1 Timote 6:13 - Kije Manido Odikido8in: Ocki Mazinaigan

¹³ 8e8enda kida ndotaojinan ke iji 8idamonan. Ki8abamigonan mega Kije Manido, mi aa8e kakina kegoni ka nodjimotodj. Jesos Christ acitc ki8abamigonan, mi aa8e 8e8enda kagi tibadjimodj oteb8etamo8in apitc ka inasamigaba8ita8agobanen ini Pons Pilatan (Ponce-Pilate).

1 Timote 6:13 Iomraidhean Croise

Matio 27:11

Jesos dac ki iji8inagani8i nigan Pilatikag, midac ka iji k8ag8edjimigodjin: “Kin na Coda8innig odogimami8an?” Jesos dac ogi nak8e8ajian: “Kin ka in8ean.”

Matio 27:2

Ogi mag8apina8an dac, acitc ogi madji8ina8an, acitc Pilatikag ogi iji8ina8an, 8in ka kitci ogima8indjin.

John 14:6

Jesos ogi nak8e8ajian: “Misa nin mikana, nin teb8e8in, nin pimadizi8in. Ninikag eta a8iag oga odji kackiton kidji ijadj Nidadamikag.

John 19:11

Jesos ogi nak8e8ajian: “Ka8in kegon kida kackitosin kidji todaojian, kicpin ega ki iji minigo8aban Kije Manido, 8in icpimig ka tedj. Mi 8edji na8adj patadidj aa kagi 8aiejimijidj egi pidji8inijidj ooma.”

John 5:21

Tabickotc Nidadam ka abidjibaadjin ka nibondjin kidji koki pimadizindjin, mi kenin niminag pimadizi8ini a8iagog ka nda8enimag8a.

John 5:26

Nidadam mega opimadizian a8iagon, midac kenin nigi minig kidji gi pimadiziag8a a8iagog.

Jesos Odanodaganan Odijitcige8ini8an 17:25

Mi 8aa ka minadjin a8iagon pimadizi8ini acitc kakina kodag kegoni. Ka8in dac mamakadj onada8enimasi8an a8iagon kidji 8idokagodjin. Ka8in mega kegoni nodesesi.

2 Konit 9:13

Ii ka todameg, kigi 8abadai8em adi epitci teb8etameg. Kidikidom ako e teb8etameg Jesos Christ omin8adjimo8in, acitc nogom ki8abadai8em e 8i nosoneameg adi ekidomagag ii min8adjimo8in, kitci mane e mineg8a ka teb8etamo8adj Jerusalem odenakag ka te8adj acitc kakina a8iagog. Mane dac a8iagog oga icpenima8an Kije Manidon ii ka todameg odji.

Kalecia 3:26

Kakina ka tacieg, Kije Manido odabinodjijiman kidijinagozim, adi eji teb8eta8eg Jesos Christ.

1 Timote 1:12

Mig8etc nidina Jesos Christ ka Tibeniminak, 8in ka minijidj macka8izi8ini kidji anokita8ag. Mig8etc nidina egi teb8eienimijidj, acitc egi onabamijidj kidji anokita8ag.

1 Timote 1:15

Teb8emagan oo8e ke ikido8an acitc min8acin kakina a8iagog enigokodee8adj kidji odapinamo8adj. Jesos Christ ki pija ooma akig kidji ag8acimadjin a8iagon ka patadindjin. Nin sa ma8adji nigi patadinan apitc8in kakina kodagiag a8iagog.

1 Timote 2:5

Kije Manido mega pejigo eta, acitc pejigo a8iag nena8idj e tedj, kidji 8idjiadjin Kije Manidon acitc a8iagon kidji koki mama8 mino 8idji8idindjin, mi 8aa Jesos Christ, ka pi anicinabe8iidizodj.

1 Timote 5:21

Kikitci pagosenimin 8e8enda kidji ndotaojian. Kikana8abamigog mega Kije Manido acitc Jesos Christ acitc kitcit8a ajenig. Kabena dac kida todan ii ka iji 8idamonan. Ka8in a8iagog kiga pepakanenimasig acitc ka8in pejig a8iag a8acamej kiga mino toda8asi.

1 Timote 6:12

Kana8endan kiteb8etamo8in, e kitci k8ag8edjito8an adi epitcian kidji nosone8adj Jesos, tabickotc pimibato8aban ka iji k8ag8edjikandinani8ag. Midac kiga aian kagige pimadizi8in. Kigi inig mega Kije Manido kidji minikiban ii pimadizi8ini apitc kagi nd8e8emikiban. Kigi 8idamage dac e teb8eta8adiban Jesos ka iji kitci manenani8ag.

Kagi iji 8abadaagani8idj John 1:5

Nipagosenima acitc Jesos Christ kidji ca8enimigo8eg acitc kidji minigo8eg pekadendamo8ini, 8in kabe ka teb8edj e mikomadjin Kije Manidon. 8intam kagi abidjibadj. 8in okackakanan kakina ogiman ka tacindjin 8akidakamig. Kisagiigonan sa, acitc ki pagidenimidizo kidji nibodj kina8it odji, ega 8ikad mina8adj kidji tibenimigo8akonin kipatado8ininanan.

Kagi iji 8abadaagani8idj John 21:6

Nigi inig kiabadj: “Mi aja kakina kegon nigi koki kijendan. Nin kagi madjito8an kakina kegon acitc niga ick8aikan kakina kegon. Nigi te ab8amaci madjiseg kegon acitc niga te pinici ke ani ick8aseg. Aa8edi ka mamida8abag8edj, niga mina nibini, ka8in dac kegon inagidag8asini. Kagige pimadizi8ini ominigona8a a8iagog ii nibini.

Kagi iji 8abadaagani8idj John 22:1

Mina8adj dac aa ajeni nigi 8abadaig sibini, ii nibi pimadizi8ini ka migi8emaganig. Kitci tcakide dac tabickotc asini ka kitci sanagagidagozidj ka cab8atenagozidj, acitc Kije Manido acitc Mantcenices okitci ogima8i tesabi8agani8akag odjidji8an.

Kagi iji 8abadaagani8idj John 3:14

Kiabadj nigi inig: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Leadisia odenag. Ojibian dac oo8edi: Mi ekidodj aa8e ‘Amen’ ka ijinikazodj. 8e8enda omikoman Kije Manidon acitc ka8in 8ikad kagina8ickisi. Mi 8aa Kije Manidon kagi abadjiigodjin kakina kegoni kidji kijendamindjin.