1 Timote 2:15 - Kije Manido Odikido8in: Ocki Mazinaigan

¹⁵ Anic dac ik8e8ag kada odabinodjijimi8ag. Midac kada ag8acimagani8i8ag, kicpin kabena teb8etamo8adj, sagia8adjin a8iagon, acitc paiekidee8adj, e nagadjiidizo8adj enakamigizi8adj.

1 Timote 2:15 Iomraidhean Croise

Min8adjimo8ini kagi ojibiag kitcit8a Lok 2:7

Ki og8izisi dac, mi ini nitam odabinodjijiman. Ogi 8ik8enan 8abo8anikag acitc adiko8isini8aganikag ogi iji pimakociman, ka8in mega ta8atesinogoban nibe8igi8amikag kidji iji tajike8adj.

1 Konit 12:23

Ka iji ega min8endamakonin adi ejinag8agin, mi ini ma8adji ketci nagadjito8akonin. Pepakan ka iji papakeziak ako ka kadama8aiakonig a8iagog, mi ini ma8adji ketci manadjito8akonin.

1 Timote 1:14

Kitci ani8ag mane nigi minig ka Tibeniminak okitci ca8endjige8in, acitc nigi odisigonan teb8etamo8in acitc sagii8e8in, Jesos Christ ka minadjin ako ini8e 8inikag ka iji tibendagozindjin.

1 Timote 1:5

Mi oo ke odji 8idama8ad8a, kidji gi sagia8adjin o8idjipimadizimi8an. Panima ki paiekidee8adj, panima ki todamo8adjin eta mino kegonan ka ketcinamendamo8adj e k8aiak8anigin, acitc panima 8e8enda ki teb8eta8a8adjin Kije Manidon. Midac iidi ke iji sagia8adjin kodagian a8iagon.

1 Timote 2:9

Ik8e8ag dac, ninada8enimag 8e8enda kidji pitcikonae8adj, ega kidji kitci ozam ijinagoidizo8adj. Ka8in kada kitci ijiosibanig. Ka8in kada inendasibanig panima ki kitci mino tidibakizama8adj acitc e kitci sanaganigin okonasi8an acitc onabikadjigani8an kidji gi odji minojici8adj.

Tite 2:12

Ii dac ca8endjige8in ki8abadaigonan kidji 8ebinamakonin madji inadizi8in acitc madji mosa8endamo8inan, acitc kidji k8aiak8endamak, kidji k8aiak8adiziak acitc kidji min8endamiaiak Kije Manido kakinagotc adi ejitcigeiak, meg8adj e pimadiziak ooma akikag.

1 Pien 4:7

Aja peconag8an kakina kegon kidji ick8aseg. Nagadjiidizok dac enakamigizieg acitc iag8amendamok, kabe kidji ick8ataieg kidji aiamieieg.