1 Konit 7:9 - Kije Manido Odikido8in: Ocki Mazinaigan

⁹ Kicpin dac ega kackito8eg 8e8enda kidji nagadjiidizo8eg enakamigizieg, na8adj kada minose kidji niba8ieg apitc8in kidji nici8anadjiigo8eg kimosa8endamo8ini8a ka kitci macka8izimagag.

1 Konit 7:9 Iomraidhean Croise

Jesos Odanodaganan Odijitcige8ini8an 19:36

Ka8in a8iag ogagi ana8etasin. Pekadiziok dac acitc abadjitaok kimidonendjigani8a ab8amaci kegon inakamigizieg.

1 Konit 7:2

Pekic dac kicpin ega niba8idj, ne8ad kada 8ik8adjiagani8i madji aido8ini kidji pabamendag. Megadacta acitc ke odji min8acinig misa8adj pepejig nabe kidji o8idigemaganidj, acitc pepejig ik8e kidji o8idigemaganidj.

1 Konit 7:28

Kicpin dac niba8ian, ka8in kipatadisi. Acitc kicpin ocki ik8e niba8idj, ka8in patadisi. Igi8e dac ke niba8i8adj, mane kodagito8inan oga aiana8an ooma akikag, acitc dac ninada8endan kidji 8idjiinagok ega kidji aiamegon kodagito8inan.

1 Konit 7:36

Mina8adj dac niga mikomag ockina8e acitc ocki ik8e kagi onendamo8adj kidji niba8i8adj, pekic dac ki odji onendamog ne8ad na8adj kidji minosenig ega niba8i8adj. Nanage dac odji mamidonendam aa ockina8e kidji kackendamiadjin acitc kidji madji toda8adjin ke ijinagozindjin ini ik8e8an ega niba8iadjin. Okitci nda8eniman mega kidji 8idji8adjin ini ik8e8an. Odinendan dac na8adj kidji minosenig kidji niba8ipan. Kada niba8iban dac aa, adi ka iji nda8endag. Ka8in patadisi ii todag.

1 Konit 7:39

Ik8e ka pimadizindjin ocomisiman, ka8in inendagozisi kodagian naben kidji 8idji8adjin. Midac ki nibondjin ocomisiman, kadagi niba8i kodagian naben ka nda8enimadjin. Midac eta panima naben ka teb8etamindjin kadagi iji niba8i.

1 Tesalonika 4:4

Kinada8enimigom kakina pepejig e tacieg 8e8enda kidji nagadjito8eg kia8i8a, kidji gi min8endamieg Kije Manido acitc kidji gi odji manadjiigo8eg kodagiag a8iagog adi enadizieg.

1 Timote 5:11

Igi8e dac ik8e8ag ka nibondjin onabemi8an, kiabadj ka ocki pimadizi8adj, ka8in kida acidagimasi8ag. Misa8adj egi ikido8adj ega mina8adj kidji niba8i8adj, ne8ad mega mina8adj kada kitci 8i niba8i8ag, acitc oga odji poni anokita8a8an Jesos Christan.

1 Timote 5:14

Midac 8edji nda8endaman ka ocki pimadizi8adj ik8e8ag ka pejigo8adj kidji koki niba8i8adj, kidji odabinodjijimi8adj acitc 8e8enda kidji kana8endamo8adj omigi8ami8a. Midac ega kidji gi madji mikomigo8ak ka madjenimigo8ak.