1 Pien 4:6 - Kije Manido Odikido8in: Ocki Mazinaigan

⁶ Mi 8edji ki kagik8ani8ag min8adjimo8in ke8ina8a nogom kagi nibo8adj odji. Ki nibo8ag, tabickotc Kije Manido kagi inakonigedj kakina a8ian kidji nibondjin. Misa8adj dac, mi 8edji ki kagik8ani8ag, kagige kidji pimadizindjin odjitcagoci8an, ka iji nda8endamindjin Kije Manidon.

1 Pien 4:6 Iomraidhean Croise

Matio 24:9

“Kina8a dac kiga takonigom kidji nanekadjiigo8eg acitc kiga nisigom. Kakina ka inakanezi8adj a8iagog kiga madjenimigo8ag, e nosoneojieg.

Ojibiama8agani8i8ag ka teb8etamo8adj Rom odenakag 8:2

Mino Manido mega aja nitibenimig, ka minadjin pimadizi8ini ini8e Jesos Christikag ka iji tibendagozindjin. Ka8in dac aja patado8in nitibenimigosin kidji odji nibo8an.

Kalecia 2:19

Meg8adj e nosoneamabanin Coda8inni Inakonige8inan, nigi odji nisidotan ka8in 8in e nosoneamanin ini Inakonige8inan ke odji k8aiak8abamijidj Kije Manido. Coda8inni Inakonige8inikag dac, mi maia tabickotc ka nibodj a8iag ejinagozian nogom, ega aja kidji gi tibenimigo8anin ini Inakonige8inan kicpin nibo8aban, midac aja kidji gi pimadizian kidji anokita8ag Kije Manido.

Kalecia 5:25

Mi aa Mino Manido ka minigo8ak pimadizi8ini, panima dac ki pagidinaiak kidji 8abadaigo8ak adi ke iji pimadiziak.

1 Pien 1:12

Kije Manido dac ogi 8abadaan ini niganadjimo8innin ega 8ina8a odji 8edji ki anonadjin kidji tibadjimondjin adi ke todag kidji ag8acimadjin a8iagon, tiegodj kina8a odji nogom ka teb8etameg 8edji ki anonadjin kidji tibadjimondjin. Igi8e dac nogom ka paba tibadjimo8adj min8adjimo8ini kigi 8idamago8ag ii8eni. Ki odji anim8e8ag, e 8idjiigo8adjin Mino Manidon, 8ak8ig kagi odji pidjinija8agani8indjin. Ke8ina8a dac ajenig okitci nda8endana8a kidji gi nisidotamo8adj ii8eni.

1 Pien 3:18

Mi mega Jesos ke8in ka iji8ebizidj. Jesos Christ ki nibo abidinaj eta, a8iagog opatado8ini8an kidji gi kasiigadenigin. 8in ega 8ikad ka patadidj, ki nibo kina8it odji ka patadiak, Kije Manido kidji gi mino 8idji8aiak. Teb8e ki nisagani8iban, Mino Manidon dac ogi koki pimadiziigon.

1 Pien 3:19

E kigickagodjin Mino Manidon, ki nda kagik8e kagi nibondjin odji, ka taji kibaomagani8indjin.

Kagi iji 8abadaagani8idj John 14:18

Mina8adj dac kodag ajeni kitcit8a 8isini8aganikag taji ka iji icpenimagani8idj Kije Manido ki odose. Aa ajeni onagadjitonaban ickodeni iima. Ogi pibagiman ini ajenin ka takonamindjin mokomani ka kitci kacanig acitc ogi inan: “Odapinan kimokoman. Ijan akikag acitc a8i ma8adjiik ka oza8izi8adj cominicag kagi nta8igi8adj cominici8atigokag 8edi, aja mega adiso8ag.”