2 Konit 2:7 - Kije Manido Odikido8in: Ocki Mazinaigan

⁷ Nogom dac, kidinendagozim kidji ponenimeg adi kagi todag. Kagidjiik dac, ega kidji kitci sogi kackendag acitc ega kidji ana8endjigedj.

2 Konit 2:7 Iomraidhean Croise

1 Konit 15:54

Apitc dac ijisegin kidji adjitcigadegin kia8inanan, ega 8ikad kidji nibomagagin acitc ega 8ikad kidji 8anadagin, misa maia kada ijise adi ekidomaganig Kije Manido Omazinaigan: “Nibo8in aja ki nici8anadjitcigade. Ki cagodjitcigade mega.” Ésaïe 25.8

2 Konit 2:8

Kipagoseniminom dac, 8e8enda todaok kidji gi odji kikendag ketcinam e sagieg.

2 Konit 5:4

Meg8adj e tajikadamak kia8inan akikag ka odjimagag, kimokonemin, tabickotc kitci k8azigo8aneiakoban. Ka8in dac 8in ii e 8i nagadamak kia8inan 8edji mokoneiak. Tiegodj, kikitci nda8endananan kidji tajikadamak kidocki 8ia8inan. Ii dac ocki 8ia8 ega 8ikad ke nibomagag kada nabickadjigemagan kodag ii8e ka nibomagag 8ia8 akikag ka odjimagag.

2 Konit 7:10

A8iag mega Kije Manidokag ijigaba8idj e kackendag egi panaagedj, kada odji an8endizo aa a8iag, midac iidi ke odji ag8acimagani8idj. Ka8in dac a8iag ogagi odji madjendasin ii kackendamo8ini. A8iag dac e kackendag ega 8i pabiziskenimadjin Kije Manidon, kada nibo ega kidji gi ag8acimagani8idj.

Epes 4:32

Tiegodj, mino todadiok kakina pepejig ka tacieg acitc kidimagenimidiok. Kije Manido kigi kasiamago8a kipatado8ini8a osa megada Jesos Christikag kidiji tibendagozim. Midac kekina8a iji ponenimidiok kakina pepejig e tacieg.

Pilip 2:27

Teb8e ki kitci akozi, 8a8adj kegat ki nibo. Kije Manidon dac ogi kidimagenimigon, acitc ka8in 8in eta, kenin nigi kidimagenimig. Ogi kigean ega a8acamej nin kidji kackendaman.

Kolosi 3:13

Ka8in nickiidikegon pepejig e tacieg, tiegodj ponenimidiok adi kagi iji madji todadieg, tasinigotc enendameg egi madji todago8eg. Ka Tibendjigedj kigi kasiamago8a kagi iji patadieg, ponenimidiok dac kekina8a kakina pepejig e tacieg adi kagi iji madji todadieg.

1 Tesalonika 4:13

Nidjiki8enanag! Ki8i kikendamonigom adi ke iji8ebizi8adj igi8e kagi nibo8adj. Ka8in dac kiga odji kackendasina8a, tabickotc kodagiag a8iagog ega odji pejig ka aiamo8adj apenimo8ini.

2 Tesalonika 3:6

Nidjiki8enanag! Ki8idamagom oo8e, ka Tibeniminak Jesos Christ omacka8izi8in e abadjito8ag kagi minigo8ag. 8imackaokog kakina ka kitimi8adj ka teb8etamo8adj, ega ka nosoneamo8adj kikinoamage8ini kagi 8idama8agid8a.