2 Konit 1:23 - Kije Manido Odikido8in: Ocki Mazinaigan

²³ Ka8in dac nidodji koki pijasi ii apitc 8edi Konit odenag kidji pi nda 8abaminagok. Ka8in mega kinada8enimisinona8aban kidji kackendameg. Kije Manido nikikenimig e teb8e8ag.

2 Konit 1:23 Iomraidhean Croise

Jesos Odanodaganan Odijitcige8ini8an 18:1

Ick8a dac ii, Pon ki odji madja Atins (Athènes) odenakag, ki ijagoban dac Konit (Corinthe) odenakag.

Jesos Odanodaganan Odijitcige8ini8an 18:8

Aa dac nabe ka niganizigobanen aiamiemigi8amikag ii apitc, Kanispos (Crispus) ijinikazogoban. Ke8in acitc kakina a8iagon ka tajikendjin omigi8amikag ogi teb8eta8a8agoban ka Tibendjigendjin. Mane kodagiag ka tajike8adj Konit odenakag ogi ndota8a8an Ponan, ke8ina8a dac ki teb8etamog acitc ki sigaadazo8ag.

Ojibiama8agani8i8ag ka teb8etamo8adj Rom odenakag 1:9

Enigokodeeian nidanokita8a Kije Manido, e paba tibadjimo8ag min8adjimo8ini taji eji mikomagani8indjin Og8izisan. Kije Manido dac okikendan e teb8eian apitc ikido8an kabe e mik8eniminagok,

Ojibiama8agani8i8ag ka teb8etamo8adj Rom odenakag 9:1

Teb8emagan adi ke ikido8an, ka8in nikagina8ickisi. Jesos Christikag mega nidiji tibendagozinan. Ni8abadaig Mino Manido adi eji teb8eian acitc nikikenimidizonan e teb8eian.

1 Konit 4:21

Adi dac eji nda8endameg kidji todaman apitc tag8icinian kina8akag? Kiga pi nda kitci kaganoninom na? Kek8an kitci pekadj kiga pi nazikaonom kidji 8abadainagok e sagiinagok?

1 Konit 5:5

Ii dac apitc, kiga pagidina8a aa nabe madji manidokag. Kada kodagito, midac kidji gi nici8anadjitcigadenigin omadji mosa8endamo8inan. Apitc dac Jesos koki tag8icig, kadagi ag8acimagani8i8an aa nabe odjitcagocan.

2 Konit 1:1

Kina8a ka teb8eta8eg Kije Manido, ka ma8adjiidieg kidji aiamieieg 8edi Konit (Corinthe) odenag, nin Pon kidojibiamonom. Nin Jesos Christ Odanodaganan nidinagimigo, adi kagi iji nda8enimijidj Kije Manido kidji ijinagozi8ag. Ni8idjiog Timote (Timothée), ka teb8etag ke8in. Ijinijaama8agani8i8ag dac oo ojibiigani ke8ina8a kakina Kije Manido odanicinabeman 8edi ka tajike8adj Akaia (Achaïe) akikag.

2 Konit 1:18

Tabickotc apanigotc e teb8edj Kije Manido, mi kenin acitc apanigotc niteb8e apitc aiamiinagok. Ka8in dac nidadjitosin adi eninagok, abidinaj e ikido8an “ketcinam ii,” mina8adj dac kiabadj e ikido8an “ne8ad ka8in.”

2 Konit 10:2

Kipagoseniminom dac, ka8in todaojikegon kidji kanoninagok apitc pi ndaodeominagok. Nandam a8iagog nimikomigonanag e ikido8adj: “Mi maia pejig8an ooma 8akidakamig iji tibendagozi8apan e todamo8adj,” ikido8ag. Igi8e dac a8iagog, kanabadj panima niga kitci kanonag.

2 Konit 11:10

Ka8in a8iag nigagi nagabinigosi kidji inadodaman iidi ka todaman, atajigotc Akaia (Achaïe) akikag ke paba ijaian. Jesos Christ nikigickag, acitc apanigotc niminig kidji teb8e8ag.

2 Konit 11:11

“Ka8in nisagiigosinan 8edji ega kegon k8ag8edjimigo8ag,” kidinendana8a na? Kije Manido nikikenimig 8edjidagotc e sagiinagok!

2 Konit 11:31

Kije Manido, ka Tibendjigedj Jesos Odadaman, okikendan ega e kagina8icki8ag. Apanigotc icpendagozi aa!

2 Konit 12:20

Apitc pi ndaodeominagok, nikotadjinan kidji odji mikaonagok pakan e inakamigizieg adi eji nda8eniminagok. Nikotan acitc ega maia kidji inadizian adi kina8a eji nda8enimijiegoban kidji inadizian. Nikotan nandam ka tacieg kidji kaganondi8adj, kidji mosa8endamo8adjin o8idjipimadizimi8an odaimini, kidji nta 8ake8ina8ezi8adj, kidji kitci k8ag8edjito8adj kidji niganizi8adj kakina pepejig e taci8adj, kidji pag8anomidi8adj, kidji manazoma8adjin kodagian, kidji kitci inendizo8adj, acitc kidji kitci sanagii8e8adj.

2 Konit 13:10

Midac 8edji ojibiamonagok oo8e meg8adj kiabadj e na8abaminagok. Ka8in mega ninada8endasin panima kidji kitci sogi kaganoninagok apitc tag8icinian kina8akag. Ka Tibendjigedj nigi minig macka8izi8ini kidji sogideeckaonagok kiteb8etamo8ini8akag, ka8in 8in kidji ana8endjigeinagok.

2 Konit 13:2

Ick8eag mega kagi teiaban kina8akag, nigi 8idama8ag igi8e ka nta patadi8apan kidji pajacte8ag8a. Nogom dac, apitc kiabadj e na8abaminagok, nikoki 8idama8ag igi a8iagog acitc kodagiag ka madjita8adj kidji nta patadi8adj, kidji kitci sogi pajacte8ag8a apitc koki tag8icinian kina8akag.

2 Konit 6:6

Pekic dac misa8adj, ni8abadai8emin teb8e e anokita8agidj Kije Manido, e paiekideeiag, e 8abadai8eiag 8e8enda e nisidotamag teb8e8in, e cacibendamag, acitc e kije8adenimagid8a kodagiag. Ni8idjiogonan Mino Manido acitc teb8egotc nisagiananag a8iagog.

Kalecia 1:20

Kije Manido nikikenimig e teb8eian oo ka ojibiaman. Ka8in nikagina8ickisi.

Pilip 1:8

Kije Manido okikendan e teb8eian e ikido8an “Kisagiinom.” Jesos Christikag dac odjimagan ii sagii8e8in.

1 Tesalonika 2:5

Kikikendana8adok ega 8ikad egi min8adjimagid8a a8iagog kidji gi k8ag8e min8endamiagid8a, acitc ka8in kek8an kidji gi odji minigo8ag conia 8edji ki paba kagik8eiag. Kije Manido dac okikendan e teb8emaganig ii.

1 Timote 1:20

Mi ka ijise8adj igi8e nijin nabeg, Iminias (Hyménée) acitc Aleksanden (Alexandre) ka ijinikazo8adj. Nigi pagidinama8ag dac igi8e nijin a8iagog madji manidon kidji kodagiigo8adjin, kidji gi kikendamo8adj ega mina8adj kidji manazoma8adjin Kije Manidon.