2 Tesalonika 2:5 - Kije Manido Odikido8in: Ocki Mazinaigan

⁵ Meg8adj ka paba teiaban kina8akag, kigi mikodamonom ono kegonan. Kana kimika8isim?

2 Tesalonika 2:5 Iomraidhean Croise

Matio 16:9

Kana maci kinisidotasina8a? Mik8endamok kagi papak8ebinama8ag8aban igi8e ka nano kitci midasomidana8e8apan (5000) a8iagog ka nananipanin obiziganesan. Adi inigik dac kagi kicponaieg8a 8adabi8akikog apitc ka ma8adjito8eg inigik ka ickoseg midjim ii apitc?

Min8adjimo8ini kagi ojibiag kitcit8a Mak 8:18

Ockijigon kidaiana8an, kana ki8abi8agesim? Ota8agan kidaiana8an, kana kinodasina8a? Kana kimika8isim?

John 16:4

Nogom dac ki8idamonom ii. Midac apitc odjitcisenig ii kidji todamo8adj, kiga mika8im egi 8idamonagok ii.” “Ka8in oo kidodji 8idamaosinonom apitc nitam ka madjitaieg kidji nosoneojieg, kipaba 8idjiona8aban mega.

Jesos Odanodaganan Odijitcige8ini8an 20:31

Iag8aminidizok dac! Ka8in 8anikekegon oo, nisopibon inigik, e tibikag acitc e kijigag, ka8in kigi odji poni kagikimisinonom kakina e tacieg, mojag e odademo8an kina8a odji.”

Kalecia 5:21

Ododenima8an kodagian, nta ki8ack8ebi8ag, ma8asag8ino8ag kidji madjakamigizi8adj, acitc kitci mane kodag madji kegonan opamendana8an. Aja kigi 8idamona8aban, acitc nogom kiabadj ki8idamonom, igi iidi ka inakamigizi8adj, ka8in 8ikad Kije Manidon Odogima8i8inikag kada iji tibendagozisi8ag.

1 Tesalonika 2:11

Kikikendana8adok kitci 8e8enda egi mino todago8eg kakina pepejig ka tacieg, tabickotc nabe ka kitci mino toda8adjin odabinodjijiman.

1 Tesalonika 3:4

Apitc kiabadj kina8akag e teiagiban, aja nigan kigi 8idamagona8aban kidji nanekadjiigo8ak, acitc teb8e kikikendana8a ii egi iji8ebag.

2 Tesalonika 2:6

Apitc dac maia inateg kidji iji8ebag, kada moki aa kitci madji a8iag. Nogom dac, kikikendana8adok 8egonen ii ka nagabinigodj.

2 Tesalonika 3:10

Apitc dac ka teiagiban kina8akag, kigi 8idamagom oo8e: “Kicpin a8iag ega 8i mikimodj, ka8in kek8an kada 8isinisi.”

2 Pien 1:15

Niga k8ag8edjiton dac adigotc eji kackito8an kegon kidji ijitcigeian, apanigotc kidji gi mika8endamegon ini kegonan, misa8adj ki ick8a nibo8an.