1 Konit 9:1 - Kije Manido Odikido8in: Ocki Mazinaigan

¹ Teb8e nin nitibenimidizonan! Teb8e nin pejig ini Jesos Odanodaganan! Nin tibina8e nigi 8abama Jesos ka Tibeniminak! Nin sa ka 8idjiinagok kidji ani teb8etameg, e anokita8ag ka Tibendjigedj!

1 Konit 9:1 Iomraidhean Croise

Jesos Odanodaganan Odijitcige8ini8an 13:2

Meg8adj dac ka teb8etamo8adj e taji aiamie8adj acitc e pagidadjige8adj, Mino Manidon ogi igo8an: “Nigi onabamag Banabas acitc Saul. Nidaian mikimo8ini ke ijita8adj. Pagidinikog kidji nda ijita8adj kagi inanonag8a mikimo8ini.”

Jesos Odanodaganan Odijitcige8ini8an 14:14

Apitc Banabas acitc Pon ka nodage8adj adi e inakamigizinani8anig, ogi kibickibidona8an odaimi8an epitci ega pabajine min8endamo8adj. Ki ipaidi8ag dac ka iji tendjin a8iagon acitc ki ikido8ag:

Jesos Odanodaganan Odijitcige8ini8an 14:4

Ki nenicike8inidi8ag dac a8iagog iima odenag ka tajike8adj. Nandam ogi 8idji8a8an Ponan acitc Banabasan, kodagiag dac ogi 8idji8a8an Coda8innin.

Jesos Odanodaganan Odijitcige8ini8an 23:11

Apitc e ani onag8icinig, ka Tibendjigedj ogi pi nda 8abaman Ponan acitc ogi inan: “Ka8in kotadjiken! Aja kigi paba tibadjimonan nikikinoamage8in Jerusalem odenakag, acitc panima kiga iji tibadjimonan Rom odenakag.”

Jesos Odanodaganan Odijitcige8ini8an 9:15

Midac ka Tibendjigedj ogi inan Ananiasan: “A8i ijan! Nigi onabama Saul kidji ijitadj mikimo8ini e kitci apitendag8anig. Niga paba mikomig, kidji odji kikenimijindjin ega ka Coda8inni8indjin acitc kitci ogiman acitc Israel a8iagon.

Jesos Odanodaganan Odijitcige8ini8an 9:17

Midac Ananias ki ija Codasan omigi8aminikag. Ogi saminan Saulan acitc ki ikido: “Nidjiki8e Saul! Ka Tibendjigedj nigi pidjinijaog, mi aa8e Jesos kagi 8abamadj mikanakag apitc ka pijaian ooma. Nigi pidjinijaog mina8adj kidji pi nda koki 8abiinan, acitc kidji pidigeckaok Mino Manido,” ki ikido.

Jesos Odanodaganan Odijitcige8ini8an 9:3

Midac Saul ki ija 8edi Damas. Apitc e ani pec8abadagiban ii odenani, kitata 8ak8ig ki odateniban e 8akaiatenig 8ajagam 8inikag.

Jesos Odanodaganan Odijitcige8ini8an 9:5

Saul ki ikido: “Ka Tibendjigean! A8enen kin?” Ogi igon dac: “Nin Jesos, nin aa ka k8ag8e nanekadjiadj.

Ojibiama8agani8i8ag ka teb8etamo8adj Rom odenakag 1:1

Nin Pon, ka anokita8ag Jesos Christ, ka nd8e8emijidj Kije Manido Jesos Odanodaganan kidji inagimigo8an, acitc ka onabamijidj kidji tibadjimo8ag omin8adjimo8in.

Ojibiama8agani8i8ag ka teb8etamo8adj Rom odenakag 1:5

Jesos ka pi todag, mi 8edji ki minijidj Kije Manido okitci ca8endjige8in, acitc mi 8edji ki onabamijidj Jesos Odanodaganan kidji inagimigo8an, kidji anokita8ag Jesos, e 8ikobinag8a a8iagog mizi8ekamig kidji madji teb8eta8a8adjin Kije Manidon acitc kidji ani ndota8a8adjin.

Ojibiama8agani8i8ag ka teb8etamo8adj Rom odenakag 11:13

Nogom dac kiga aiamiinom kina8a ega ka Coda8inni8ieg. Nigi anonig Kije Manido min8adjimo8ini kidji paba 8idamage8ag kina8akag. Midac 8edji kitci apitendaman nimikimo8in.

