1 Timote 3:9 - Kije Manido Odikido8in: Ocki Mazinaigan

⁹ Panima enigokodee8adj oga teb8etana8a ii kikinoamage8ini Kije Manido kagi kikendamonigo8ak.

1 Timote 3:9 Iomraidhean Croise

1 Timote 1:19

Panima kiabadj kiga teb8etan acitc kiga todanan ini kegonan e kikendamanin e min8acigin. Nandam aja ogi 8ebinana8a kidji todamo8adjin ini kegonan ka kikendamo8adjin e min8acinigin, midac ogi 8anadjitona8a oteb8etamo8ini8a.

1 Timote 1:5

Mi oo ke odji 8idama8ad8a, kidji gi sagia8adjin o8idjipimadizimi8an. Panima ki paiekidee8adj, panima ki todamo8adjin eta mino kegonan ka ketcinamendamo8adj e k8aiak8anigin, acitc panima 8e8enda ki teb8eta8a8adjin Kije Manidon. Midac iidi ke iji sagia8adjin kodagian a8iagon.

1 Timote 3:16

Ka8in a8iag ogagi ana8endasin ii ka kitci apitendag8anig teb8e8ini ka iji teb8etamak, ega kagi kikendjigadenigiban pinici Kije Manido kidji gi ani kikendamonigo8ak! Ki pi anicinabe8iidizo. Mino Manidon ki 8abadai8e8an e k8aiakozidj. Ajenin ogi 8abamigon. Ki mikomagani8i a8iagokag taji ega ka iji kikenimandjin Kije Manidon. Mizi8ekamig mane a8iagon ogi teb8etagon. 8ak8ig ki icpika.