2 Timote 2:2 - Kije Manido Odikido8in: Ocki Mazinaigan

² 8eckadj kigi kikinoamaon Kije Manido odikido8in, mane kodagiag a8iagog ke8ina8a e nodaoji8adj. Kekin dac, kikinoamaok kodagiag ka teb8etamo8adj ka teb8eiendagozi8adj, midac ke8ina8a oga kackitona8a kidji kikinoama8a8adjin kiabadj kodagian a8iagon.

2 Timote 2:2 Iomraidhean Croise

Matio 13:52

Ogi inan dac: “A8enenigotc 8e8enda ka kikendagin Coda8inni Inakonige8inan, acitc ani kikendag adi eji kikinoamage8ag e mikodam8ag Kije Manidon Odogima8i8ini, 8adan oo ejinagozidj. Mi maia tabickotc ka kitci 8anadizidj a8iag ejinagozidj, ka kitci manenigin o8anadizi8inan omigi8amikag, nandam ocki kegonan acitc nandam 8eckadj kegonan.”

Matio 24:25

Ndotamok! Kigi 8idamonom nigan ke iji8ebag.”

Min8adjimo8ini kagi ojibiag kitcit8a Lok 12:42

Ka Tibendjigedj dac ki ikido: “A8enen dac aa8e anokitage8inni ka teb8eiendagozidj acitc ka kagita8endagozidj? Mi aa ke igodjin okackaman: ‘Kiga nagadjiag kakina a8iagog nimigi8amikag ka anokitaoji8adj meg8adj ke tanedian. Kakina pepejig e taci8adj kiga minag midjimini eko tibise8adj apitc odji 8i 8isini8adj,’ inagani8i.

1 Konit 4:2

Aa8e kagi anonagani8idj kegoni kidji ijitadj, 8e8enda inendagozi kidji ijitadj adi kagi inanonagani8idj.

2 Konit 2:14

Mig8etc dac nidina Kije Manido. 8in mega kabegotc nigani e pimose8agidj, kidji gi odji 8abadaadjin kakina a8iagon egi cagodjii8endjin Jesos Christan. Nidabadjiigonan mizi8ekamig kidji odji kikenimagani8indjin ka Tibendjigendjin Jesosan. Apitc dac ako e paba mikomagidj, mi maia ka minomag8ag ka pabamabatesig ejinag8ag.

2 Konit 3:5

Ka8in nigagi ikidosimin nina8it tibina8e e kackito8ag kidji ijitaiag ii mikimo8in. Kije Manido ka minigo8ag kidji kackito8ag kidji ijitaiag nogom ka todamag.

Kolosi 1:7

Mi aa Epapanas (Épaphras) kagi pi kikinoamago8eg oo8e min8adjimo8ini, 8in ni8idji mikimomaganan ka kitci sagiagidj. Nikitci 8idokagonan, kitci 8e8enda e anokita8adjin Jesos Christan.

1 Timote 1:12

Mig8etc nidina Jesos Christ ka Tibeniminak, 8in ka minijidj macka8izi8ini kidji anokita8ag. Mig8etc nidina egi teb8eienimijidj, acitc egi onabamijidj kidji anokita8ag.

1 Timote 1:18

Timote, mi maia nig8izis eneniminan! Kidojibiamon adi ke todaman, tabickotc kin odji ka iji nigani tibadjimonani8agiban 8eckadj. Mik8endan dac adi kagi inadjimigo8an ii apitc, kidji gi macka8izian kidji gi kackito8an ega kidji cagodjiigo8an.

1 Timote 4:14

Kitci 8e8enda kida kana8endan oca8endjige8in Kije Manido ka minik. Igi8e ka niganizi8adj ka iji teb8etamindjin kigi saminigog, e pagosenima8adjin Kije Manidon kidji ca8enimik kidji gi odji mino anokita8adj. Ii apitc, ki tibadjimonani8an Kije Manido egi minikiban ii ca8endjige8ini.

1 Timote 4:6

Ini8e kegonan kida kikinoama8ag a8iagog ka teb8eta8a8adjin Jesosan. Midac iidi Jesos Christ kiga mino anokita8a. Kiga 8abadai8e e macka8izian e teb8etamanin Kije Manido odikido8inan acitc e nosoneamanin k8aiak kikinoamage8inan.

1 Timote 5:22

Ka8in kida 8e8ibit8asi kidji saminadj a8iag kidji inanonadj kidji anokita8adjin Kije Manidon. Kicpin dac odji kikendjigadeg e nta patadidj, mi kekin ke iji acidakonigo8an. Iag8amenimidizon dac kekin, kana8enimidizon ega kidji patadian.

1 Timote 6:12

Kana8endan kiteb8etamo8in, e kitci k8ag8edjito8an adi epitcian kidji nosone8adj Jesos, tabickotc pimibato8aban ka iji k8ag8edjikandinani8ag. Midac kiga aian kagige pimadizi8in. Kigi inig mega Kije Manido kidji minikiban ii pimadizi8ini apitc kagi nd8e8emikiban. Kigi 8idamage dac e teb8eta8adiban Jesos ka iji kitci manenani8ag.

2 Timote 3:10

Kin dac, Timote, kikikenimijinan adi ka iji kikinoamageian. Kigi 8abamijinan adi enadizian. Kikikenimijinan adi ka iji mikimo8an, acitc adi eji apacenimo8an Kije Manidokag. Kikikenimijinan acitc adi eji nokideeian, acitc adi eji sagiag8a a8iagog, acitc adi eji cacibendaman meg8adj e kodagito8an.

2 Timote 3:14

Anic dac kin, 8e8enda nosonean kagi iji kikinoamago8an, enigokodeean kagi pi iji teb8etaman. Kikikenimag adi enadizi8adj igi8e kagi kikinoamaok8a.

Ebaro 2:17

Midac 8edji panima ki ijinagozidj Jesos maiagotc tabickotc o8idjiki8en, kidji gi ani aiamie ogima8idj ma8adji ka niganizidj, kidji dac 8idoka8adjin. Kitci kije8adizi aa aiamie ogima ma8adji ka niganizidj acitc kitci teb8eiendagozi e anokita8adjin Kije Manidon, kidji gi kasiigadenigin a8iagon opatado8ini.