2 Timote 1:6 - Kije Manido Odikido8in: Ocki Mazinaigan

⁶ Mi 8edji 8idamonan apanigotc kidji abadjito8an ii ca8endjige8ini Kije Manido ka minik apitc ka samictig8aneninan e aiamietamaonan.

2 Timote 1:6 Iomraidhean Croise

Min8adjimo8ini kagi ojibiag kitcit8a Lok 19:13

Ab8amaci madjagobanen, ogi nd8e8emagoban midatcin odanokitage8inniman. Ogi minagoban dac pepejig oza8iconia8abikon acitc ogi inan: ‘Abadjiik aa conia kidji ani nta8igidj pinici kidji koki tag8icinian.’ ”

Jesos Odanodaganan Odijitcige8ini8an 19:6

Midac Pon ogi saminan, acitc ogi pidigeckago8an Mino Manidon. Midac pepakan ki ijigij8e8ag acitc mane ki tibadjimo8agoban Kije Manidon odikido8ini.

Jesos Odanodaganan Odijitcige8ini8an 6:6

Anodaganikag ki iji8inagani8i8ag igi8e kagi onabamagani8i8agobanen. Anodaganag dac ki aiamie8ag 8ina8a odji, acitc ogi samina8an.

1 Tesalonika 5:19

Ka8in k8ag8e nagabinakegon adi 8a todag Mino Manido.

1 Timote 4:14

Kitci 8e8enda kida kana8endan oca8endjige8in Kije Manido ka minik. Igi8e ka niganizi8adj ka iji teb8etamindjin kigi saminigog, e pagosenima8adjin Kije Manidon kidji ca8enimik kidji gi odji mino anokita8adj. Ii apitc, ki tibadjimonani8an Kije Manido egi minikiban ii ca8endjige8ini.

1 Timote 4:6

Ini8e kegonan kida kikinoama8ag a8iagog ka teb8eta8a8adjin Jesosan. Midac iidi Jesos Christ kiga mino anokita8a. Kiga 8abadai8e e macka8izian e teb8etamanin Kije Manido odikido8inan acitc e nosoneamanin k8aiak kikinoamage8inan.

2 Timote 2:14

Mika8asomik kakina ka teb8etamo8adj oo8eni. Kikikendan Kije Manido e kijigabamigo8eg. 8e8enda dac 8idamaok ega kidji odji nickiidi8adj ikido8inan odji. Ka8in mega odji pejig abadasino8an ini nickiidi8inan, mi eta opakebinigona8an igi8e ka ndotamo8adjin.

2 Timote 4:2

Pijicig kagik8en Kije Manido odikido8in, kicpin 8i ndotaok8a a8iagog kek8an misa8adj ega 8i ndotaok8a. Apitc a8iagog madji inakamigizi8adj, mi iji 8idamaok, kagikimik kidji ponito8adj, acitc 8idjiik kidji mino inakamigizi8adj. 8e8enda maia cacibendan e kikinoamagean.

Ebaro 6:2

Aja kigi kikinoamagomin panima kidji sigaadazo8adj ka teb8etamo8adj, acitc kidji samictig8anenagani8i8adj e pagosenimagani8indjin Kije Manidon kidji ca8enimigo8adjin. Aja kikikendananan kidji abidjibandjin kagi nibondjin, acitc kidji pi tibakonadjin Kije Manido kakina a8iagon, kagige kidji tag8anig adi ke iji onenimadjin. Aja kinisidotanananan ini kakina kegonan.

2 Pien 1:12

Midac 8edji apanigotc 8i mika8asominagok ini kegonan ka pi mikodamanin nogom, misa8adj aja e kikendamegon, acitc misa8adj aja e sogigaba8ieg teb8e8inikag odakanag kagi odisigo8eg.

2 Pien 3:1

Ni8idji8aganag ka kitci sagiinagok! Mi oo8e aja nijinanaj e ojibiamonagok, e koki ininagok kidji mik8endamegon ini kikinoamage8inan aja ka kikendamegon, kidji odji 8idjiinagok k8aiak kidji iji mamidonendameg.

Jod odojibiigan 1:5

Aja 8e8enda kikikendana8adok adi 8a ikido8an, misa dac misa8adj kiabadj ki8i koki 8idamonom. Aja 8eckadj ka Tibendjigedj ogi ag8acimabanin Israel a8iagon apitc ka sagidji8inadjin 8edi Idjip (Égypte) akikag. Kegapitc dac, nandam ini a8iagon ka8in ododji teb8etagosin, acitc ogi nici8anadjian.