1 Pien 5:5 - Kije Manido Odikido8in: Ocki Mazinaigan

⁵ Kina8a dac ka ocki pimadizieg! Pagidendizok kidji ndota8eg8a kitci anicinabeg. Kina8a kakina ka teb8etameg, tabasenimidizok acitc 8idokodadiok. Mazinadeni mega oo8eni Kije Manido Omazinaiganikag: “Kije Manido onagabinan ka kitci inenimidizondjin, anic dac okitci ca8endjige8in ominan ini8e ka tabasenimidizondjin.” Proverbes 3.34 Mi mezinadenig.

1 Pien 5:5 Iomraidhean Croise

Min8adjimo8ini kagi ojibiag kitcit8a Lok 22:26

Ka8in dac 8in iidi kiga iji8ebizisim. Tiegodj, a8iag ma8adji ka kitci apitendagozidj ii e tacieg, kada tabasenimidizo, tabickotc aa8e ma8adji ka ocki pimadizidj kidji inenimidizodj. Midac pejig8an aa8e ka anokita8agani8idj, panima tabickotc aa8e ka anokitagedj ki inenimidizodj.

Ojibiama8agani8i8ag ka teb8etamo8adj Rom odenakag 12:10

Sagiidiok kakina pepejig ka tacieg, kakina mega kidiji 8idjiki8edim. Enigokodeeieg manadjiidik kakina pepejig e tacieg.

Ojibiama8agani8i8ag ka teb8etamo8adj Rom odenakag 13:14

Tiegodj, pagidinik Jesos Christ ka Tibendjigedj kidji 8idjiigo8eg kidji gi sogigaba8ieg, acitc ka8in mamidonendakegon adi kegi iji minosegiban kidji madji inakamigizieg, ka kitci mosa8endameg ako kidji todameg.

Epes 5:21

Kina8a ka manadjieg Jesos Christ, pagidendizok kidji ndotadieg kakina pepejig e tacieg.

Pilip 2:3

Ka8in kegon inakamigizikegon kina8a eta tibina8e kidji mik8enimidizo8eg acitc kidji kitenimo8eg. Tiegodj, inenimikog kodagiag a8iagog na8adj e apitendagozi8adj apitc8in kina8a, e tabasendizo8eg.

Kolosi 3:12

Kije Manido kigi onabamigo8a, eta 8inikag kidji iji tibendagozieg, acitc kikitci sagiigo8a. Midac pijicig ke odji kije8adizieg, minodeeieg, tabasendizo8eg, nokideeieg, acitc ke odji cacibendameg.

1 Timote 5:1

Apitc aiamiadj comis, 8e8enda kida aiamia kidji manadjiadj, tabickotc kidadam ke toda8adiban. Ka8in 8ikad kida kitci kaganonasi. 8e8enda acitc kida toda8ag ka ocki pimadizi8adj nabeg, tabickotc mega kidjiki8eg ijinagozi8ag.

Ebaro 13:17

Ndotaokog ka niganizi8adj kina8akag acitc todamok adi ka inanonigo8eg. Apanigotc mega kinagadjiigo8ag, e kikendamo8adj panima kidji 8idama8a8adjin Kije Manidon adi kagi iji mikimo8adj. Kicpin ndota8eg8a, kada min8endamog e ijita8adj omikimo8ini8a. Kicpin dac ega ndota8eg8a, kada kackendamog, acitc ka8in odji pejig kigagi 8idjiigosi8ag.

Jak odojibiigan 4:6

Anic Kije Manido 8in kitci kije8adizi, eckam e minigo8ak okitci ca8endjige8in, mi maia Kije Manido Omazinaigan ka ikidomaganig: “Kije Manido onagabinan ka kitci inenimidizondjin, anic dac okitci ca8endjige8in ominan ini8e ka tabasenimidizondjin.” Proverbes 3.34

1 Pien 3:8

Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.

1 Pien 4:1

Apitc Jesos Christ ka anicinabe8iidizodj, ki kodagiagani8i o8ia8ikag. Midac pejig8an kekina8a, panima ki eco8ieg kidji kodagito8eg. Aa8e mega ka kodagitodj oteb8etamo8in odji, 8abadai8e ega kiabadj e 8i patadidj.

1 Pien 4:5

Anic panima oga 8a8idama8a8an Kije Manidon adi ka pi ijitcige8adj acitc 8egonen 8edji ki inakamigizi8adj iidi. Ka8in mega aja kin8ej apitc Kije Manido ke pi nda onakonadjin a8iagon ka pimadizindjin acitc ini8e kagi ick8a pimadizindjin.