1 Konit 9:5 - Kije Manido Odikido8in: Ocki Mazinaigan

⁵ Kidinendana8a na ega e inendagozian kidji niba8ian, acitc kidji gi paba 8idji8ag nikokomim e paba kagik8eian, tabickotc ka todamo8adj Pien acitc kodagiag Jesos Odanodaganan acitc Jesos o8idjiki8en?

1 Konit 9:5 Iomraidhean Croise

Matio 13:55

Kana mi 8aa mitigonabe og8izisan? Mani ijinikazo8an odjodjoman! Mi ini Jak (Jacques) o8idjiki8en, Josep (Joseph), Simo (Simon), acitc Jod (Jude)!

Matio 8:14

Jesos dac ki tag8icin Pien omigi8amikag. Iima dac ogi 8abaman Pienan ozigosini e pimakocinindjin onibe8inikag, e kitci kijizo8apinendjin.

Min8adjimo8ini kagi ojibiag kitcit8a Mak 1:30

Simo ozigosan pimakocinobanin onibe8inikag, e kitci kijizo8apinendjin. Teci8ag dac ka tag8icig Jesos, ki 8idama8agani8i e akozindjin ini8e ik8e8an.

Min8adjimo8ini kagi ojibiag kitcit8a Mak 6:3

Kana mi 8aa mitigonabe? Kana 8in aa Mani og8izisan? 8in Jak (Jacques), Coses (Joses), Jod (Jude), acitc Simo o8idjiki8e8an, kana? Ocimejan ka ik8e8indjin kakina tajike8an ooma kina8itinakag, kana?” Onagabinigona8aban dac ii kidji teb8eta8a8adjin Jesosan.

Min8adjimo8ini kagi ojibiag kitcit8a Lok 6:15

Matio (Matthieu), Tomas (Thomas), Jak, 8in Alpi (Alphée) og8izisan, Simo, 8in ka acidagimagani8igobanen taji ka iji ma8asag8akonidindjin ega ka nda8endaminigobanen kidji tibenimigo8adjin ogiman Rom ka odjindjin,

Min8adjimo8ini kagi ojibiag kitcit8a Lok 8:20

Jesos dac ki 8idama8agani8i: “Kidjodjom acitc kidjiki8eg ag8adjik paba tajigaba8i8ag, e 8i 8abamik8a.”

John 1:42

Andre dac ogi iji8inan Simon Jesosikag. Jesos dac ogi kana8abaman Simon acitc ogi inan: “Simo kidijinikazonan, John og8izisan. Aja Sepas (Céphas) kiga ijinikanigo.” Mi pejig8an ijinikazo8in “Sepas” acitc “Pien,” pakan ijigij8e8inan e abadjitcigadegin. Midjinijin dac ini 8izonan 8idamagemaganon tabickotc asini ejinagozindjin ini a8ian.

John 2:12

Kegapitc dac, Kaponaom (Capernaüm) odenag ki ija. Odjodjoman, o8idjiki8en, acitc okikinoamaganan ogi 8idji8an. Ka8in dac kin8ej ki tajikesi8ag 8edi.

Jesos Odanodaganan Odijitcige8ini8an 1:14

Ma8asag kakinagotc e taci8apan ma8adjiidibanig ako kidji aiamie8adj. Ik8e8ag ka teb8etamo8adj ogi 8idji8a8an, acitc Mani, Jesos odjodjoman acitc Jesos o8idjiki8en.

Ojibiama8agani8i8ag ka teb8etamo8adj Rom odenakag 16:1

Kitci minodee kidjiki8enan Pebe (Phébé) ka ijinikazodj. Aa ik8e oteb8eta8an Kije Manidon tabickotc kekina8it, acitc okitci 8idjian ini8e ka teb8etamindjin ka ma8adjiidindjin kidji aiamiendjin 8edi Senkania (Cenchrées) odenag.

