2 Timote 3:16 - Kije Manido Odikido8in: Ocki Mazinaigan

¹⁶ Kakina ka ikidomaganig Kije Manido Omazinaigan, 8inikag odjimagani. Kidji kikinoamago8ak teb8e8ini inabadani, kidji kikendamonigo8ak apitc panaageiak, kidji kikinoamago8ak adi ke iji tibaageiak, acitc kidji kikinoamago8ak kidji k8aiak8adiziak.

2 Timote 3:16 Iomraidhean Croise

Matio 13:52

Ogi inan dac: “A8enenigotc 8e8enda ka kikendagin Coda8inni Inakonige8inan, acitc ani kikendag adi eji kikinoamage8ag e mikodam8ag Kije Manidon Odogima8i8ini, 8adan oo ejinagozidj. Mi maia tabickotc ka kitci 8anadizidj a8iag ejinagozidj, ka kitci manenigin o8anadizi8inan omigi8amikag, nandam ocki kegonan acitc nandam 8eckadj kegonan.”

Matio 21:42

Jesos dac ogi inan: “Mazinadeni Kije Manido Omazinaiganikag: ‘Migi8amike8innig ogi ana8enima8an ini asinin. Anic dac mi aa asini ma8adji ka ani kitci apitendagozidj. Ka Tibendjigedj dac ii ka todag, kikitci mamakadendananan dac e 8abadamak.’ Psaume 118.22-23 Kana dac 8ikad kidodji nabo8adasina8a ii?

Matio 22:43

Jesos dac ogi inan: “Adi dac 8edji ki ijiseg David kidji ijinikanadjin ‘Tebendjigean’? David mega, e kigickagodjin Mino Manidon, ki ikidogoban oo8eni:

Matio 26:54

Kicpin dac pekic iidi todamaban, ka8in kada iji8ebasinoban kagi ojibiigadenig Kije Manido Omazinaiganikag! Mazinade dac panima iidi kidji iji8ebag.”

Matio 26:56

Midac 8edji iji8ebag ii, kidji gi ijiseg adi kagi iji ojibiamo8adj niganadjimo8innig.” Kakina dac okikinoamaganan ogi naganigon acitc ki ojimobanin.

Min8adjimo8ini kagi ojibiag kitcit8a Mak 12:24

Jesos dac ogi nak8e8ajian: “Anodj kidinendana8a! Ka8in mega kikikendasina8a Kije Manido Omazinaigan kek8an omacka8izi8in.

Min8adjimo8ini kagi ojibiag kitcit8a Mak 12:36

David mega, e kigickagodjin Mino Manidon, 8inigotc ki ikidogoban oo8eni: ‘Ka Tibendjigedj ogi inan ka Tibenimijindjin: Nikitcinikikag iji pi nda abin, pinici kidji cagodjiag8a ka madjenimik8a, kinikag kidji iji tabasendizo8adj.’ Psaume 110.1

John 10:35

Kikikendananan apanigotc e teb8emaganig Kije Manido Omazinaigan. Ogi inan ini tibakonige8innin ka apitenimagani8indjin tabickotc 8in tibina8e.

John 3:20

Aa8e ka madji inakamigizidj, ka8in omin8endasin e 8aseanig acitc ka8in 8i ijasi ka iji 8aseanig. Okotan mega kidji 8abadjigadenig omadji inakamigizi8in.

Jesos Odanodaganan Odijitcige8ini8an 1:16

“Nidjiki8eg! Aja ki inateban kidji ijiseg adi Mino Manido kagi ikidopan Kije Manidon Omazinaiganikag. Ogi anim8ean Davidan, kijadj e tibadjimodj Judasan kidji niganindjin apitc nda takonagani8indjin Jesosan.

Jesos Odanodaganan Odijitcige8ini8an 18:25

Kitci mane ki iji kikinoamagozi ka Tibendjigendjin okikinoamage8ini, acitc enigokodeedj ki kagik8e. K8aiak ki kikinoamage e mikomadjin Jesosan. Pekic dac eta okikendanagoban adi ka iji kikinoamagenipanin Cabadisan meg8adj ka sigaadagenigobanen.

Jesos Odanodaganan Odijitcige8ini8an 20:20

Kikikenimijim ega egi cag8enimo8an kakina kegon kidji 8idamonagok adi kegi iji 8idjiinagogiban, apitc ka kagik8eian acitc ka kikinoamaonagok kimigi8ami8akag acitc aiamiemigi8amikag.

