2 John 1:4 - Kije Manido Odikido8in: Ocki Mazinaigan

⁴ Nigi kitci min8endan e nodageian nandam kidabinodjijimag e nosoneamo8adj teb8e8ini, maiagotc Kije Manido Kidadaminan ka iji nda8eniminak.

2 John 1:4 Iomraidhean Croise

1 Konit 13:6

Aa8e ka sagii8edj ka8in omin8endasin apitc 8abamadjin kodagian a8ian e madji inakamigizindjin. Panima apitc k8aiak8adizindjin omin8endan.

Kalecia 2:14

Apitc dac ka 8abamag8a ega 8e8enda e nosoneamo8adj Kije Manidon omin8adjimo8ini ka teb8emaganig, nigi kagikima Pien meg8adj kakina ka teb8etamindjin e nodamindjin, e inag: “Kicoda8inni8inan, midac misa8adj maia tabickotc ega ka Coda8inni8i8adj ejitcigean, ega kakina e nosoneamanin Coda8inni Inakonige8inan. Adi dac 8edji nda8enimad8a ega ka Coda8inni8i8adj kidji nosoneamo8adjin Coda8inni Inakonige8inan?” nigi ina.

Epes 5:2

Adigotc e ijitaieg, kabe sagiik kidjipimadizimi8a, tabickotc Jesos Christ kagi iji sagiigo8ak acitc egi nibodj kina8it odji. Ki migi8e opimadizi8in, tabickotc 8eckadj ako a8esiz ka pagidinigetama8agani8ipan Kije Manido. Jesos dac ogi kitci min8endamian Kije Manidon.

Epes 5:8

8eckadj ako, ka iji kacki tibikag kitidena8aban. Nogom dac aja ka iji 8aseag kitidem, osa megada 8inikag ka Tibendjigedj kidiji mama8isem. Midac 8e8enda inakamigiziok, adi enendagozi8adj kidji inakamigizi8adj kakina igi8e ka manadjia8adjin Kije Manidon, ka iji 8aseanig ka te8adj.

Pilip 4:10

Ka Tibendjigedj dac nigi minig kidji kitci modjigendaman, aja mega mina8adj kigi 8abadaijim e mik8enimijieg, egi minijieg ca8endjiganan, kin8ej ega kagi kacki ijitcigeiegoban. Teb8e apanigotc kimik8enimijina8aban ako, pekic dac ka8in minosesinoban kidji 8idokaojieg.