2 Konit 11:9 - Kije Manido Odikido8in: Ocki Mazinaigan

⁹ Meg8adj ka teiaban kina8akag, apitc e nodeseiaban kegon, ka8in kegon kidodji k8ag8edjimisinonom. Mi igi8e ka teb8etamo8adj Masedonia (Macédoine) akig ka tajike8adj kagi pi miniji8adj kagi nodese8ag kegoni. Pijicig nigi k8ag8edjiton ega odji pejig kidji sanagiinagok, acitc mi iidi kiabadj ke todaman.

2 Konit 11:9 Iomraidhean Croise

Jesos Odanodaganan Odijitcige8ini8an 18:3

Ogi 8idji tajikeman acitc ogi 8idji mikimoman. Ke8ina8a mega odojitona8agoban nibaganan, tabickotc Pon.

Jesos Odanodaganan Odijitcige8ini8an 18:5

Apitc Silas acitc Timote (Timothée) ka oditamo8adj Konit odenag, Masedonia (Macédoine) aki egi pi odose8adj, Pon apanigotc paba kagik8egoban. 8e8enda ogi tibadjimota8an Coda8innin mi 8aa Jesos Kije Manidon kagi ikidonipanin kidji pidjinijaogodjin.

Jesos Odanodaganan Odijitcige8ini8an 20:33

Meg8adj ka 8idji tajikeminagok, ka8in 8ikad nidodji nda8enimasi kiconiami8a, ka8in kek8an kipitcikonaani8an ka kitci min8acigin.

Ojibiama8agani8i8ag ka teb8etamo8adj Rom odenakag 15:26

Ka teb8etamo8adj mega iima Masedonia (Macédoine) aki acitc Kanes (Grèce) aki ka te8adj ki inendamog kidji ma8adjiconia8e8adj kidji gi 8idjia8adjin ka kidimagizindjin Kije Manidon odanicinabemini 8edi Jerusalemikag ka tendjin.

1 Konit 16:17

Nikitci min8endan Stepanas acitc Ponitonatos (Fortunatus) acitc Akaiakos (Achaïcus) egi pi tag8icino8adj. Ka8in mega kikackitosina8a kidji teieg ooma, kinabickago8ag dac, mi maia tabickotc pi odisijiegoban enendaman.

2 Konit 6:4

Tiegodj, adigotc todamag, pijicig ni8i iji 8abadai8emin teb8e e anokita8agidj Kije Manido. Kabe dac nikitci cacibendananan, misa8adj e kitci kodagito8ag, misa8adj e kitci sanagendjigeiag, acitc misa8adj e kitci madjiseiag.

2 Konit 9:12

Ii ka todameg kidji 8idjieg8a Kije Manido odanicinabeman, kimina8ag kegoni ka nodese8adj. Acitc dac, ii odji, kitci mane a8iagog mig8etc oga ina8an Kije Manidon.

Pilip 2:25

Kidjiki8enan Epaponit (Épaphrodite) ka ijinikazodj, aa8e ka pidjinijaamaojieg kidji 8idokaojidj, teb8e ma8asag nigi kitci mikimomin acitc ma8asag nigi kitci nak8imin e anokita8agidj Jesos. Nidinendan nogom kada min8aciniban kidji koki ki8enija8ag kina8akag.

1 Tesalonika 2:6

Ka8in 8ikad nigi odji ijitasimin kidji min8adjimijiag, ka8in kek8an kodagiag a8iagog kidji min8adjimigo8ag.

1 Tesalonika 2:9

Nidjiki8enanag! Kimika8ina8adok adi inigik ka apitci kitci mikimo8ag, acitc adi ka apitci kitci aiekoziag. Kabe tibik acitc kabe kijik nigi kitci mikimomin, ega pejig ii e tacieg kidji sanagiigo8eg e acamijiag, meg8adj ka tatibadjimotago8eg Kije Manido omin8adjimo8in.

Ebaro 11:37

Nandam dac a8iagog ki abida8agani8i8ag e pabim8asinaagani8i8adj. Nandam dac a8iagog abita ki iji kickij8agani8i8ag e nisagani8i8adj. Nandam dac a8iagog ki pajiba8agani8i8ag. Nandam dac ki kitci nanekadjiagani8i8ag acitc ki kitci madji toda8agani8i8ag. Kakina kegoni nodesebanig, acitc anodjigotc iji paba tajikebanig, mi eta mantcenici 8aianan acitc minago mantcenici 8aianan tebanin kidji ijio8adj.