1 Konit 9:12 - Kije Manido Odikido8in: Ocki Mazinaigan

¹² Kicpin kodagiag ka kagik8e8adj inendagozi8adj kidji acameg8a, a8acamej kenina8it nidinendagozimin kidji acamigo8ag. Ka8in dac misa8adj kidodji k8ag8edjimigosim kidji 8idokago8ag. Tiegodj, nigi ick8atamin mane kidji iji kodagito8ag, ega kidji gi nagabinagid8a a8iagog kidji ndotamo8adj Jesos Christan omin8adjimo8ini.

1 Konit 9:12 Iomraidhean Croise

Min8adjimo8ini kagi ojibiag kitcit8a Lok 11:52

“Kiga kitci madji iji8ebizim, kina8a Coda8innig ka kikinoamageieg aiamie inakonige8inan! Kigi kibaana8a mikana Kije Manidokag ka inijimog. Ka8in kina8a kidodji abadjitosina8a ii mikana. Acitc igi8e ka 8i iji madjiado8adj kigi kibicka8a8ag kidji pimose8adj.” Mi ka ikidodj Jesos.

Jesos Odanodaganan Odijitcige8ini8an 18:3

Ogi 8idji tajikeman acitc ogi 8idji mikimoman. Ke8ina8a mega odojitona8agoban nibaganan, tabickotc Pon.

Ojibiama8agani8i8ag ka teb8etamo8adj Rom odenakag 15:22

E kitci paba tibadjimo8aban dac min8adjimo8in taji ega maci ka iji nodage8adj a8iagog, ka8in 8ikad ki minosesinon kidji pi nda 8abaminagok, misa8adj mane8inaj egi kitci 8i pi nda 8abaminagogiban.

1 Konit 13:7

Aa8e ka sagii8edj oponeniman a8ian adi kagi iji madji todagodjin. Kiabadj oteb8eieniman ini a8ian, oketcinameniman kidji ani mino iji8ebizindjin, acitc okitci cacibeniman.

1 Konit 6:7

E ijiseieg dac ako e kaganondieg acitc inactaonidieg nigan tibakonige8innikag, mi e 8abadai8emagag maiagotc e cagodjiigo8eg. Kicpin a8iag madji todago8eg, kek8an kimodimigo8eg kegoni, na8adj kada minoseban ega kidji pabiziskenimeg.

1 Konit 9:14

A8iagog ka tibadjimo8adj min8adjimo8ini, mi pejig8an ejise8adj. Ka Tibendjigedj ki inakonige oo8eni, igi8e ka tibadjimo8adj min8adjimo8ini inendagozi8ag kidji odji pimadjio8adj.

1 Konit 9:15

Nin dac 8in, ka8in kegon kigi ndodamaosinonom. Ka8in nogom kidojibiamaosinonom kegon kidji pidjinijaamaojieg. Na8adj nida min8endan kidji nibo8an apitc8in kidji pagosendamaonagok kegon. Nikitci apitendan ega egi k8ag8ed8eian kegon, ega dac a8iag kidji gi ikidodj: “Kitci 8i coniake aa, 8edji paba kagik8edj.”

1 Konit 9:16

Misa8adj ki tibadjimo8an min8adjimo8in, ka8in nigagi kitci inadjimidizosi. Nimotci todan mega adi kagi iji inanonigo8an. Niga kitci madjise kicpin ega tibadjimo8an min8adjimo8in.

1 Konit 9:18

Adi dac eji kijikago8an? Mi oo8e nikijikagozi8in, e kackito8an kidji tibadjimo8an min8adjimo8in ega mamakadj a8iagog kidji miniji8adj ke odji pimadjio8an. Nidinendagozinan kidji minigo8an ke odji pimadjio8an e paba tibadjimo8an min8adjimo8in, ka8in dac kegon nik8ag8ed8esi kidji minigo8an.

1 Konit 9:2

Misa8adj kodagiag a8iagog ega kikenimiji8adj Jesosikag e iji Anodagani8ian, kina8a kikikenimijim. Kigi teb8eta8a8a mega Jesos, nin egi tibadjimo8an min8adjimo8in kina8akag. Paietenag8an dac nin pejig ini Jesos Odanodaganan.

2 Konit 11:12

Kiabadj niga odapina kodagiag a8iagog oconiami8an tabickotc nogom ka todaman, ega kidji sanagiinagok. Midac ne8ad iidi ke iji kackiag8a ega kidji kido8adj igi8e kikinoamage8innig ka 8agackibinigo8eg, ka kitci inadjimidizo8adj e ijita8adj tabickotc nina8it.

2 Konit 11:20

8a8adj kicibenima8ag igi8e ka tibenimigo8eg, anodj ka inabadjiigo8eg, ka kimodimigo8eg kakina ka aiameg, ka manazomigo8eg, kek8an ka papasabaogo8eg.

2 Konit 2:12

Troas odenakag nigi ija, kidji nda tibadjimo8an min8adjimo8in ka odji kikenimagani8idj Jesos Christ. Apitc dac ka tag8icinian 8edi, nigi odji pabiziskendan ka Tibendjigedj egi ijitogobanen kidji kitci minose8ag e kagik8e8ag.

2 Konit 6:3

Ka8in ninada8enimasi8ananag a8iagog kidji odji anodj inenimigo8ag adi e todamag e mikimo8ag. Midac 8edji kitci k8ag8edjito8ag ega kidji kibitinagidj a8iag kidji teb8etag.