2 Tesalonika 2:2 - Kije Manido Odikido8in: Ocki Mazinaigan

² ega kidji kitci 8ake animendameg, acitc ega kidji segizieg, kicpin ikidonani8ag aja egi koki tag8icig ka Tibendjigedj. Ne8ad mi ke ikidodj pejig a8iag e paba tibadjimodj Kije Manidon odikido8ini, kek8an e paba kagik8edj. Kek8an ne8ad kiga nabo8adana8a ojibiiganikag, nina8it e inenimijiag egi ojibiamag.

2 Tesalonika 2:2 Iomraidhean Croise

Matio 24:24

Nandam mega a8iagog kada pija8ag e kagina8icki8adj e ikido8adj: ‘Nin aa8e Kije Manidon kagi ikidonipanin kidji pidjinijaogodjin’ kek8an: ‘Nin niniganadjimo8inni8inan.’ Kada kitci mamada8izi8ag acitc kada mamada8akamigizi8ag, kidji k8ag8e 8agackibina8adjin 8a8adj ini8e a8iagon Kije Manidon kagi onabamigondjin.

Min8adjimo8ini kagi ojibiag kitcit8a Mak 13:7

Apitc nodameg e mad8e migadinani8ag pecodj acitc nodageieg e mad8e migadinani8ag 8asag anodj 8edi, ka8in segizikegon ii odji. Panima ii kada iji8eban, ka8in dac maci kada ponaki8asinon.

Min8adjimo8ini kagi ojibiag kitcit8a Lok 21:19

Sogigaba8iok dac, mi iidi ke odji aiameg kagige pimadizi8in.”

Min8adjimo8ini kagi ojibiag kitcit8a Lok 21:9

Apitc nodageieg e migadinani8ag acitc e madji iji8ebag, ka8in segizikegon ii odji. Panima ii kada iji8eban, ka8in dac teci8ag kada ponaki8asinon.”

John 14:1

Jesos ogi inan okikinoamaganan: “Ka8in animendakegon. Teb8etaok Kije Manido acitc kenin teb8etaocik.

John 14:27

“Nogom dac kiga naganinom. Pekadendamo8in kinagadamonom, mi tabickotc nin eji pekadendaman kimininom kidji pekadendameg. Ka8in 8in ii8e pekadendamo8ini odaiasina8a igi8e ega ka teb8etamo8adj. Ka8in dac animendakegon acitc ka8in kotadjikegon.

1 Konit 1:8

8in Jesos kiga minigo8a macka8izi8ini apanigotc kidji sogigaba8ieg, ega a8iag kidji gi inactaonigo8eg, ii kijigag apitc Jesos Christ ka Tibeniminak ke pi koki tag8icig.

1 Konit 14:32

8aa ka ca8enimagani8idj kidji tibadjimodj Kije Manidon odikido8ini, oga kackiton k8aiak kidji inabadjitodj ii ca8endjige8ini.

1 Konit 7:26

Aja pecodj kada kitci kodagitonani8an. Nidinendan dac na8adj minose ega kidji k8ag8e adjito8an adi ejinag8ag eji pimadizian.

Epes 5:6

Kije Manido mega oga pajacte8an a8iagon ega ka ndotagodjin, ka inakamigizindjin iidi. Ka8in dac pagidinakegon a8iag kidji 8agackibinigo8eg, e kagina8ickimigo8eg e ikidodj: “Ka8in manadasinon iidi kidji inakamigizinani8ag.”

1 Tesalonika 3:3

Ka8in mega ninada8endasinanaban pejig ii e tacieg kidji ana8endjigedj ozam e kitci nanekadjiigo8ak. Teb8e kikikendana8a egi inateg kidji nanekadjiigo8ak iidi.

1 Tesalonika 4:15

Nigi 8idamagonan ka Tibendjigedj oo8e ke ikido8ag nogom. Ka8in kina8it kiabadj e pimadiziak apitc koki tag8icig ka Tibendjigedj nitam kiga a8i 8idji8asi8anan Jesos, ab8amaci igi8e kagi nibo8adj.

1 Tesalonika 5:2

Kina8a tibina8e 8e8enda kikikendana8a kidji tag8icig ka Tibendjigedj apitc ega piagani8idj, tabickotc ako kimodi8inni ka kimodji tag8icig meg8a tibik.

2 Tesalonika 2:15

Ii dac odji, nidjiki8enanag, sogigaba8iok kiteb8etamo8ini8akag acitc nosoneamok kakina nina8it kagi iji kikinoamago8eg, apitc ka aiamiigo8eg kek8an apitc ka ojibiamago8eg.

2 Tesalonika 3:17

Nogom dac nin tibina8e nidojibian oo8e, nin Pon kidanamikonom. Mi oodi ejibiigeian. Mi oodi ejibiodizo8an kakina nidojibiiganan.

Kagi iji 8abadaagani8idj John 19:20

Midac ki na8adjibinagani8i aa madji a8esiz. Ki na8adjibinagani8i acitc aa8e “niniganadjimo8inni8inan” ka in8ekazopanin. Mi aa8e kagi mamada8izidj nigan madji a8esizikag. Ogi 8agackibinan dac iidi a8iagon kidji odisigondjin madji a8esizan okikina8adjibiigani acitc kidji icpenimandjin madji a8esizan omanidokanimini. Apitc dac ka na8adjibinagani8i8adj midjinijin, ki madjocte8ebinagani8i8ag kiabadj e pimadizi8adj. Mi maia sagaigan ejinag8ag ii ickode, ka kitci oza8abateg ka kitci kotazomateg.