1 Pien 4:12 - Kije Manido Odikido8in: Ocki Mazinaigan

¹² Ni8idji8aganag ka kitci sagiinagok! Ka8in kock8endakegon e kitci kodagito8eg nogom. Mi gotc ejiseg. Apitc mega kodagito8eg, paietenag8an kicpin teb8e epitci sogi teb8etameg8en. Ka8in dac inendakegon ega e inendagozieg kidji iji8ebizieg.

1 Pien 4:12 Iomraidhean Croise

1 Konit 10:13

Kakinagotc ka iji 8ik8adjiigo8eg kidji patadieg, mi iidi ako eji 8ik8adjiagani8i8adj kidji patadi8adj kakina a8iagog ooma akikag. Kije Manido dac 8in, kiga 8idjiigo8a kagi ikidopan. Ka8in a8acamej kiga pagidinamagosi8a kidji 8ik8adjiigo8eg kidji patadieg apitc8in inigik ke iji kackito8eg kidji sogigaba8ieg. Apitc dac ako odji 8ik8adjiigo8eg kidji patadieg, omacka8izi8in kiga minigo8a kidji gi sogigaba8ieg, ega dac kidji pagicinieg.

1 Konit 3:13

Apitc Jesos ke koki tag8icig kidji tibakonigedj, 8e8enda kiga 8abadananan adi ejinag8anig pepejig a8iag omikimo8in. Ii dac apitc, Kije Manido oga abadjiton ickodeni kidji nda kikendag pepejig a8ian omikimo8ini, acitc kada odji kikendjigadeni epitci min8acinig8en konigotc epitci manadanig8en ii omikimo8ini.

2 Timote 3:12

Kakina igi8e Jesos Christikag ka iji tibendagozi8adj e 8i min8endamia8adjin Kije Manidon, ke8ina8a kada nanekadjiagani8i8ag.

1 Pien 2:11

Ni8idji8aganag ka kitci sagiinagok! Pi8ideg kidijinagozim, 8enibik eta e tajikeieg ooma akig. Kikitci pagoseniminom dac kidji 8ebinamegon ini madji mosa8endamo8inan ka 8i cagodjiigo8egon, ka nagabinigo8egon kidji min8endamieg Kije Manido.

1 Pien 4:4

Nogom dac, ka8in aja ki8i 8idji8asi8a8ag igi8e ka kitci madjadizi8adj apitc ka paba madji inakamigizi8adj. Apitc e 8abadamo8adj ii, kock8endamog acitc dac kimanazomigo8ag.

1 Pien 5:9

Ka8in pabajine ndota8akegon madji manido, acitc sogigaba8iok kiteb8etamo8ini8akag. Kikikenima8adog8enag ka 8idji teb8etamomigo8eg, mizi8ekamig ka paba te8adj, e taji kodagito8adj tabickotc kina8a ka iji kodagito8eg.