1 Timote 6:9 - Kije Manido Odikido8in: Ocki Mazinaigan

⁹ A8iagog ka nda8endamo8adj kidji 8anadizi8adj, mi igi8e madji manidon ka k8ag8e 8ik8adjiigo8adjin kidji patadi8adj. Midac maia ka tasozo8adj ejinagozi8adj. Okitci nda8endana8an mane anodj kegonan ke pakebinigo8adjin. Oga nici8anadjiigona8an mizi8ena ini omadji mosa8endamo8ini8an.

1 Timote 6:9 Iomraidhean Croise

Matio 13:22

Nandam dac kodagiag a8iagog, mi maia tabickotc anominag ka iji minesatigo8anig akini kagi inagodjino8agobanen ejinagozi8adj. Onodana8a Kije Manidon omin8adjimo8ini. Pekic dac odanimendamiigona8an kegonan ka nda8endamo8adjin kidji pimadjio8adj, acitc omotci nda8endana8a kidji 8anadizi8adj, ega e kikendamo8adj ega odji pejig e apitendag8anig. Kib8anamockigade dac ii min8adjimo8in, ka8in dac odji pejig abadasini opimadizi8ini8akag.

Matio 19:22

Apitc dac aa ockina8e ka nodag ii, ki madja acitc ki kitci kackendamise. Kitci 8anadizigoban mega.

Matio 26:15

Ogi k8ag8edjiman dac: “8egonen ke minijiegoban kicpin 8idokaonagogiban kidji takoneg Jesos?” Ogi minigon dac nisomidana 8abiconia8abikon.

Matio 6:19

“Ka8in ma8adjitamadizokegon 8anadizi8inan ooma akikag, ke 8anadjito8adjin mandjocag, acitc ke ani ag8ag8abikagin, acitc kimodi8innig ke odji pig8aamo8adjin kidick8ademabiko8an kidji kimodimigo8eg.

Min8adjimo8ini kagi ojibiag kitcit8a Mak 4:19

Pekic dac odanimendamiigona8an kegonan ka nda8endamo8adjin kidji pimadjio8adj, acitc omotci nda8endana8a kidji 8anadizi8adj, ega e kikendamo8adj ega odji pejig e apitendag8anig, acitc kodag mosa8endamo8ini ododisigona8a. Kib8anamockigade dac ii min8adjimo8in, ka8in dac odji pejig abadasini opimadizi8ini8akag.

Min8adjimo8ini kagi ojibiag kitcit8a Lok 12:21

Jesos kiabadj ki ikido: “Mi ke ijisedj aa8e ka kitci ma8adjitamadizodj 8anadizi8inan, ega dac pekic ka ma8adjitamadizodj kidji min8abamigodjin Kije Manidon.”

Min8adjimo8ini kagi ojibiag kitcit8a Lok 21:35

Kaiezigotc pidaamog kigozag. Midac pejig8an, kada tadji8inagani8i8ag a8iagog mizi8ekamig apitc odjitcisenig.

Jesos Odanodaganan Odijitcige8ini8an 8:20

Pien dac ogi inan: “Kiga 8anadjiigo kin acitc kiconiam, egi inendaman e kackito8an kidji kicpinado8an Kije Manido oca8endjige8in!

Epes 4:22

Kigi kikinoamagom dac ega kidji inadizieg 8eckadj kagi pi inadiziegoban. Iidi mega ka inakamigiziegoban kidani nici8anadjiidizona8aban, e 8agackibinigo8eg ka iji madji mosa8endamegoban. Midac poni inakamigiziok iidi.

1 Timote 1:9

Pekic dac kikikendananan ini inakonige8inan ega egi ojitama8agani8i8adj a8iagog ka k8aiak8adizi8adj. Tiegodj, ini inakonige8inan ki ojitama8agani8i8ag igi8e a8iagog ega ka tibaage8adj, igi8e ega ka ndota8a8adjin Kije Manidon, acitc igi8e ega ka manadjia8adjin, igi8e ka nta patadi8adj, igi8e ka todamo8adj kegonan Kije Manidon ega ka iji min8endamindjin, igi8e ka papia8adjin ka aiamiendjin, igi8e ka nisa8adjin onigiigo8an konigotc kodagian a8iagon,

1 Timote 3:7

Aa nabe aiamiemigi8amikag ke niganizidj, panima a8iagon ega ka teb8etamindjin oga manadjiigon, ega kidji manendagozidj acitc ega kitci madji manidon kidji 8aiejimigodjin.

1 Timote 6:10

Epitci sagiagani8idj conia, mi iima 8edjimagagin kakina madji kegonan. Nandam a8iagog Kije Manidon omikanani ogi nagadana8a epitci 8i 8anadizi8adj, acitc mi 8edji kitci kodagiidizo8adj.

1 Timote 6:17

Kiga inag igi8e ka 8anadizi8adj ooma akig ega kidji kitci kitenimo8adj. Kiga inag kidji iji apacenimo8adj Kije Manidokag, ka8in 8in o8anadizi8ini8akag. Ka8in mega kigagi ketcinamendasinanan apan kidji aiamakonin ini kegonan, anic dac Kije Manido kitci ani8ag mane kegoni kiminigonan kidji min8endamak.

2 Timote 2:26

Kicpin dac iidi todamo8adj igi a8iagog, oga kikendana8a e 8anicino8adj. Oga kackitona8a dac kidji ojidamo8adjin kitci madji manidon o8aiejimi8e8inan, 8in aja ka midjiminapanin ini8e a8ian kidji todamindjin adi eji nda8endag.

Tite 2:12

Ii dac ca8endjige8in ki8abadaigonan kidji 8ebinamakonin madji inadizi8in acitc madji mosa8endamo8inan, acitc kidji k8aiak8endamak, kidji k8aiak8adiziak acitc kidji min8endamiaiak Kije Manido kakinagotc adi ejitcigeiak, meg8adj e pimadiziak ooma akikag.

2 Pien 2:3

Igi kikinoamage8innig ka kagina8icki8adj okitci mosa8endana8an kodagian a8iagon odaimini. Kitci 8i coniake8ag e kagina8ickimigo8eg kidji 8agackibinigo8eg. Aja 8eckadj Kije Manido ogi onendan kidji pajacte8adjin. Ka8in nibasi Kije Manido, midac aja peconag8ani kidji nici8anadjiadjin.

Jod odojibiigan 1:11

Kada kitci madji iji8ebizi8ag! Ogi kagikina8abama8an mega Kaen (Caïn) adi kagi iji panaagenipanin 8eckadj. Acitc ki panaage8ag kidji gi odji odisigo8adjin conian, tabickotc kagi todamogobanen Balaam 8eckadj. Ogi k8ag8e nak8ita8a8an Kije Manidon tabickotc Kone (Coré) 8eckadj. Kada nici8anadjiagani8i8ag dac ke8ina8a, tabickotc 8in kagi iji8ebizigobanen.