2 Timote 4:14 - Kije Manido Odikido8in: Ocki Mazinaigan

¹⁴ Aleksanden (Alexandre) ka ijinikazodj pi8abikoke8inni nigi kitci madji todag. Ka Tibendjigendjin oga tibakonigon adi kagi iji madji ijitcigedj.

2 Timote 4:14 Iomraidhean Croise

Ojibiama8agani8i8ag ka teb8etamo8adj Rom odenakag 12:19

Ni8idji8aganag ka kitci sagiinagok! Kicpin a8iag madji todago8eg, ka8in kina8a tibina8e nak8ikegon. Tiegodj pagidinik Kije Manido kidji pajacte8adjin. Ojibiigadenigoban mega Kije Manido Omazinaiganikag: “Mi e ikidodj ka Tibendjigedj: Nin niga nak8ita8ag igi8e ka panaage8adj, nin niga pajacte8ag.” Deutéronome 32.35

Ojibiama8agani8i8ag ka teb8etamo8adj Rom odenakag 2:6

Oga tibakonan pepejig a8ian adi kagi inakamigizindjin.

2 Tesalonika 1:6

Teb8e Kije Manido k8aiak kada ijitcige. Oga kodagian ini8e ka taji kodagiigo8eg.

1 Timote 1:20

Mi ka ijise8adj igi8e nijin nabeg, Iminias (Hyménée) acitc Aleksanden (Alexandre) ka ijinikazo8adj. Nigi pagidinama8ag dac igi8e nijin a8iagog madji manidon kidji kodagiigo8adjin, kidji gi kikendamo8adj ega mina8adj kidji manazoma8adjin Kije Manidon.

2 Timote 4:15

Iag8amin dac kekin 8aa, ka8in mega odji pejig ominotasin ka iji kikinoamageiak.

1 John 5:16

Kicpin 8abameg kidjiki8e8a e patadidj, kida aiamiem 8in odji, midac oga odisigon kagige pimadizi8ini. Pekic dac, tag8an patado8in ke odji nibodj a8iag ka iji patadidj, ka8in dac nidikidosi kidji aiamieieg aa a8iag odji egi iji patadidj iidi.

Kagi iji 8abadaagani8idj John 18:20

Kina8a 8ak8ig ka teieg, modjigendamok egi ick8a nici8anadag ii odena! Kina8a Kije Manido odanicinabeman, kina8a Jesos Odanodaganan acitc kina8a niganadjimo8innig, modjigendamok! Kije Manido mega ogi tibakonan adi kagi todago8eg.

Kagi iji 8abadaagani8idj John 18:6

Kiga toda8a8ag igi8e a8iagog adi kagi todago8eg. Nijinanaj a8acamej inigik kiga ki8e minag kakina kegoni kagi iji todago8eg. Adi kagi iji kodagiigo8eg, mi maia tabickotc ki siginamago8egoban ka macka8agaminig cominaboni ejinag8ag. Nijinanaj dac inigik macka8agaminamok apitc kicponebado8egon odonagani8an.

Kagi iji 8abadaagani8idj John 6:10

Ki kitci kiji8e8ag oo8e: “Ka Tibeniminak! Kikitcit8a8izinan acitc kinikag odjimagan teb8e8in. A8iagog 8edi akikag kagi nisigo8ag, anapitc ke tibakonad8a? Anapitc ke toda8ad8a kidji sanagendjige8adj?”