2 Konit 11:4 - Kije Manido Odikido8in: Ocki Mazinaigan

⁴ Ozam kitci 8ezinag8an kidji teb8eta8eg a8enenigotc pi nda kikinoamago8eg. 8a8adj kiteb8eta8a8a a8iag ka kagik8edj pakan e inadjimadjin Jesosan apitc8in nina8it kagi inadjimagidj. Kidick8atam kidji odisigo8eg kodag manido apitc8in Mino Manido aja kagi odisigo8egoban. Kikitci ndotana8a kodag tibadjimo8in apitc8in min8adjimo8in kagi 8idamago8eg.

2 Konit 11:4 Iomraidhean Croise

Min8adjimo8ini kagi ojibiag kitcit8a Mak 7:9

Mina8adj dac ogi inan: “Kikitci kackitona8a kidji 8ebinamegon Kije Manido odinakonige8inan, kidji nosoneamegon dac kina8a tibina8e kikikinoamage8ini8an.

Jesos Odanodaganan Odijitcige8ini8an 4:12

Jesos eta okackiton kidji ag8acimadjin a8ian. Ka8in tesi kodag a8iag ooma akig kagi minigodjin Kije Manidon kidji ag8aciminak,” ki ikido Pien.

Ojibiama8agani8i8ag ka teb8etamo8adj Rom odenakag 8:15

Mino Manido mega kagi odisigo8eg ka8in 8in kimadji todagosi8a acitc ka8in kinada8enimigosi8a mina8adj kidji segizieg. Mino Manidon megada ka minigo8eg Kije Manido, odabinodjijiman kidji ijinagozieg, acitc 8in ka pagidinigo8ak kakina pepejig e taciak “Nidadam!” kidji gi ijinikanaiak Kije Manido.

1 Konit 3:11

Aja mega Kije Manido ogi onabaman Jesos Christan, 8inikag kidji iji sakakisinig kiteb8etamo8ini8a. Ka8in dac kodag tag8asini kegi iji atenigiban.

2 Konit 11:1

Kipagoseniminom kidji cibenimijieg, osa mega ka ki8ack8edj a8iag nozem niga ijigij8e. Aja ketcinam kicibenimijim.

2 Konit 2:12

Troas odenakag nigi ija, kidji nda tibadjimo8an min8adjimo8in ka odji kikenimagani8idj Jesos Christ. Apitc dac ka tag8icinian 8edi, nigi odji pabiziskendan ka Tibendjigedj egi ijitogobanen kidji kitci minose8ag e kagik8e8ag.

Kalecia 3:2

Kipagoseniminom kidji nak8e8ajit8aieg oo8e pejig kegon ke k8ag8edjiminagok. Kigi odisigo8a na Mino Manido egi mino ijitcigeieg e nosoneamegon Coda8inni Inakonige8inan? Ka8in 8in ii 8edji ki odisigo8eg! Oo8e maia kigi odji odisigo8a, egi nodameg Kije Manido omin8adjimo8in acitc egi teb8etameg.

1 Timote 1:3

Epes (Ephèse) odenag kida taji tajike, kagi ininaban apitc Masedonia (Macédoine) akikag ka ijaiaban nin. Nandam iima a8iagog anodj iji kikinoamage8ag. Kida tajike dac iima kidji inad8a kidji ponakamigizi8adj.

1 Timote 2:5

Kije Manido mega pejigo eta, acitc pejigo a8iag nena8idj e tedj, kidji 8idjiadjin Kije Manidon acitc a8iagon kidji koki mama8 mino 8idji8idindjin, mi 8aa Jesos Christ, ka pi anicinabe8iidizodj.