1 Pien 4:19 - Kije Manido Odikido8in: Ocki Mazinaigan

¹⁹ Midac igi8e ka kodagito8adj e todamo8adj Kije Manidon eji nda8endamindjin, inendagozi8ag apanigotc kidji mino todamo8adj acitc kidji apacenimo8adj 8inikag kagi kijenimigo8adjin, apanigotc ka todamindjin kagi ikidondjin.

1 Pien 4:19 Iomraidhean Croise

Min8adjimo8ini kagi ojibiag kitcit8a Lok 23:46

Jesos dac ki kitci kiji8e: “Nidadam! Kipagidinamon nidjitcagoc.” Ka ick8a ikidodj ii, ki ick8anamo.

Jesos Odanodaganan Odijitcige8ini8an 7:59

Stepan ki aiamie meg8adj e taji pabim8asinaagani8idj: “Jesos ka Tibendjigean! Odapin nidjitcagoc!”

Ojibiama8agani8i8ag ka teb8etamo8adj Rom odenakag 2:7

Nandam a8iagog apan kitci nak8i8ag 8e8enda kidji inadizi8adj. Onada8enima8an Kije Manidon kidji minigo8adjin icpendagozi8ini, kidji min8adjimigo8adjin, acitc kidji minigo8adjin pimadizi8ini ega 8ikad ke ick8asenig. Kije Manidon dac oga minigo8an kagige pimadizi8ini.

2 Timote 1:12

Mi 8edji kodagito8an ooma kibaodimigi8amikag. Misa8adj dac, ka8in nidagadjisi. Jesos mega nikikenima, acitc 8inikag nidiji apacenimonan. Niketcinamendan dac 8e8enda kidji kana8endag ii min8adjimo8ini kagi anonijidj kidji tibadjimo8ag pinici kidji koki tag8icig.

1 Pien 2:15

Kije Manido mega onada8endan k8aiak kidji todameg, midac kidji poni madji mikomigo8eg a8iagog ega ka kikenima8adjin Kije Manidon, ega ka kikendamo8adj adi ekido8adj.

1 Pien 3:17

Kicpin Kije Manido iji nda8endag kidji kodagito8eg, na8adj min8acin e kodagito8eg egi mino ijitcigeieg apitc8in egi madji ijitcigeieg.

1 Pien 3:20

Mi igi8e kagi nibo8adj, ega kagi ndota8a8adjin Kije Manidon meg8adj No8an (Noé) e pimadizinipanin. Ii apitc, Kije Manido ki cacibendam e piodj meg8adj No8an ka ojitondjin okitci tcimani. Ka8in dac ki manesi8ag a8iagog, nianeni8in eta, nibikag ka odji ag8acimagani8i8adj.