1 Konit 1:12

Nigi nodage mane8aiag e iji nenicikeseieg. Nandam e tacieg ikido8ag: “Pon ninosone8anan.” Nandam ikido8ag: “Apollos ninosone8anan.” Nandam ikido8ag: “Pien ninosone8anan.” Nandam kiabadj ikido8ag: “Christ ninosone8anan.”

1 Konit 7:15

Kicpin a8iag ega teb8etag 8i naganadjin o8idigemaganan ka teb8etamindjin, mi ke iji pagidinigodjin kidji madjadj. Kicpin dac oo8e ijiseg, kodag aa8e ka naganagani8idj, kicpin ik8e kek8an nabe, ka8in kada inendasi mamakadj kidji k8ag8e odjiadjin kidji madjandjin. Anic dac Kije Manido kinada8enimigo8a kidji pekadendameg.

1 Konit 7:39

Ik8e ka pimadizindjin ocomisiman, ka8in inendagozisi kodagian naben kidji 8idji8adjin. Midac ki nibondjin ocomisiman, kadagi niba8i kodagian naben ka nda8enimadjin. Midac eta panima naben ka teb8etamindjin kadagi iji niba8i.

1 Konit 7:7

Nin sa enendaman, na8adj kada min8acinoban kakina a8iagog kidji todamo8adj nin ka todaman, ega kidji niba8i8adj. Anic dac Kije Manido ogi minan kakina pepejig a8ian e pepakanag8anigin ca8endjige8inan. Pejig a8ian ogi minan kidji o8idigemaganindjin, acitc dac kodagian ogi minan macka8izi8ini kidji gi pejigondjin.

1 Konit 7:8

Nidinag dac oo8eni a8iagog ega ka niba8i8adj acitc ik8e8ag kagi 8ania8adjin o8idigemagani8an. Min8acini ega kidji niba8i8adj.

Kalecia 1:19

Ka8in dac kodagian Jesos Odanodaganan nidodji 8abamasi8an, mi eta Jak (Jacques), ka Tibendjigedj o8idjiki8en.

1 Timote 3:2

Aa dac ke niganizidj panima kada min8acini odinadizi8in, ega kidji madji mikomagani8idj. Panima eta ki pejigondjin odik8eman, ega ki ozamendagozidj, ki nagadjiidizodj enakamigizidj, ki manadjiagani8idj, 8e8enda ki toda8adjin pi8iden odisigodjin, acitc ki kackitodj teb8e8ini kidji kikinoamagedj.

1 Timote 4:3

Kikinoamage8ag ega e inendagozindjin a8iagon kidji niba8indjin, acitc ikido8ag ega e inendag8anig nandam midjimini kidji midjigadenig. Kije Manido dac ogi kijendan kakina midjimini kidji midjigadenig. A8iagog dac ka teb8eta8a8adjin Jesosan acitc teb8e8ini ka kikendamo8adj, kakina midjimini ogagi midjina8a, mig8etc e ina8adjin Kije Manidon.

1 Timote 5:2

Kida manadjiag ka kokomi8i8adj, tabickotc kidjodjom ke toda8adiban. Mi maia pejig8an ke toda8ad8a ockinigik8eg kimisesag ka toda8ad8a. 8e8enda kida toda8ag.

Tite 1:6

Aa nabe ke onabamadj kidji niganizidj, panima ki k8aiak8adizidj, ega kegoni kidji gi inactaonagani8idj. Panima eta kidji pejigondjin odik8eman. Kada teb8etamon odabinodjijiman, acitc kada kikenimagani8i8an e ndotagodjin acitc ega e madjakamigizindjin.

Ebaro 13:4

Kakina a8iag inendagozi kidji manadjitodj niba8i8ini. Ka8in 8ikad nabe kek8an ik8e oga 8izig8amasi8an kodagian a8ian apitc ki niba8idj. Kije Manido mega oga tibakonan ini8e ka pamendamindjin madji aido8ini, ki niba8indjin kek8an ka8in.