2 Timote 4:17 - Kije Manido Odikido8in: Ocki Mazinaigan

¹⁷ Anic ka Tibendjigedj nigi 8idjiig, acitc nigi minig macka8izi8ini, kitci ag8aiadj kidji gi tibadjimo8ag odikido8in. Misa dac ka iji nodamo8adj kakina igi8e ega ka Coda8inni8i8adj. Nigi kana8enimig ega maci kidji nisigo8aban.

2 Timote 4:17 Iomraidhean Croise

Matio 10:19

Apitc dac iji8inigo8eg nigan tibakonige8innikag, ka8in nigod inendakegon adi ke ikido8eg acitc ke todameg. Kiga 8idamagom mega adi ke ikido8eg ii apitc.

Min8adjimo8ini kagi ojibiag kitcit8a Lok 1:1

Kin Teopil (Théophile) ka kitci apitendagozian kidojibiamon. Mane a8iagog ogi k8ag8e ojibiana8a adi ka pi iji8ebiziag nina8itinakag.

Min8adjimo8ini kagi ojibiag kitcit8a Lok 21:15

Ninigotc mega kiga mininom ke ikido8eg, acitc kiga mininom kagita8endamo8in ega kidji kackito8adj kidji nak8itago8eg igi8e ka madjenimigo8eg, acitc ega kegoni kidji tag8anig ke ikido8adj.

Jesos Odanodaganan Odijitcige8ini8an 23:11

Apitc e ani onag8icinig, ka Tibendjigedj ogi pi nda 8abaman Ponan acitc ogi inan: “Ka8in kotadjiken! Aja kigi paba tibadjimonan nikikinoamage8in Jerusalem odenakag, acitc panima kiga iji tibadjimonan Rom odenakag.”

Jesos Odanodaganan Odijitcige8ini8an 9:15

Midac ka Tibendjigedj ogi inan Ananiasan: “A8i ijan! Nigi onabama Saul kidji ijitadj mikimo8ini e kitci apitendag8anig. Niga paba mikomig, kidji odji kikenimijindjin ega ka Coda8inni8indjin acitc kitci ogiman acitc Israel a8iagon.

Ojibiama8agani8i8ag ka teb8etamo8adj Rom odenakag 15:31

Aiamieok ega kidji nanekadjiiji8adj igi8e ega ka teb8etamo8adj 8edi Coda (Judée) akikag. Aiamieok acitc kidji gi odji min8endamindjin Kije Manido odanicinabeman 8edi Jerusalem ka tendjin kidji odapina8andjin ini conian kagi anonigo8an kidji iji8idama8ag8a.

2 Konit 12:9

Tasin dac ka Tibendjigedj nigi nak8e8ajiig: “Nica8endjige8in mininan, mi kidji tibiseaban. Apitc mega ako cagozian kin, mi apitc ketci paietenag8ag nimacka8izi8in,” mi ka ijidj. Aja dac nogom nikitci min8endan e mikodaman adi epitci cagozian, mi mega iima 8edinaman kidji aiam8ag Jesos Christ omacka8izi8in.

Epes 3:8

Kakina kodagian Kije Manido odanicinabeman na8adj 8ina8a apitendagozi8an apitc8in nin. Anic dac Kije Manido ka kitci kije8adizidj nigi kitci ca8enimig egi onabamijidj kidji paba tibadjimotaomagin ega ka Coda8inni8indjin omin8adjimo8in. Jesos Christ kagi pi ijitcigedj kina8it odji, epitci kitci apitendag8anig dac ii, ka8in 8ikad kakina kiga kackitosinanan kidji cabo nisidotamak okije8adizi8in.

1 Timote 1:12

Mig8etc nidina Jesos Christ ka Tibeniminak, 8in ka minijidj macka8izi8ini kidji anokita8ag. Mig8etc nidina egi teb8eienimijidj, acitc egi onabamijidj kidji anokita8ag.

2 Timote 2:1

Nidabinodjijim ka ineniminan! Pagidin Jesos Christ kidji minik oca8endjige8in kidji gi macka8izian.

2 Timote 2:9

E tibadjimo8an dac ii min8adjimo8in, nikodagito acitc nikibaogo tabickotc a8iag ka kitci panaagedj. Ka8in dac 8in Kije Manido omin8adjimo8in kibaigadesini,

2 Timote 3:11

Kikikenimijinan adi ka iji nanekadjiiji8adj a8iagog acitc adi inigik ka kodagito8an 8edi Antiok (Antioche), Ikoniom (Iconium), acitc Listra (Lystre) odenan. Teb8e nigi kitci kodagito! Ka Tibendjigedj dac nigi 8idjiig kakina kidji cabockam8agin ini8e kegonan.

2 Timote 4:5

Kin dac, Timote, kabe nagadjiidizon. Cacibendan e kodagito8an. Kagik8en Kije Manido omin8adjimo8in. Kakina kijiton kimikimo8in Kije Manido kagi inanonik.

Tite 1:3

Apitc dac ka odjitcisenig kidji kikendamonigo8ak e 8i minigo8ak ii kagige pimadizi8ini, mi ka iji todag, midac nigi anonig kidji paba 8idamage8ag omin8adjimo8in. Nitaji tibadjimonan dac, tabickotc kagi iji inanonijidj Kije Manido ka Ag8aciminak.

Ebaro 11:33

Kakina ogi teb8eta8a8an Kije Manidon. Ii dac odji, ogi a8i migana8an a8iagon kodagian akikag acitc ogi cagodjia8an. K8aiak ki ogima8i8ag. Ogi 8idokago8an Kije Manidon, adi kagi igo8adjin. Ogi kackia8an ega kidji mag8amigo8adjin micibijin.

1 Pien 5:8

Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.

2 Pien 2:9

Kidodji kikendananan dac ketcinadj ka Tibendjigedj kidji 8idjiadjin apitc kodagitondjin ini8e ka ndotagodjin, acitc ketcinadj kidji pajacte8adjin madji a8iagon apitc odjitcisenig kidji tibakonigedj.