2 Timote 4:12 - Kije Manido Odikido8in: Ocki Mazinaigan

¹² Tikik (Tychique) dac 8in, Epes (Ephèse) odenag nigi ijinija8a.

2 Timote 4:12 Iomraidhean Croise

Jesos Odanodaganan Odijitcige8ini8an 18:19

Midac ka iji ija8adj Epes (Ephèse) odenakag. Mi iima ka iji naganadjin Parisilan acitc Akilasan. Meg8adj iima Pon ka tegobanen, ki pidige aiamiemigi8amikag kidji aiamiadjin Coda8innin.

Jesos Odanodaganan Odijitcige8ini8an 18:21

Tiegodj ogi pojoka8an ab8amaci madjadj, acitc ogi inan: “Mina8adj niga koki pija, kicpin iji nda8endag Kije Manido.” Midac Epes odenani ka odji madjiacidj.

Jesos Odanodaganan Odijitcige8ini8an 19:1

Meg8adj Apollos Konit (Corinthe) odenakag ka tepan, Pon ki ani paba ijagoban Parijia (Phrygie) acitc Kalecia (Galatie) akikag, Epes (Ephèse) odenakag dac ki tag8icin. Ogi mika8an iima nandam ka teb8etamindjin.

Jesos Odanodaganan Odijitcige8ini8an 20:25

“Aja nikikendan ega mina8adj kidji 8abamijieg. Kabegotc inigik ka 8idji tajikeminagok kigi mikodamonom Kije Manido Odogima8i8in.

Jesos Odanodaganan Odijitcige8ini8an 20:4

Nandam nabeg ogi 8idji8a8an. Sopater, 8in Piros (Pyrrhus) og8izisan, Biria (Bérée) odena ka odosegobanen, acitc Anistakos (Aristarque) acitc Sekondos (Secundus), Tesalonika (Thessalonique) odena ka odose8agobanen, Kaios (Gaïus), Tarpi (Derbe) odena ka odosegobanen, Timote (Timothée), acitc dac Tikik (Tychique) acitc Topimos (Trophime), igi nijin nabeg Eja (Asie) aki ka odise8agobanen, mi igi8e ka 8idji8a8agobanen.

Epes 6:21

Kidjiki8enan ka kitci sagiaiak Tikik (Tychique) ka ijinikazodj, 8in teb8e k8aiak odanokita8an ka Tibendjigendjin. Kiga 8idamago8a dac kakina adi eji pimadizian, kakina e tacieg kidji kikendameg adi enakamigizian.

Epes 6:22

Mi 8edji ijinija8ag Tikik kina8akag, kidji kikendameg adi eji pimadiziag, acitc 8in kidji sogideeckago8eg ega kidji ana8endjigeieg.

Kolosi 4:7

Tikik (Tychique) kiga 8idamago8a kakina adi eji8ebizian. Mi aa kidjiki8enan ka kitci sagiagidj, ka teb8eiendagozidj e mikimodj, acitc ka paba 8idji mikimomijidj e paba anokita8ag ka Tibendjigedj.

1 Timote 1:3

Epes (Ephèse) odenag kida taji tajike, kagi ininaban apitc Masedonia (Macédoine) akikag ka ijaiaban nin. Nandam iima a8iagog anodj iji kikinoamage8ag. Kida tajike dac iima kidji inad8a kidji ponakamigizi8adj.

Tite 3:12

Niga pidjinija8a Atemas (Artémas) konigotc Tikik (Tychique) kidji nabickaok. Apitc tag8icig, kitci k8ag8edjiton kidji pi nda 8abamijian Nikopolis odenag. 8edi mega nigi inendan kidji taji pibonecinian.