi8amikag. Acitc pidon ka tidibanakosigin mazinaiganan, a8acamej ini8e 8aianikag ka iji ojibiigadegin.

2 Timote 4:9

Kitci k8ag8edjiton 8ibadj kidji pi nda 8abamijian.

Tite 3:12

Niga pidjinija8a Atemas (Artémas) konigotc Tikik (Tychique) kidji nabickaok. Apitc tag8icig, kitci k8ag8edjiton kidji pi nda 8abamijian Nikopolis odenag. 8edi mega nigi inendan kidji taji pibonecinian.

2 John 1:13

Kimises, Kije Manidon ka onabamigodjin, odabinodjijiman kidanamikagog! Nin John

3 John 1:14

Nikitci nda8endan 8ibadj kidji gi pi nda 8abaminan, kiga aianim8emin dac ii apitc.