2 Konit 13:13 - Kije Manido Odikido8in: Ocki Mazinaigan

¹³ 8egona ca8enimigo8eg ka Tibeniminak Jesos Christ! 8egona kikendamonigo8eg Kije Manido osagii8e8in! 8egona sa Mino Manidokag iji mama8iseieg kakina ka tacieg! Nin Pon

2 Konit 13:13 Iomraidhean Croise

Matio 5:47

Kicpin anamika8eg8a eta kidjiki8e8ag, ka8in ii odji pejig kegon. 8a8adj igi8e ega ka teb8eta8a8adjin Kije Manidon mi iidi e todamo8adj.

Ojibiama8agani8i8ag ka teb8etamo8adj Rom odenakag 16:16

Anamikodadiok kakina pepejig ka tacieg, kidji 8abadaidieg e sagiidieg, kina8a Kije Manidokag ka iji tibendagozieg. Kidanamikago8ag kakina ka teb8eta8a8adjin Jesos Christan, pepakan ka taji ma8adjiidi8adj kidji aiamie8adj.

Ebaro 13:24

Kakina nidanamika8ag ka niganizi8adj kina8akag acitc kakina Kije Manido odanicinabeman. Ka teb8etamo8adj Itali (Italie) akig ka odji8adj kidanamikago8ag.

1 Pien 5:13

Kije Manido odanicinabeman ooma Babilon (Babylone) odenag ka tendjin, kagi onabamagani8i8agobanen tabickotc kekina8a kagi iji onabamigo8egoban, kidanamikago8ag. Mak (Marc) ke8in kidanamikago8a, mi maia nig8izis ka inenimag.

2 John 1:13

Kimises, Kije Manidon ka onabamigodjin, odabinodjijiman kidanamikagog! Nin John

3 John 1:14

Nikitci nda8endan 8ibadj kidji gi pi nda 8abaminan, kiga aianim8emin dac ii apitc.