2 Konit 8:20 - Kije Manido Odikido8in: Ocki Mazinaigan

²⁰ Kitci mane conia nigi minigomin kidji kana8enimagidj. Kitci 8e8enda dac nikana8enimanan, ega kidji aigo8ag ega k8aiak egi kana8enimagidj.

2 Konit 8:20 Iomraidhean Croise

Matio 10:16

“Ndotaocik! Mi tabickotc mantcenicag ka ijinija8agani8i8adj nena8idj maiganikag e ijinagozieg e madjinijaonagok. Iag8amig dac, tabickotc ka iji kitci iag8ami8adj kinebigog, acitc k8aiak8adiziok, tabickotc ka inadizi8adj omimig ka 8abizi8adj.

Ojibiama8agani8i8ag ka teb8etamo8adj Rom odenakag 14:16

Anic dac ka8in a8iag oda madji mikodasin ka iji teb8etam8adj e min8acig kidji todaman.

1 Konit 16:3

Ojibiigan dac niga ojiton ii apitc, acitc niga minag igi8e kagi onabameg8a kidji iji8ina8adjin ini kiconiami8an 8edi Jerusalemikag.

2 Konit 11:12

Kiabadj niga odapina kodagiag a8iagog oconiami8an tabickotc nogom ka todaman, ega kidji sanagiinagok. Midac ne8ad iidi ke iji kackiag8a ega kidji kido8adj igi8e kikinoamage8innig ka 8agackibinigo8eg, ka kitci inadjimidizo8adj e ijita8adj tabickotc nina8it.

2 Konit 8:19

Ka8in dac eta ii. Mi aa nabe kakina ka teb8etamindjin kagi onabamigodjin kidji 8idjionak apitc ke paba madina8eiag conia ka taji ma8adjiagani8idj. Kidji icpenimagidj ka Tibendjigedj acitc kidji 8abadai8eiag kabena e ick8ataiag kidji 8idjii8eiag 8edji kana8enimagidj aa conia.

2 Konit 8:21

Kitci 8e8enda nik8ag8edjitonanan k8aiak kidji inakamigiziag. Ninada8enimanan mega kidji k8aiak8enimigo8ag ka Tibeniminak, acitc a8iagog ke8ina8a.

Epes 5:15

8e8enda dac iag8amenimidizok adi enadizieg. Ka8in inadizikegon tabickotc a8iagog ega kegoni ka kikendamo8adj. Tiegodj, inadiziok tabickotc ka kagita8endamo8adj a8iagog.

1 Tesalonika 5:22

acitc iag8amig kakinagotc ka manadag.