Jesos Odanodaganan Odijitcige8ini8an 20:27

Aja mega kigi 8idamonom kakina kegoni Kije Manido kagi iji nda8endag kidji kikendameg.

Jesos Odanodaganan Odijitcige8ini8an 28:25

Midac pepakan ka iji inendamo8adj Coda8innig. Ki ani madja8ag dac, ka ick8a ikidondjin Ponan: “Teb8esagotc ii kagi inagobanen Mino Manido 8eckadj kikitci anicinabemi8abanig, egi abadjiagobanen niganadjimo8inni Isaian.

Ojibiama8agani8i8ag ka teb8etamo8adj Rom odenakag 15:4

Kakina mega kegon 8eckadj kagi ojibiigadegin Kije Manido Omazinaiganikag, kidji gi kikinoamago8ak 8edji ki ojibiigadegin, kidji gi odji aiamak apenimo8in. Kije Manido mega Omazinaigan ki8idjiigonan kidji cibendamak acitc kidji sogideeiak.

Ojibiama8agani8i8ag ka teb8etamo8adj Rom odenakag 2:20

Kidinendan: “Nikackiton kidji kikinoama8ag8a a8iagog ega kegoni ka kikendamo8adj, acitc igi8e ega maci ka ick8a madjigi8adj.” E aiamanin mega Coda8inni Inakonige8inan, kidinendan kakina kegon e kikendaman acitc e aiaman teb8e8in.

Ojibiama8agani8i8ag ka teb8etamo8adj Rom odenakag 3:2

Kitci abadan ii e Coda8inni8inani8ag, kakinagotc adi ejinag8ag. Mi oo8e nitam kegon. Coda8innin ogi minan Kije Manido odikido8inan kidji nagadjitondjin.

Ojibiama8agani8i8ag ka teb8etamo8adj Rom odenakag 4:23

Ii kagi ojibiigadenig Kije Manido Omazinaiganikag: “Ogi k8aiak8abamigon,” Genèse 15.6 ka8in 8in eta Abanaam odji 8edji ki ojibiigadenig.

1 Konit 12:7

Mino Manido 8abadai8e kakina pepejig ka tacieg e kigickago8eg, kidji gi 8idjiidieg kakina pepejig e tacieg.

Kalecia 3:8

Aja 8eckadj odji ojibiigadenigoban Kije Manido Omazinaiganikag kidji ani teb8eta8a8adjin Kije Manidon igi8e ega ka Coda8inni8i8adj, kidji gi odji k8aiak8abamigo8adjin. Midac 8edji ki 8idama8agani8idj Abanaam oo min8adjimo8ini: “Kiga abadjiig Kije Manido kidji ca8enimadjin kakinagotc ka inakanezindjin a8iagon ooma akikag.” Genèse 12.3

2 Timote 2:25

Panima pekadj oga kikinoama8an ini8e ka ana8etagodjin. Midac ne8ad Kije Manido oga minan ini8e a8iagon kidji an8endizondjin acitc kidji kikendamindjin teb8e8ini.

2 Timote 4:2

Pijicig kagik8en Kije Manido odikido8in, kicpin 8i ndotaok8a a8iagog kek8an misa8adj ega 8i ndotaok8a. Apitc a8iagog madji inakamigizi8adj, mi iji 8idamaok, kagikimik kidji ponito8adj, acitc 8idjiik kidji mino inakamigizi8adj. 8e8enda maia cacibendan e kikinoamagean.

Ebaro 11:1

Apitc a8iag teb8eta8adjin Kije Manidon, ketcinamendam kidji odisigodjin ini kegonan ka pitodjin, acitc ketcinamendam e tag8anigin ini kegonan ega ka 8abadagin.

Ebaro 3:7

Mamidonendamok dac adi kagi ikidodj Mino Manido: “Kicpin noda8eg Kije Manido ogajiganig,

Ebaro 4:12

Pimadizimagani mega Kije Manido Odikido8in, acitc kitci macka8izimagani. Na8adj kitci kaca apitc8in kitci mokoman ka kitci kacag nida8ina. Midac maia pejig8an kitci mokoman eji mikimomaganig ii Kije Manido Odikido8in. Kitci aidadj pidigamig kina8itinakag pidigemagan, pinici kideinakag acitc nena8idj kidjitcagocinakag. 8abadai8emagan adi eji mosa8endamak acitc adi enendamak kideinakag.