2 Pien 1:7 - Kije Manido Odikido8in: Ocki Mazinaigan

⁷ Kitci nak8iok kina8a ka teb8etameg kidji ani mino 8idji8idieg kakina pepejig e tacieg, tabickotc maia 8idjiki8emidiegoban, acitc kitci nak8iok kakina a8iagog kidji ani sagieg8a.

2 Pien 1:7 Iomraidhean Croise

Ojibiama8agani8i8ag ka teb8etamo8adj Rom odenakag 12:10

Sagiidiok kakina pepejig ka tacieg, kakina mega kidiji 8idjiki8edim. Enigokodeeieg manadjiidik kakina pepejig e tacieg.

Kalecia 6:10

Tasin dac minoseg kidji mino toda8aiakonig a8iagog, kida mino toda8ananag kakina, na8adj kiabadj igi8e ke8ina8a ka teb8eta8a8adjin Jesosan.

Kolosi 3:14

Midac iidi ke todameg, anic dac ma8adji ka kitci apitendag8ag kidji todameg, mi ii8e kidji sagiidieg pepejig e tacieg. Kicpin mega sagiidieg, maiagotc kiga mama8inom kakina ka tacieg.

1 Tesalonika 3:12

Nipagosenimanan ka Tibeniminak kidji minigo8eg eckam kidji ani sagiidieg kakina pepejig e tacieg, acitc eckam kidji ani sagieg8a kakina a8iagog, maia tabickotc kenina8it ka iji kitci sagiigo8eg.

1 Tesalonika 5:15

Nagadjitaok ega a8iag kidji madji toda8adjin a8ian kagi madji todagodjin. Tiegodj, apanigotc nanada8i mino todadiok kakina pepejig e tacieg, acitc kakinagotc a8iagog nanada8i mino todaokog.

Ebaro 13:1

Ka8in poni sagiidikegon kakina pepejig e tacieg, kidiji 8idjiki8edim mega kiteb8etamo8ini8a odji.

1 Pien 1:22

E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 Pien 2:17

8e8enda manadjiikog kakina a8iagog. Sagiikog ka 8idji teb8etamomigo8eg. Kitcit8a8enimik Kije Manido. Manadjiik kitci ogima.

1 Pien 3:8

Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.

1 John 3:14

Kina8it dac, kikikendananan nogom egi nagadamak nibo8in acitc egi odisigo8ak kagige pimadizi8in. Kisagiananag mega kidjiki8enanag, mi 8edji kikendamak. Aa a8iag ega sagii8edj, mi maia kiabadj a8iag ka nibodj ejinagozidj.

1 John 3:16

Jesos kigi 8abadaigonan adi ke todamak kidji sagiaiak kidjiki8enanag. Ki pi migi8e opimadizi8in kina8it odji. Panima dac kekina8it kida migi8emin kipimadizi8ininan kidjiki8enanag odji.

1 John 4:21

Mi oo8e Kije Manido ka iji kikinoamago8ak. Aa a8iag sagiadjin Kije Manidon, panima acitc oga sagian o8idjiki8en.