1 Timote 3:2 - Kije Manido Odikido8in: Ocki Mazinaigan

² Aa dac ke niganizidj panima kada min8acini odinadizi8in, ega kidji madji mikomagani8idj. Panima eta ki pejigondjin odik8eman, ega ki ozamendagozidj, ki nagadjiidizodj enakamigizidj, ki manadjiagani8idj, 8e8enda ki toda8adjin pi8iden odisigodjin, acitc ki kackitodj teb8e8ini kidji kikinoamagedj.

1 Timote 3:2 Iomraidhean Croise

Min8adjimo8ini kagi ojibiag kitcit8a Lok 1:6

Eji niji8adj ok8aiak8abamigo8agoban Kije Manidon. Kitci 8e8enda onadotana8a8abanin kakina ka Tibendjigendjin odinakonige8inan acitc kakina adi kagi iji 8idamagendjin Kije Manidon kidji todjigadenig.

Min8adjimo8ini kagi ojibiag kitcit8a Lok 2:36

Iima tegoban acitc pejig niganadjimo8innik8e, Anne e ijinikazogobanen. Panio8el (Phanuel) ini odanisan Anne, acitc Aserikag odaiagiziban. Aja kitci kokomi8igoban. Nij8asopibon ogi 8idji tajikemabanin o8idigemaganan egi iji niba8ipan meg8adj e ockinigik8e8igobanen.

Ojibiama8agani8i8ag ka teb8etamo8adj Rom odenakag 12:13

Minikog Kije Manido odanicinabeman adi eji nodesendjin. 8e8enda mino todaokog igi8e ka odisigo8eg kimigi8ami8akag.

Pilip 2:15

kidji gi odji k8aiakozieg acitc kidji gi odji paiekideeieg. Kije Manido dac odabinodjijiman kiga ijinagozim, ega e madji inakamigizieg. A8iagog ka 8agackizi8adj acitc ka madji inadizi8adj ki8idji tajikema8ag. Meg8adj dac e taji 8idji8eg8a, tabickotc 8anagocag ka 8asakone8adj ka iji kacki tibikanig kida ijinagozim,

1 Timote 3:12

Nabeg ka mikimo8adj aiamiemigi8amikag, panima pejig eta ik8e8an ogagi aia8a8an. Panima 8e8enda oga kackakana8an odabinodjijimi8an acitc kakina omigi8ami8akag ka tajikendjin.

1 Timote 3:8

A8iagog aiamiemigi8amikag ka iji mikimo8adj, ke8ina8a panima kada mino inadizi8ag acitc panima ki teb8e8adj. Ka8in kada kitci minik8esi8ag acitc ka8in oda k8ag8e 8agackibinasi8a8an a8iagon kidji odji kackia8adjin conian.

1 Timote 4:3

Kikinoamage8ag ega e inendagozindjin a8iagon kidji niba8indjin, acitc ikido8ag ega e inendag8anig nandam midjimini kidji midjigadenig. Kije Manido dac ogi kijendan kakina midjimini kidji midjigadenig. A8iagog dac ka teb8eta8a8adjin Jesosan acitc teb8e8ini ka kikendamo8adj, kakina midjimini ogagi midjina8a, mig8etc e ina8adjin Kije Manidon.

1 Timote 5:10

Panima acitc kidji kikenimagani8idj 8e8enda egi mino ijitcigedj, 8e8enda egi obigiadjin odabinodjijiman, 8e8enda egi toda8adjin pi8iden, egi anokita8adjin Kije Manidon odanicinabemini e kizisibadjizidenadjin, egi 8idoka8adjin a8iagon ka sanagendjigendjin, acitc apanigotc egi ick8atadj kidji mino todag.

1 Timote 5:22

Ka8in kida 8e8ibit8asi kidji saminadj a8iag kidji inanonadj kidji anokita8adjin Kije Manidon. Kicpin dac odji kikendjigadeg e nta patadidj, mi kekin ke iji acidakonigo8an. Iag8amenimidizon dac kekin, kana8enimidizon ega kidji patadian.

1 Timote 5:9

Kicpin ik8e kagi pejigodj 8i aiamie mikimodj kidji 8idjiadjin ka teb8etamindjin, kida atona8a o8izon apitc aja nigod8asomidana8e (60) pibon8ezidj, kicpin ki pejigondjin eta onabeman.

2 Timote 2:24

Aa8e dac ka anokita8adjin Kije Manidon, ka8in inendagozisi kidji kaganozodj. Tiegodj, inendagozi kakina a8ian kidji mino toda8adjin. Oga kikinoama8an 8e8enda kakina a8iagon acitc kada cacibendam.

Tite 2:2

Ijik comisag ega kidji kitci minik8e8adj, k8aiak kidji inakamigizi8adj kidji gi odji manadjiagani8i8adj, acitc kidji k8aiak8endamo8adj. Ijik kidji macka8izi8adj oteb8etamo8ini8akag, enigokodee8adj kidji sagia8adjin kodag a8iagon, acitc kidji cacibendamo8adj meg8adj e kodagito8adj.

Ebaro 13:2

Ka8in 8anikekegon kidji mino odapineg8a kimigi8ami8akag pi8ideg apitc odisigo8eg. Nandam mega a8iagog iidi e todamo8adj ogi odisigo8an ajenin, ega e kikendamo8adj.

Ebaro 3:14

Ki8idji mikimomanan nogom Jesos Christ, kicpin sogi teb8eta8aiak pinici kidji ick8a pimadiziak, tabickotc kagi iji sogi teb8eta8aiak ockadok.

1 Pien 4:7

Aja peconag8an kakina kegon kidji ick8aseg. Nagadjiidizok dac enakamigizieg acitc iag8amendamok, kabe kidji ick8ataieg kidji aiamieieg.

1 Pien 4:9

8e8enda todaokog a8iagog ka odisigo8eg kimigi8ami8akag, ka8in nanada8i inenimakegonig.

1 Pien 5:8

Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.