1 Konit 7:29 - Kije Manido Odikido8in: Ocki Mazinaigan

²⁹ Nidjiki8eg! Mi oo8e 8a ikido8an. Inigik Kije Manido kagi minigo8ak pimadizi8ini aja kegat ick8aseni. Inendagozi8ag dac ka niba8i8adj kidji mamidonendamo8adj ooma akikag eta kidji iji niba8i8adj.

1 Konit 7:29 Iomraidhean Croise

Min8adjimo8ini kagi ojibiag kitcit8a Lok 14:20

“Mina8adj dac kodag ka nd8e8emagani8idj ki ikido: ‘Nogom maia nigi iji niba8inan. Megadacta 8edji ega kackito8an kidji pijaian.’ ”

1 Konit 7:28

Kicpin dac niba8ian, ka8in kipatadisi. Acitc kicpin ocki ik8e niba8idj, ka8in patadisi. Igi8e dac ke niba8i8adj, mane kodagito8inan oga aiana8an ooma akikag, acitc dac ninada8endan kidji 8idjiinagok ega kidji aiamegon kodagito8inan.

1 Konit 7:30

Igi8e ka kackendamo8adj inendagozi8ag kidji mamidonendamo8adj ega kagige kidji kackendamo8adj. Igi8e ka papi8adj inendagozi8ag kidji mamidonendamo8adj kidji ani ick8asenig ka odji papi8adj ooma akikag. Igi8e ka kicpinado8adjin kegonan inendagozi8ag kidji mamidonendamo8adj ega kagige kidji aiamo8adjin ini kegonan.

1 Konit 7:31

Ada8e8innig inendagozi8ag kidji mamidonendamo8adj ega eta kidji 8i coniake8adj e pimadizi8adj. Nogom mega aki oo8e ka ijinag8ag, ka8in aja kin8ej kada tag8asinon.

1 Pien 1:24

Mazinadeni mega Kije Manido Omazinaiganikag: “Mi maia mijack ejinagozi8adj a8iagog, acitc mi maia 8abig8ani ejinag8anig kakina ka iji kitci apitendamo8adj igi a8iagog. Mijack kada pate, acitc 8abig8ani kada pagisin.

1 Pien 4:7

Aja peconag8an kakina kegon kidji ick8aseg. Nagadjiidizok dac enakamigizieg acitc iag8amendamok, kabe kidji ick8ataieg kidji aiamieieg.

1 John 2:17

Kada ponise aki, acitc kada ponise8an kakina kegonan ka mosa8endamo8adjin a8iagog ooma akikag. Anic dac aa a8iag ka inakamigizidj Kije Manidon ka iji nda8endamindjin, mi aa kagige ke pimadizidj.