1 Konit 1:1

Kina8a Kije Manido ka teb8eta8eg, Konit odenakag ka taji ma8adjiidieg kidji aiamieieg, nin Pon kidojibiamonom. Kije Manido nigi nd8e8emig Jesos Christ Odanodaganan kidji inagimigo8an, mi mega iidi kagi iji onenimijidj kidji todam8ag. Aa8e nabe ni8idji8a, Sostenes (Sosthène) ka ijinikazodj, mi ke8in oteb8eta8an Kije Manidon. Kina8a dac, Jesos Christikag ka iji mama8iseieg, Kije Manidokag kidiji tibendagozim. Kije Manido mega kigi nd8e8emigo8a, odanicinabeman kidji ijinikazo8eg, acitc ogi nd8e8eman kakina kodagian a8iagon mizi8ekamig ka icpenimandjin Jesos Christan, 8ina8a ka Tibenimigo8adjin acitc kekina8it ka Tibeniminak.

1 Konit 10:29

Kinada8eniminom dac kidji mamidonendameg adi ke inenimigo8eg aa kodag a8iag kicpin midjieg ii 8ias, kicpin 8in inendag ega k8aiak kidji midjigadenig ii 8iasini. Ne8ad a8iag kada inendam: “Nigagi midjin 8egonenigotc 8a midjian. 8egonen dac ke odji inendagoziaban kidji todaman kodag a8iag adi eji nda8endag kidji todam8ag?

1 Konit 10:30

Mig8etc nidina Kije Manido oo midjimini odji, ka8in dac a8iag kada ikidosi e panaageian kicpin odji midjian,” inendam.

1 Konit 11:16

Kicpin a8iag 8i ana8etag ka ikido8an, panima oga kikendan mi pijicig ka pi iji kikinoamageiag acitc mi ejitcige8adj kakina ka teb8etamo8adj apitc ma8adjiidi8adj kidji aiamie8adj.

1 Konit 3:6

Kitige8innig nidijinagozimin. Nin dac, nigi kitige anomin, Apollos dac 8in ogi sigaada8an. Kije Manido dac 8in ogi madjigian ini anominan.

1 Konit 9:19

Nitibenimidizonan, ka8in a8iag nitibenimigosi. Pekic dac nigi onendan kidji tabasenimidizo8an, kakina a8iagog kidji anokita8ag8a, midac kidji gi kackiag8a na8adj mane a8iagog kidji ani teb8etamo8adj.

2 Konit 10:7

Mi maia tabickotc ega ka 8abadamegon kegonan ka kitci paietenag8agin e todameg. Kicpin pejig a8iag ketcinamendag Jesos Christikag eji tibendagozidj, kada mamidonendamoban kenina8it Jesosikag eji tibendagoziag tabickotc 8in.

2 Konit 11:5

“Mi igi Jesos Odanodaganan ma8adji ka kitci apitendagozi8adj” kidinenima8ag igi8e ka paba 8agackibinigo8eg e paba kikinoamage8adj. Ka8in kanabadj 8ina8a a8acamej kitci apitendagozisidog8enag apitc8in nin nidinendan.

2 Konit 6:1

Nina8it dac ka 8idji mikimomagidj Kije Manido, kipagosenimigom kidji ega 8ebinameg okitci ca8endjige8in kagi minigo8eg.

Kalecia 1:1

Nin Pon kidojibiamonom. 8in tibina8e Jesos Christ kagi onabamijidj Odanodaganan kidji inagimigo8an, acitc dac ke8in Kije Manido Kidadaminan, 8in kagi abidjibaadjin Jesosan. Ka8in dac 8in a8iagog kagi onabamiji8adj, ka8in kek8an pejig a8iag kagi anonijidj.

Kalecia 5:1

Jesos Christ kigi pagidabaogonan, ega mina8adj kegon kidji tibenimigo8ak. Sogigaba8iok dac adi kagi iji pagidabaogo8eg. Nagadjiidizok kabena, ega kidji pagidenimidizo8eg kidji koki tibenimigo8eg.

1 Tesalonika 2:6

Ka8in 8ikad nigi odji ijitasimin kidji min8adjimijiag, ka8in kek8an kodagiag a8iagog kidji min8adjimigo8ag.

1 Timote 2:7

Nin dac, nigi onabamig kidji tibadjimo8an omin8adjimo8in acitc Jesos Odanodaganan kidji inagimigo8an. Teb8e nidikidonan, ka8in nikagina8ickisi. Nigi onabamig kidji kikinoama8ag8a ega ka Coda8inni8i8adj, kidji gi teb8etamo8adj acitc kidji gi kikendamo8adj teb8e8ini.

2 Timote 1:11

Kije Manido nigi onabamig Jesos Odanodaganan kidji inagimigo8an, kidji tibadjimo8an oo8e min8adjimo8in acitc kidji kikinoamageian.