1 Konit 8:13 - Kije Manido Odikido8in: Ocki Mazinaigan

¹³ Mi 8edji inendaman oo8e. Kicpin nidjiki8e “nipanaage” inendag apitc midjig ii 8iasini kagi pagidinigetama8agani8i8agobanen manidokanag, ka8in 8ikad mina8adj niga midjisin ii 8ias. Ka8in mega ninada8endasin kegon kidji inakamigizian kidji gi odji panaagedj nidjiki8e.

1 Konit 8:13 Iomraidhean Croise

Matio 17:27

Pekic dac, kasa 8in ki8i kiji8aasi8ananag igi8e ka ma8adjia8adjin conian. A8i ijan sa dac tcigagam sagaiganikag acitc nimina8eatig8en kik8ack8enabanabi nibikag. Ag8azidabin aa nitam kigoz ke k8ack8ebina8ad8en acitc ta8anobij. Kiga mika8a dac iima conia kidji gi tibisean kidji gi kijikaman nin inigik mezinaigeian kitci aiamiemigi8amikag, acitc kidji gi kijikadamadizo8an kekin. Odapin dac aa, acitc kijikazon inigik enendagoziak kidji kijikazo8ak.”

Jesos Odanodaganan Odijitcige8ini8an 15:20

Tiegodj dac kiga ojibiama8ananag. Kiga 8idama8ananag ega kidji midji8adj 8iasini kagi pagidinigetama8agani8indjin manidokanan, ega ka ijinag8anig kidji midjigadenig. Kiga 8idama8ananag kidji nagadjiidizo8adj, ega madji aido8ini kidji pamendamo8adj. Acitc kiga 8idama8ananag ega kidji minik8e8adj misk8ini, kek8an kidji am8a8adjin a8esizan kagi kibisk8enagani8indjin.

Ojibiama8agani8i8ag ka teb8etamo8adj Rom odenakag 14:13

Kida ponitonanan dac kidji onakonidiak. Tiegodj kida onendananan ega kegon kidji todamak kidji gi odji pakebinaiakonig kidjiki8enanag, acitc ega kegon kidji inakamigiziak kidji gi odji panaage8adj.

Ojibiama8agani8i8ag ka teb8etamo8adj Rom odenakag 14:21

Kimino ijitcige dac kicpin ega midjian 8ias, acitc ega minik8ean cominabo, acitc ega odji pejig kodag kegon ijitcigean kegi odji pakebinadiban kidjiki8e.

1 Konit 10:32

Ka8in kegon inakamigizikegon kidji odji patadi8adj Coda8innig, kek8an ega ka Coda8inni8i8adj, kek8an igi8e Kije Manidokag ka iji tibendagozi8adj ka ma8adjiidi8adj kidji aiamie8adj.

1 Konit 10:33

Kagikina8abamicik nin adi ejitcigeian. Adigotc ejitcigeian, nik8ag8e min8endamiag kakina a8iagog. Ka8in mega nin eta kidji mino iji8ebizian nitodasin. Tiegodj, kakina a8iagog kidji mino iji8ebizi8adj nidinakamigizinan, kakina kidji gi ag8acimagani8i8adj.

1 Konit 13:5

Aa8e ka sagii8edj ka8in otodasin ega kidji manadjiadjin kodagian. Ka8in omamidonendasin 8in eta kidji odji minosedj. Ka8in 8ake8ina8ezisi. Apitc a8ian madji todagodjin, ka8in ii otaji mamidonendasin, mi eji 8anikedj.

1 Konit 6:12

Nandam ii e tacieg inendamog: “Adigotc 8a inakamigizian nigagi inakamigizinan.” Ne8ad teb8e ii, pekic dac nandam kegonan ke inakamigizi8adj ka8in min8acisini8an kicpin Kije Manidon 8i nosone8a8adjin. Nin, niteb8etan kidji gi todaman adigotc 8a inakamigizian. Ka8in sa dac 8in kegonigotc niga pagidinasin kidji tibenimigo8an.

1 Konit 9:12

Kicpin kodagiag ka kagik8e8adj inendagozi8adj kidji acameg8a, a8acamej kenina8it nidinendagozimin kidji acamigo8ag. Ka8in dac misa8adj kidodji k8ag8edjimigosim kidji 8idokago8ag. Tiegodj, nigi ick8atamin mane kidji iji kodagito8ag, ega kidji gi nagabinagid8a a8iagog kidji ndotamo8adj Jesos Christan omin8adjimo8ini.

2 Konit 11:29

Kicpin a8iag cagozidj oteb8etamo8inikag, mi kenin nicagozi8enimidizonan, tabickotc nin iji8ebiziaban. Kicpin a8iag inagodjig patado8inikag, ni8isagendan kenin.

2 Konit 6:3

Ka8in ninada8enimasi8ananag a8iagog kidji odji anodj inenimigo8ag adi e todamag e mikimo8ag. Midac 8edji kitci k8ag8edjito8ag ega kidji kibitinagidj a8iag kidji teb8etag.