2 Timote 1:11 - Kije Manido Odikido8in: Ocki Mazinaigan

¹¹ Kije Manido nigi onabamig Jesos Odanodaganan kidji inagimigo8an, kidji tibadjimo8an oo8e min8adjimo8in acitc kidji kikinoamageian.

2 Timote 1:11 Iomraidhean Croise

Jesos Odanodaganan Odijitcige8ini8an 9:15

Midac ka Tibendjigedj ogi inan Ananiasan: “A8i ijan! Nigi onabama Saul kidji ijitadj mikimo8ini e kitci apitendag8anig. Niga paba mikomig, kidji odji kikenimijindjin ega ka Coda8inni8indjin acitc kitci ogiman acitc Israel a8iagon.

1 Konit 9:1

Teb8e nin nitibenimidizonan! Teb8e nin pejig ini Jesos Odanodaganan! Nin tibina8e nigi 8abama Jesos ka Tibeniminak! Nin sa ka 8idjiinagok kidji ani teb8etameg, e anokita8ag ka Tibendjigedj!

1 Timote 1:7

K8ag8e kikinoamage8ag Kije Manidon odinakonige8ini Mois kagi minagani8igobanen. Kitci k8ag8e minotagozi8ag, midac 8ina8a tibina8e ka8in nisidotadizosi8ag adi ekido8adj acitc eji kitci k8ag8e kikinoamage8adj.

1 Timote 2:7

Nin dac, nigi onabamig kidji tibadjimo8an omin8adjimo8in acitc Jesos Odanodaganan kidji inagimigo8an. Teb8e nidikidonan, ka8in nikagina8ickisi. Nigi onabamig kidji kikinoama8ag8a ega ka Coda8inni8i8adj, kidji gi teb8etamo8adj acitc kidji gi kikendamo8adj teb8e8ini.