2 Konit 13:3 - Kije Manido Odikido8in: Ocki Mazinaigan

³ Kigi k8ag8edjimijim kidji 8abadai8eian ninikag e odji anim8edj Jesos Christ. Kiga 8abadainom dac. Apitc ako k8aiak8adjiigo8eg Jesos Christ, ka8in cagozisi, tiegodj, kitci macka8izi.

2 Konit 13:3 Iomraidhean Croise

Matio 10:20

Ka8in mega kina8akag kada odjisesino8an kidikido8ini8an, Kidadami8a dac Omino Manidoman kiga 8idamago8a adi ke ikido8eg.”

Min8adjimo8ini kagi ojibiag kitcit8a Lok 21:15

Ninigotc mega kiga mininom ke ikido8eg, acitc kiga mininom kagita8endamo8in ega kidji kackito8adj kidji nak8itago8eg igi8e ka madjenimigo8eg, acitc ega kegoni kidji tag8anig ke ikido8adj.

1 Konit 7:40

Nin sa 8in nidinendan, kicpin ega mina8adj koki niba8idj, na8adj kada min8endam. Acitc nidinendan ii ka ikido8an Mino Manidokag odjimagan.

2 Konit 10:1

Nogom dac nin Pon, kinada8eniminom kidji ndotaojieg 8e8enda. Tabickotc Jesos Christ ka apitci nokadizidj acitc ka apitci kije8adizidj, mi iidi 8a iji aiamiinagok. Nandam a8iagog nimikomigog e ikido8adj: “Kitci kocimo Pon apitc kina8itinakag e tedj. Apitc dac anodj paba tedj, mi apitc ketci kanonigo8ak.” Mi iidi ejigij8e8adj.

2 Konit 10:4

Ka8in migazo8i abadjita8inan nidabadjitosinananan tabickotc ka abadjito8adjin igi8e ooma 8akidakamig ka iji tibendagozi8adj. Tiegodj, ka macka8izimagagin kegonan Kije Manidokag ka odjimagagin nidabadjitonananan kidji cagodjito8ag madji manido okitci macka8izi8in. Iidi dac, nidiji cagodjitonanan adi eji mamidonendamo8adj igi8e ka 8agackibina8adjin kodagian a8iagon,

2 Konit 12:12

Meg8adj ka teiaban kina8akag, kigi 8abadana8an mamada8izi8inan acitc ka mamakazinag8agin kegonan kagi todamanin, acitc adi epitci cibendaman. Midac iidi eji paietenagozian kenin Jesos Odanodaganan e iji acidagimigo8an.

2 Konit 2:10

Apitc ponenimeg aa a8iag egi panaagedj, kenin niponenima, kicpin teb8e kegoni tag8anig kidji gi 8anikadam8ag. Niponenima dac kidji odji minoseieg, acitc Jesos Christ ni8abamig egi ponenimag.

2 Konit 2:6

Aja kigi ma8adjiidim kidji onendameg adi ke iji pajacte8eg. Mi tibise.

2 Konit 9:8

Kije Manido dac ka kitci kije8adizidj okackiton kidji kitci ca8enimigo8eg, e minigo8eg kakinagotc kegoni. Midac, pijicig kiga aiana8a kakina kegon ka nda8endameg kidji pimadjio8eg, acitc 8a8adj kiga tibisem kidji mineg8a kodagiag.