1 Timote 5:4 - Kije Manido Odikido8in: Ocki Mazinaigan

⁴ Kicpin dac pekic aia8adjin abinodjijan kek8an ojisan, igi8e inendagozi8ag kidji 8abadai8e8adj oteb8etamo8ini8a e manadjia8adjin okitci anicinabemi8an. Misa panima 8e8enda oda kana8enima8an odjodjomi8an tabickotc 8eckadj odjodjomi8an 8e8enda kagi iji kana8enimigo8apanin. Mi iidi eji min8endag Kije Manido.

1 Timote 5:4 Iomraidhean Croise

Min8adjimo8ini kagi ojibiag kitcit8a Lok 2:51

Jesos dac ogi ki8e 8idji8an onigiigon Nazaretikag, acitc ogi ndota8an adi egodjin. Odjodjoman dac ki kitci mamik8endamobanin adi kagi iji8ebanig kakina kegoni.

1 Timote 2:3

Mi ii8e men8acig acitc eji min8endag Kije Manido ka Ag8aciminak,

1 Timote 5:16

Kicpin dac pejig ik8e ka teb8eta8adjin Jesosan tcina8emadjin ik8e8an ka pejigondjin, panima oga kana8eniman. Ka8in oda minasi8an ka teb8etamindjin kidji kana8enimandjin ini ka tcina8emadjin. Midac ka teb8etamo8adj oga kackitona8a kidji kana8enima8adjin eta ini8e ik8e8an teb8e ka pejigondjin.

Tite 1:11

Panima ki odjiagani8i8adj kidji iji kikinoamage8adj. O8aiejima8an mega kitci mane a8iagon oteb8etamo8inikag, nanigodin kakina a8ian pejig migi8amini ka tajikendjin. Anodjigotc kegoni ega ka inendagozi8adj kidji iji kikinoamage8adj, mi eji kikinoamage8adj, conian dac eta 8edji ijitcige8adj.