1 Timote 2:4 - Kije Manido Odikido8in: Ocki Mazinaigan

⁴ ka nda8endag kakina a8iagon kidji ag8acimagani8indjin acitc kidji ani kikendamindjin teb8e8ini.

1 Timote 2:4 Iomraidhean Croise

Matio 28:19

Paba nda 8abamikog dac kakina a8iagog kakinagotc ka inakanezi8adj, acitc kikinoamaokog kidji nosoneoji8adj. Sigaadaokog dac e abadjito8egon o8izoni8a Kije Manido Kidadaminan acitc Og8izisan acitc Omino Manidoman.

Min8adjimo8ini kagi ojibiag kitcit8a Mak 16:15

Jesos dac ogi inan: “Paba ijaok kakina mizi8ekamig, acitc paba tibadjimotaokog kakina a8iagog Kije Manidon omin8adjimo8ini.

Min8adjimo8ini kagi ojibiag kitcit8a Lok 1:77

acitc kidji 8idama8ad8a ka Tibendjigedj odanicinabeman kidji pi ag8acimadjin e kasiama8adjin opatado8ini8an.

Min8adjimo8ini kagi ojibiag kitcit8a Lok 14:23

“Midac ka inadjin odanodaganan aa kacka: ‘Ijan 8edi ag8adjik odenag. Nanada 8abamik a8iagog mikanakag acitc pecodj kitigan akikag. Kadjinijaok dac igi a8iagog kidji pi pidige8adj, kidji gi mockinani8ag nimigi8amikag,’ ogi inan.

Min8adjimo8ini kagi ojibiag kitcit8a Lok 24:47

Panima ki mikomagani8idj e paba kagik8ani8anig taji ka tajike8adj a8iagog kakinagotc ka inakanezi8adj, Jerusalemikag dac kada odji madjitani8an. Panima ki 8idama8agani8i8adj a8iagog kidji an8endizo8adj acitc kidji kasiama8agani8i8adj opatado8ini8an.’ Mi mezinadenig.

John 14:6

Jesos ogi nak8e8ajian: “Misa nin mikana, nin teb8e8in, nin pimadizi8in. Ninikag eta a8iag oga odji kackiton kidji ijadj Nidadamikag.

John 17:17

“Kin eta kidji tibenimad8a iji todan, kiteb8e8in e abadjito8an. Mi sa ii teb8e8in kidikido8in.

John 6:37

Kakina ini8eni8an Nidadam ka minijidj niga nosoneogog. A8enenigotc dac ke pi nazikaojidj, ka8in 8ikad niga ana8eta8asi.

Ojibiama8agani8i8ag ka teb8etamo8adj Rom odenakag 11:14

Apitc dac Coda8innig, ka 8idjiki8emag8a, 8abamiji8adj min8adjimo8ini e paba 8idamage8ag kina8akag ega ka Coda8inni8ieg, ne8ad nandam oga kitci mosa8endana8a kidji koki nda 8abama8adjin Kije Manidon ke8ina8a, kidji gi odji ag8acimagani8i8adj.

1 Timote 4:10

8adan oo8e 8edji kitci nak8iak e kitci mikimo8ak. Kidapacenimo8agemin mega Kije Manido, 8in kagige ka pimadizidj. Kakina a8iagon o8i ag8aciman, acitc teb8e odag8aciman kakina ini8e ka teb8eta8andjin Jesosan.

2 Timote 2:25

Panima pekadj oga kikinoama8an ini8e ka ana8etagodjin. Midac ne8ad Kije Manido oga minan ini8e a8iagon kidji an8endizondjin acitc kidji kikendamindjin teb8e8ini.

2 Timote 3:7

Pijicig nanada kikinoamagozi8ag igi ik8e8ag, ka8in dac okackitosina8a kidji kikendamo8adj teb8e8ini.

Tite 1:1

Nin Pon, Kije Manido ka anokita8ag acitc Jesos Christ Odanodaganan ka inagimigo8an. Kije Manido nigi anonig kidji 8idjiimagin ini8e kagi onabamadjin, kidji gi ani teb8etamindjin acitc kidji gi ani kikendamindjin teb8e8ini, ke odji kikendamindjin adi kegi iji min8endamiandjin Kije Manidon.

Tite 2:11

Kije Manido mega ki 8abadai8e okitci ca8endjige8in, kakina a8iag kegi odji ag8acimagani8idj.

Ebaro 10:26

Kigi kikinoamagomin kidji kikendamak teb8e8in. Kicpin dac misa8adj odji onendamak kidji nta patadiak, ka8in kodag pagidinige8in kada tag8asinon kidji 8idjiigo8ak kidji gi odji kasiigadegin kipatado8ininanan.

Jak odojibiigan 3:14

Kicpin dac pejig ii e tacieg odji odendag acitc 8in eta 8i mik8enimidizodj, ka8in kada min8adjimidizosiban kidji ikidodj: “Kenin nikitci kagita8endag.” Ka8in iidi iji kagina8ickikegon.

2 Pien 3:9

Ka8in pabedjisi ka Tibendjigedj kidji todag adi kagi ikidodj, tabickotc nandam ka inendamo8adj. Tiegodj cacibendam kina8a odji. Ka8in mega onada8endasin kidji nici8anadjiondjin a8eneni8anigotc, onada8eniman kakina a8iagon kidji gi an8endizondjin.

2 John 1:1

Nin John, 8eckadj kagi ani madji teb8etaman. Kidanamikonom, kin ik8e Kije Manidon kagi onabamigodjin, acitc dac kidabinodjijimag. Teb8e kisagiinom. Ka8in nin eta kisagiisinonom. Kakina a8iagog ka kikendamo8adj teb8e8ini kisagiigo8ag.

Kagi iji 8abadaagani8idj John 14:6

Nigi 8abama kodag ajeni kitci icpimig 8ak8ig e ani pimisedj. Ki pi nda tibadjimoban Kije Manidon omin8adjimo8ini kagige ka teb8emaganig. Kakina mizi8e akikag kada paba tibadjimo, kakinagotc adi inakanezindjin a8iagon, adi ejigij8endjin, acitc adi 8edjindjin.