2 Konit 2:9 - Kije Manido Odikido8in: Ocki Mazinaigan

⁹ Apitc nitam ka ojibiamonagogiban, ki8i nda kikenimina8aban epitci ketcinam apanigotc 8i nosoneameg8en kakina adi kagi ininagok.

2 Konit 2:9 Iomraidhean Croise

2 Konit 10:6

Kina8a dac 8in, ki8i 8abamigom 8e8enda e ndota8eg Jesos Christ, midac panima kegi ani pajacte8agid8a igi8e kiabadj ega ka 8i ndota8a8adjin.

2 Konit 2:3

Kigi ojibiamonom dac ii apitc. Ka8in mega ni8i odji tag8icisinaban kina8akag acitc dac kidji kackendamiijieg, kina8a ka inendagozieg kidji min8endamiijieg. Niketcinamendan mega apitc min8endaman ako, kakina kekina8a kikitci min8endana8a.

2 Konit 2:4

Apitc ka ojibiigeian, nigi kitci animendanaban acitc nigi kitci kackendamideenaban. Nigi kitci ma8inan meg8adj taji ojibiigeian ii apitc. Ka8in dac pekic ki8i kackendamiisinona8aban, kimotci nda8enimina8aban tiegodj kidji nisidotameg adi epitci kitci sagiinagok.

2 Konit 2:8

Kipagoseniminom dac, 8e8enda todaok kidji gi odji kikendag ketcinam e sagieg.

2 Konit 8:2

Ki kitci sanagizi8agoban ka teb8etamo8adj, acitc ki kitci kidimagizi8agoban. Misa8adj dac ako, ki kitci modjigendamobanig, acitc ogi kitci min8endana8agoban mane kidji migi8e8adj kidji gi odji 8idoka8a8adjin ka teb8etamindjin Jerusalem odenani ka kitci nodesendjin kegoni.

2 Konit 8:24

Kida 8abadai8em dac teb8e e sagieg8a igi nabeg. Apitc dac nodage8adj ka teb8etamo8adj kagi pidjinija8a8adjin, oga nisidotana8a 8egonen 8edji paba 8idamageiag e kitci inenimigo8eg.

Pilip 2:12

Ni8idji8aganag ka kitci sagiinagok! E kikendameg adi Jesos ka iji ndota8adjin Kije Manidon, kekina8a panima kida ndota8a8a Kije Manido. Apitc meg8adj kina8akag eji paba tajikeiaban, kinadota8a8aban. Na8adj dac kiabadj nogom kida ndota8a8a, misa8adj nin e na8inagozian. Kigi ag8acimigo8a Kije Manido, midac panima nogom kida kitci nak8im 8e8enda kidji inadizieg adi ka iji nda8endag, e kitci kitcit8a8enimeg.

Pilip 2:22

Timote dac 8in, kikikendana8a adi ka iji mino inadizidj. Ma8asag nigi mikidananan min8adjimo8in e kagik8eiag, tabickotc pejig nabe ka 8idjiigodjin og8izisan ejinagoziag.

2 Tesalonika 3:14

Kicpin a8iag ega nosoneag adi kagi iji kikinoamageiag ooma ojibiiganikag, mika8iok adi enadizidj, acitc ka8in odji pejig pabiziskenimakegon. Kada agadji dac egi madji inakamigizidj.

Pilemo 1:21

Oo ka taji ojibiigeian, kiketcinamenimin kidji todaman adi eji k8ag8edjiminan. Kikikenimin 8a8adj a8acamej kiabadj kidji ijitcigean.