2 John 1:10 - Kije Manido Odikido8in: Ocki Mazinaigan

¹⁰ Kicpin dac a8iag odji pijadj kina8akag kidji pi nda kikinoamago8eg pakan kegoni, ka8in pidigeakegon. Ka8in 8a8adj kiga inasi8a8a: “Mig8etc egi pijaian.”

2 John 1:10 Iomraidhean Croise

Jesos Odanodaganan Odijitcige8ini8an 15:23

Ki anonagani8i8agoban dac kidji iji8ido8adj oo8e ojibiigani: “Kidanamikonom kina8a ega ka Coda8inni8ieg ka teb8eta8eg Jesos, ka tajikeieg Antiok odenag, Siria (Syrie) akikag acitc Silisia (Cilicie) akikag.

1 Konit 16:22

Kicpin a8iag ega sagiadjin ka Tibendjigendjin, kada tibakonagani8i. 8egona tag8icigiban ka Tibeniminak!

1 Konit 5:11

Tiegodj, igi8e ka nosone8a8adjin Jesosan ka mikomag8aban. Kicpin a8iag ikidodj: “Ninosone8a Jesos,” pekic dac madji aido8ini pabamendag, kek8an mosa8endag o8idjipimadiziman odaimini, kek8an manidokanan icpenimadjin, kek8an paba pag8anomadjin kodagian a8ian, kek8an nta ki8ack8ebidj, kek8an kimodidj, ka8in 8idji8akegon aa a8iag. Ka8in 8a8adj 8idji 8isinimakegon.

2 Tesalonika 3:14

Kicpin a8iag ega nosoneag adi kagi iji kikinoamageiag ooma ojibiiganikag, mika8iok adi enadizidj, acitc ka8in odji pejig pabiziskenimakegon. Kada agadji dac egi madji inakamigizidj.

2 Tesalonika 3:6

Nidjiki8enanag! Ki8idamagom oo8e, ka Tibeniminak Jesos Christ omacka8izi8in e abadjito8ag kagi minigo8ag. 8imackaokog kakina ka kitimi8adj ka teb8etamo8adj, ega ka nosoneamo8adj kikinoamage8ini kagi 8idama8agid8a.

Tite 3:10

A8iag ka 8agackibinadjin ka teb8etamindjin, abidinaj 8idamao kidji ponitodj. Kicpin dac ega 8i ponakamigizidj, kiabadj abidinaj 8idamao. Kicpin dac ega odji pejig 8i ndotag, ka8in odji pejig pabiziskenimaken.

2 John 1:11

Kicpin mega iidi iji anamika8eg, ki8idjia8a ega k8aiak e mikimodj.

3 John 1:10

Apitc pijaian, niga mikodan adi e madji inakamigizidj. Nipag8anomig, e paba kagina8ickidj. Ka8in ii eta inakamigizisi. Ka8in o8i 8idoka8asin a8iagon ka paba kagik8endjin. Kicpin dac a8iagon 8i 8idoka8andjin ini8e ka paba kagik8endjin, ka8in opagidinasi8an, acitc mi eji sagidakonadjin ka iji ma8adjiidindjin ka teb8etamindjin.